بلا بأشوفك ياخويتي بلا همّ .؟
 

/

\


[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تكفى طلبتك ياخفوقي وقل تمّ=خلك مع ظروف الهوى دبلوماسي
لا تنجرف مع كل عذرى وتهتمّ=وتشغلي افكاري وتلعب براسي
انا نويت أبعد عن الهم والغمّ=ليش انتظر يالين اطيح متواسي
يمكن ليا حد الركب ياصل الدمّ=ويصير في بعض الأمور التباسي
يكرم مقامي والمطاليق تكرمّ=درب الخنا داعس عليه بمداسي
اخاف من شرهة رفيق او ولد عمّ=وانا مقامي مرتفع عند ناسي
الساس لامنه تهدمّ تهدمّ=والحمد لله شايبي عزّ ساسي
بحر الهوى يسقيك ياخافقي سمّ=وتصير في الغبه ولا لك مراسي
لا لا يا ابوي اركد وقلي هلا سمّ=وابشر لا احطك في مقرٍ رئاسي
واعيشك على النقى بس تولمّ=بنروح نخطب لا تصير انت ناسي .؟
بنروح للي خابره لا تعلمّ=خلك سياسي واعتبرني سياسي
بلا بأشوفك ياخويتي بلا همّ=ابا اختصرها لك بوقتٍ قياسي
نلقى الرفيق اللي يسولف بلا فمّ=الوقت قاسي وابن الاجواد قاسي
لابد ماشمل المحبين يلتمّ=من تحت ذيك الطاوله والكراسي
والسعر طيّب مير لا تنشد بكمّ=لكنّ وضع العاطفه شي اساسي
وتكفى طلبتك ياخفوقي وقل تمّ=وابشر بمن يرضيك يابعد راسي[/poem]

/

\

111

111

حجز يامبدع ,

مرحباً مليون ياعبد العزيز
مكانك في القلب
ومتابعتك هدف وشرف


تحياتي لك

وعليكم السلام ورحمة الله وبركاته
ارحب ارحب ارحب

يالله حيه وعاش من شافك يا مشعان
لاعاد تبطي عنا وملاحظتك مأخوذه في الحسبان
ونتعلم منك طال عمرك


تحياتي لك


:wardah:

اخـاف مـن شرهـة رفـيـق او ولــد عــمّ
وانــــا مـقـامــي مـرتـفــع عــنـــد نــاســـي

الله الله

فيحان القرمودي ,

صح لسانك مليون في مليون ,

ودمت بخير ,

فيحان


صح لسانك


مع تمنياتي لك بالتوفيق


,

صح الله لسانك

ولاهنت

السـاس لامنـه تـهـدمّ تـهـدمّ
والحمـد لله شايبـي عـزّ ساسـي




عساه ذخر والله يطول في عمره


صح لسانك يافيحان ولاهنت

كلكم وافين وأولكم مشعان
مروركم

شرف وصح الله بدنكم


تحياتي للجميع



:wardah: