صوت وصدى مع الشاعر الكبير حمود بن زايد السليس
 

ارسلت هذه القصيدة على الشاعر الكبير حمود بن زايد السليس..


وشرفني ابو عمر بالرد الوافي الكافي ..


[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الشعر مزنة والهواجس رعودها=والله على خلقة بفضلة يقودها
اقبل على فكري صدوق ن مخايلة=قافة بردها والروابع شهودها
ثعولها جزل المعاني ترازمت=وهتانها يظهر خوافي بنودها
ويفيض من وبل القوافي شعيبها=من عقب ما يبست من الماء عدودها
يزهاه نوار المشاعر على الورق=وريح الخزاما كل ما هب نودها
يفوح من طرق الهلالي نسيمها=ويضهر شذى عطره مواري حسودها
البارحة يا حمود محد ن يلومني=بيحت من حزني بقايا سدودها
الشوق والهوجاس والهم والرجا=صكت على عوج الحنايا حشودها
تدري وش الي يا بن زايد يقودني=ريمية ن ما شاف اخوها خدودها
لا مر ذكره كن جسمي على اللضى=أونست من هجره لهايب وقودها
ون قلت اصارحها بما كن خاطري=عيا اللسان من الحياء لا يزودها
يا حمود قلبي مع عروقة بكفها=والنار في كبدي تقادح زنودها
أخفي عن الي فالهوى ما درابنا=خوفي من العذال تكثر وفودها
يوم فرقت حدب الظلوع بيمينها=دقت مناسبها ورزت عمودها
وسط الحشاء بيته تعلى وارتكت=ترسم ورى لوح الضماير حدودها
خليتها فالقلب وخفيت غيرتي=صبري عسى الايام تكشف قصودها
سيطر على قلبي غلاها وحبها=ون قلت ابسلى وتناسا وجودها
كن الجوارح حالفة ما تخونها=لا قام طيفة قدم عيني يرودها
ما عدت اميز ثقل ولا يعافني=وقامت تلاشى وسط قلبي ردودها
اسقيتها من نبع صافي ورتوت=وقطعت عنها الماء ويبست ورودها
شيهانة ن ما تلتفت لا دعيتها=واول على الملواح تبذل جهودها
طارت وبانت عقب حامت ثلومها=حسبي عليها كيف خانت عهودها
قد قلت يا عذب اللمى فيك مبتلى=وغره كلامي يحسبني بعودها
هوا مادرى فعله يخالف ملتي=وعندي تساوى حبها مع صدودها
اليوم طاب الجرح عندي وعادتي=ممشي ورى المقفي واعرفه يكودها
يا حمود جاك الخط واعرف طلاسمه=يمناك مدتلي من الطيب جودها
تشكر على المجهود والحظ قام بي=عقب اكتبو لي فالصحايف عقودها[/poem]7
7
7
7
7
7
رد الشاعر حمود السليس

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الله من عد (ن) تكاثر ورودها=لو ينقص المياح منها يسودها
عد المشاعر والدلي بدع غيري=كثره دلي الورد وانا حمودها
يالله يارب الملا عالم الخفا=يا عالم (ن) بيض الليالي وسودها
تفرج لعين (ن) كل ما زارها الكرى=حضرت هاجدها وغاب مهجودها
ودي وودي والمواقف مواقفي=لو كان حامدها يصد محمودها
من يزرع المعروف لابد يحصده=لكن مدري وش يكون محصودها
دنيا الشقا تعطي وتأخذ من البشر=ياشين بكرتها ومطيب قعودها
نوب (ن) على غيري ونوب (ن) علية=ولا عاد اميز هبدها من هبودها
عشرين عام اقتات من قوت غيها=آغرم بشاردها واطوع شرودها
وعشرين عام امضيت في خدمة الخوي=أخدم من اهل الجاه واخدم فهودها
ومن كثر دقلاتي وكثرة تجاربي=بديت اميز حردها من حرودها
واللي طرق فكري وحرك مشاعري=النادر الي حرته من يرودها
سلام يا خالد ولا باس ما حصل=وخير البشر رب العباد معبودها
هو فارج الكربه ليا أخلصت نيتك=أبواب رزاق الملا من يصودها
والعشق يا خالد بنوده محيره=العشق دوله والمشاعر جنودها
وانته عشقت وعشقتك ما تغرني=لكن حار الفكر من دق عودها
من دقها فالكون ما بان ضلها=وانته عشقت الضل من حب ذودها
ظنيت فيها السوء مابان غيبها=وخدودها ما بينت لك نهودها
ومادام قفت ليه تتعب ركايبك=بع ودها لو نقضت لك جعودها
غذيت بنت الخير واذيت بنتها=وعاشت عنيدها وماتت عنودها
والشك يقطع صاحبة من مصالحة=الشك قطاع الولد من سنودها
وانا مقول اضمن ولا تقطع الرجا=لكن هودها على ما يهودها
والحرص واجب والتحرص متاهه=ياللي تعرف جبالها من نفودها
بذلت في جمع الشمل وافر السبب=وشهودها من جود عليه عضودها
وان كان تبغى النصح فاقبل نصيحتي=نصيحة اللي ماصري من لهودها
لا صار توك ما تعلمت الفضا=أفضل نزول الطايره من صعودها
والصبر مفتاح الفرج لا تأزمت=والنفس لا يحداك حادي خلودها
واختامها مني على خاتم الرسل=ازكى صلاتي والتحيات طودها[/poem]

الله الله الله الله الله

يازين الشعر لا جاء من هله زينااااااه

صوت وصدى قمّه

صحّ لسانك مــدد مــدد..

وصح لسان المبدع حمود السليس..

وبيض الله وجيهكم

تحيتي:wardah::wardah:

عز الله العزيز أنها اسناد وافي ورد وافي بين رجلين وافيين


صح لسانك ولسانه ولاهنت :wardah:

الله واكبر

ياخالد

اجزلتوا وابدعتوا


لاهنتوا

أحمد خليفة الأسعدي


صح بدنك وما عليك زود


ولا هنت على المرور

ياسلام


جزلين الله يعافيكم


صح ألسنتكم والله


احترامي

:wardah:

سلطان العطاوي


صح بدنك يالنشمي


ولا هنت على المرور العذب

الله عليك يا ابا الوليد

كان صوت رئع وصدى اروع من ابو عمر


صحت السنتكم


تحياتي لكما

عبدالله السمران


الجزاله انت من اهلها


ولا خلى ولا عدم

عبدالله ماجد

صح بدنك وشاكر لك حسن المرور

ضيف الله العالي


صح بدنك ومشكور على حسن الاطراء .

خالد

عز الله العزيز اني اطربت للقصيده

ياسلام ياسلام
صوت وصدى ولا أروع
صحت السنتكم والله

صحت الالسن والقلوب


لاهنتم


مبدعان بحق:wardah:

سعود غنام


صح بدنك ولا هنت يالنشمي



منور متصفحي

عايض الهاجري


لا خلى ولا عدم وشاكر لك حسن الاطراء....

يا سلام عليكم يا ثنين
صوت وصدى هلالي على مستوى

صح لسانك ولسان السليس يا خالد
ولله درّكم

عفاس بن حرباش


صح بدنك ولا هنت على مرورك العذب

صح بدنك


ولا هنت على مرورك العطر

الشوق والهوجاس والهـم والرجـا

صكت على عوج الحنايـا حشودهـا

دنيا الشقا تعطي وتأخـذ مـن البشـر

ياشيـن بكرتهـا ومطيـب قعـودهـا

صح لسانك يا الغنامي

صوح لسان السليس

أبداع أبداع