حتـى المطـوع لاقـراه إرتعـديـا
 

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بالدّلبحة عديت خمسة عشـر عيـد=وعقبه مشيت عـن النوابيـح عديـا
آطـا الحيـوف الواقفـات المشاليـد=حافي قـدم وأنقـل صميلـي بيديـا
أتلـي مظاهيـرٍ تنحّـت مـع البيـد=إستشملوا وأمشـي وراهـم وحديـا
أشوف طيشان الدبـش والمشاديـد=لما غدوا عنّـي مـن البعـد غديـا
أقيـف وأمشـي وألتفـت للمواعيـد=وأطيح من حـر الوطـا وأعتمديـا
وأركض وراهم مع حزوم وسماهيد=من دونهـم زمّ السـراب وصعديـا
وقفوا على اللـي يقطعـن الجراهيـد=وعنهم حداني لاهب القيـظ حديـا
البعد فرقا والمسابير ماتفيد=يوم انتحت عربانهم عن بلديا
لاياجـزاء مالـي عليهـم مواريـد=كان الكـلام اللـي سمعتـه وكديـا
إن صمّلـوا بينـي وبينـه حواسيـد=أمـوت مارفـرف جنـاح السعديـا
واشب بخشـوم المشاعيل وأزيـد=واغز بالمشهاب نـار الوقديـا
واهوم وآصل ياجـزاء نقـرة الصيـد=وأشـوف قطعـان المهـا تجتلديـا
من دونهن سلّـة سيـوف وبواريـد=ومن شافهن عاف القنيـص وشرديـا
وجدي عليهـا وجـد فـلاحٍ وحيـد=ركّـب علـى بيـرٍ قـراحٍ قهديـا
الغـرب شاحنّـه جـلال المعاويـد=تسمع صريخ محوصهـن كالرعديـا
حيـل البكـار منيّهـات المهاديـد=قطـم الفخـوذ مكسرات العمديـا
وطشّ الزروع وفوقها صفّـة الغيـد=وزرعه على حـد الفيـاض إستنديـا
وفزر حصاده وأعجلتـه اللواديـد=وحظ المعيثيـر إنكسـر ماحصديـا
البير طاح .. ولابقى لـه مجاويـد=وهو 'شايبٍ عودٍ ضعيـف الجهديـا
وصاح وتنخّى وإرتكى راسـه الحيـد=وقلبه على الـزرع المتلّـي زهديـا
ومات الضعيف المشلهبّ المقيريد=وراس الزبـارة شيـدوا لـه لحديـا
هذا وجودي يابـو صالـح ولاأزيـد=قلبـي هجـاج وحالتـي ماتحمديـا
قلبـي خذنّـه مخلفـات المواعـيـد=ومجنون ليلى فـوق راسـي حنديـا
راع المحبـة مايعـرف التـواريـد=حتـى المطـوع لاقـراه إرتعـديـا
أبستشيـرك وآخـذ الـراي وأفيـد=عساك تهديني علـى الخيـر هديـا
وش ظنكم كان الطّرد فـات ماصيـد=أرقـا جبـال طويـق وألا أبتعديـا
لاياجزاء عطنـي سريـع المراديـد=شف حالتـي بيـن التّلـف والنكديـا[/poem]

نهير العمودي الشمري

..

سنجار " صح " لسان شاعرها ..

ولا هنت على هالنقل ..

تقديري واحترآمي لك ..:wardah:


..

قلبي خذنّـه مخلفـات المواعيـد
ومجنون ليلى فوق راسي حنديـا
راع المحبـة مايعـرف التواريـد
حتـى المطـوع لاقـراه إرتعديـا


صحّ لسان نهيّر الشمري

وسلمت يمناك يا سنجار

تحيتي:wardah:

الله الله الله

صح لسان شاعرها ..

ولاهنت ياسنجار على النقل ..

ودمت بخير ..

هلا فيك جمانه




وصح بدنك

حياك الله يا أحمد


شرفتنا ياطويل العمر

مرحبا يامخايل


صح بدنك يالغاليه

هلا ياعبدالعزيز



صح بدنك



والله لايهينك على هالحضور

سلمت يمناك يالسنافي

[align=right]
جزله جدا ...}

صح السان شاعرها ../

ولاهنت سنجار ع النقل ...,

موفق..,/

[/align]

هلا ياصديقي






مشكور لحضورك

هلا يالسمو



صح بدنك



وشكراً لتصفحك

صح بدنك


والشكر موصول لك في حضورك