الله يفرج كربتك
الهجوس اللي تجيب الحبر و القرطاسي / شيدت بيت القصيد و شدّته باطنابه
اذكر الله و اتعوذ به من الوسواسي / الكريم اللي بمانه يلتجي طلابه والله اني ما نسيتك يا عصابة راسي / كود ينسى الذيب جر عواه في مرقابه لا تباطاني و لا تشره على مجلاسي / اقبل اعذار ابن عمك يوم طال غيابه والله اني درع جنبك فالزمان القاسي / كيف و الشيهان ما يلطم بلا مخلابه لا تضيق و لا تهم السجن و الحراسي / والفرج بيد الكريم اللي ما يوصد بابه يبن عمي في غيابك ما برد هوجاسي / مونس ٍ بالصدر جمر ٍ ما طفا مشهابه و دام سجنك سجن عز وموقفك نوماسي / فاشهد انك تستحق المدح يا كسابه |
الله الله
الجزل علي بن ضاوي لله درّك على الموقف .. وعسى الله يفرج عنه وعن المسلمين صح لسانك يا علي التقدير والتحيه لك |
على ضاوي
تسلم ياالجزل على هاالدرة الجميلة اللي مايكتبها الا شاعر عملاق والحقيقة تستحق الاهتمام وانا لااملك الا ان اقول بيض الله وجهك وجمل الله حالك ونتطلع لجديدك طال عمرك تقبل تحياتي |
بيض الله وجهك
وصح لسانك حضور ثاني جزل تقبل سلامي |
اقتباس:
صح بدنك اخوي عايض و الله لا يهينك على المرور و المتابعه |
الله الله
صح لسانك ياعلي , ودمت بخير , |
صح لسانك ياعلي
والله يفك اسر السجين اخوك |
اقتباس:
لا هنت و عسى عمرك طويل |
اقتباس:
ابو نايف صح بدنك ووجهك ابيض على كل حال حضورك شرف طال عمرك |
اقتباس:
صح بدنك يا عبد العزيز و الله لا يهينك يالغالي |
اقتباس:
صح بدنك يا منصور و الله لا يهينك |
صح الله لسانك
ولاهنت يالسنافي |
| جميع الأوقات بتوقيت GMT +3. الساعة الآن 03:19 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية