..:: وزارة الخدمة المدنية ::.
[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
وزارة الخدمه لها وقت قصير=تنشر على الاعلام كل اعلامها ولا تقدم لا قليل ولا كثير=وشروطها متناقضه واحكامها وارقامها بين الصحافه والاثير=وانجازها ماغير نشر ارقامها لا بارك الله فالوزاره والوزير=اللي على الخيبه تحث اقدامها قومٍ تواجدهم عدم .. مافيه خير=واوراقها ماتلتقي بأقلامها ما منهم اللي عنده إحساس وضمير=الله يعجل بالرحيل ايامها لكن رجانا في مطوعة العسير=عز البلاد الطاهر وحكامها حصن الوطن ريف الغناوي والفقير=اللي كتاب الله اساس نظامها ياخادم البيتين غيث المستجير=ياللي عصاها في يدك وخطامها ياطيب السيره ومحمود المسير=فرز الوغى سقم العدا وكعامها أمرك يسر القلب ويعز المصير=آآمر على اللي مايفيد افهامها مافيه شك الوضع هذا مايصير=الناس شابت فالصدور احلامها [/poem] وسلامتكمـ :wardah: |
الناس شابت فالصدور احلامهـا
الناس شابت فالصدور احلامهـا الناس شابت فالصدور احلامهـا الله الله الله بـغض النظر عن الدعوة على المسلم التي ممالاشك فيه لا نرضاها الا انك قدمت قصيدة جميلة وبخصوص الصورة الشعرية الموجودة اعلاه صح لسانك . |
الله لايلوومك
يامطر اطربتنا صح الله لسانك ملايين ولاهنت |
مطر العازمي:
عالجت قضية غيرك بقصيده تثبت لنا أن الشعر رساله تسمو بسمو الشاعر وتفكيره ومعالجته لمايدور حوله صح لسانك. |
مطر صح لسانك مطر امطرت شعر ولالك لايم ياكثر من يشكي
والبلا محدن يسمع شكوى من شكى..... قول المثل.. لاحياةٍ لمن تنادي... |
الله الله
القصيده قويه والاعجاب كبير سبك وحبك جميل لاهنت |
اقتباس:
الله محييك |
صح لسانك يالسمران
لاهنت ومراااحب |
اقتباس:
نورت ياابو احمد والله محييكـ |
قسم بالله العظييييييم انك مبدع ،، صح لسسسسسسسسسسسانك لين ترضى { اطربتني واعجبتني } وعسى الله .. يعين ، وييسر الأمور " لاهنت .. يامطررر :wardah: |
حمدان العازمي
مرحبا ومسهلا .. صح بدنك واشكرك على حضورك يالقرم احترامي لكـ |
أي والله
الناس شابت فالصدور أحلامها عز الله صدقت يا مطر شاعر جميل يا مطر وبدعك قريب للذائقه وقصيدتك هذي تكلمت بلسان شرائح المجتمع المختلفه .. صح لسانك ملايين يا مطر ودّي وتقديري واحترامي لك |
نصير الغلابا ومحامي العامة مطر
ابيض وجه دايم وراقي في طرحك صح قلبك ولاهنت تقديري:wardah: |
ياخادم البيتين غيـث المستجيـر
ياللي عصاها في يـدك وخطامهـا ياطيب السيره ومحمـود المسيـر فرز الوغى سقم العـدا وكعامهـا أمرك يسر القلب ويعـز المصيـر آآمر على اللي مايفيـد افهامهـا مافيه شك الوضع هـذا مايصيـر الناس شابت فالصدور احلامهـا صح لسانك شاعرنا ولاهنت على هـ النص الـ هادف مبدع وغني عن اشادتي تقديري لك,’’ |
لــكــن رجــانــا فــــي مـطـوعــة الـعـسـيـر عـــــــز الـــبــــلاد الــطــاهـــر وحـكــامــهــا صح لسانك يا مطر مواضيعك لها خصوصيه مختلفه عن الغير وانت شاعر قدير تحياتي |
اقتباس:
والشعور متبادل يابو رشيد حيكـ وحي نباكـ ولاهنت |
اقتباس:
الله يسلم راسك ياضيف الله اسعدني مرورك العطر ياالقرم احترامي:wardah: |
مطر القصيد
ولست مطر العازمي لله درك من شاعر الناس شابت فالصدور احلامهـا الشطر هذا سيبقى للتاريخ سيبقى مطر العازمي صح لسانك من مكة لين باب بيتك مشي على رجلي :woow55: |
لله درك على هذا الشعر والشعور
صح لسانك |
قصيدة رائعها ونهجها إصلاحي وهنا دور الشعر الحقيقي
في التعبير عن الرأي العام صح الله لسانك يامطررر ولا هنت |
اقتباس:
مرحبا بك يااستاذي عايض حضورك حضور المطر يابعدي صح بدنك ولاهنت على كل حال |
مطر
صح السانك لين ترضى يالامير |
| جميع الأوقات بتوقيت GMT +3. الساعة الآن 12:29 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية