اللعبه المشهوره.. 4X4
من التراث المونديالي.. كانت من أجمل الأيام و الليالي..
بلشت مدري وين اعيدها مره ثانيه.. بغيت اوديها لقسم السديري :icon_mrgreen: , و بعدين قلت ما لها الا هنا.. ( اللعبه المشهوره 1 ) لـ/ طلال الجميلي [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] كل البشر فـي معظـم الاوطانـي=يناظـرون لـسـآوث افريكـانـي يتابعـون اللعـبـه المشـهـوره=والمستطيـل الاخضـر الميدانـي [2010 ] مونديـالـه زحـمــه=فيه العلـوم اشكـال والا الوانـي وحنا نبي نشرب فـكـآس العالـم=ونسكب سوالفنـا مـع الاخوانـي غياب الاخضـر عنـه اول حاجـه=اللي طلـع مـن سبـة الفنسانـي لـو لاعبينـا مـا عليهـم قاصـر=مجني عليهـم والمـدرب جانـي ! والقـاره الكبـرى تأهـل منـهـا=كـوري و كـوري مـع اليابانـي والاسترالـي جـابـه الله معـنـا=حتـى ضمـن تأهـلـه مجـانـي واما العـرب تهاوشـوا بالكـوره=لين اصبحـت نـارٍ لهـا دخانـي حـاول يصلحهـا بشيـر الغفلـه=و حاول وحاول يفـرع السودانـي لكـن عربنـا دايـمـاً مختلـفـه=حتى ولو تفـزع حقـوق انسانـي وافلح ولد سعـدان واسعـد ربعـه=وحنـا معـه بالجانـب الوجدانـي و حامل لقب هالكأس ماهو طيـب=لا والله الا راحــوا الطلـيـانـي تعادلـوا والله مـاادري عنـهـم=لو ودعـوا مـن دون دورٍ ثانـي واما الديوك الزرق ما من صيحـه=ضاعوا و داخوا من بعـد زيدانـي قامت قيامتهـم وصـارت هوشـه=وانيلكـا طايـر بـلا جنحـانـي ! واما البرازيل ابلشوا فـي دونغـا=اللـي ذبـح ابداعهـم بالعـانـي اوضاعهـم شينـه و حتـى كاكـا=ما هو بـكاكا اللاعـب الميلانـي وامـا مارادونـا فـجـاب الطعـه=لحالـه يصايـح مـع الخليانـي ! لو غاب ميسـي يبتلـش فاللعبـه=من يـوم جمـع باقـي الشيبانـي فاللعـب عـز الله لاعـب فـنـي=لكن مـدرب مفلـس و تعبانـي ! واسبانيـا ماهيـب مثـل اوروبـا=ما كأنـه اللـي يلعـب الاسبانـي جتكم طواحيـن الكـره يـا عالـم=ان غاب روبن جاك روبـن ثانـي والانجليزي جـاب معـه الخيبـه=من يـوم رونـي ولـع النيرانـي بيكهام لو يحلم تـرى مـا يكسـب=غير الرجوع لـديرتـه خسرانـي وجتـك المكايـن تشتغـل بالقـوه=فيهم شجاعـة هتلـر الالمانـي ! هذي تفاصيل البطولـه يـا اللـي=تبغى الخبر من قاصي و من داني ! حسب كـلام المصـدر المرقابـي=اللي حضر في سـآوث افريكانـي [/poem] ( اللعبه المشهوره 2 ) لـ/ خالد السيحاني [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] طلال لو غنى وشات الكوره=في ملعب المعنى وهز اشجاني يفصل القيفان من واقعنا=كنه يقول اللي بعظم لساني اثرك ليا دققت يابو نافع=حللتها تحليلة الزياني وانا من الله كل قاف ٍ طيّب=اجاوبه .. من هجسي ووجداني اشوف فالكوره علوم ٍ واجد=علوم ٍ انساها ولا تنساني المستديره يا طلال احيآنآ=ما تستدير الا على البطراني نيجيريا تلعب ونلعب معها=ووجيهم بفعولهم بيضآني لكن ما كان الحظ واقف معهم=عانو من التحكيم يا ذيباني وبعد نسيت فعولنا بالكوره=الخافي اللي خابرينه باني يا كبر شرهتنا عليك وكبرك=بعيوننا .. يا مكرم الضيفاني [/poem] ( اللعبه المشهوره 3 ) لـ/ متعب الشيباني [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] عـز الله انـي يـا عــرب مــا أدانــي=أجــاري الـلــي يـبــدع القيـفـانـي أخـاف لاأكـتـب حـاجـةٍ مــا تـسـوى=ويطيـح [ شعـري ] مـن عيـون أخوانـي لكـنّ ( خالـد ) بـعـد جــارا ( طـلّـو )=إبداعـهـم عـلــى الـشـعـر قـدّانــي أنـتـم مـاْشـاء الله تعـرفـون الـكــوره=عكـسـي انــا والنـيـجـريّ الـثـانـي ( أبوحـمـد ) لا ثــاروا أهــل الـهـيّـه=يقـدم مــع الفـرسـان لـ.. الفرسـانـي يبطـش بـ.. كـفٍ مـا تعـرف الرحـمـه=ويختـار خصمـه ../ خـيـرة الشجعـانـي و أنـتـم تعـرفـون الـكُـوَّر و أهـلـهـا=[ دوري انقليزي ] .. ولا .. [ دوريْ أسباني ] واحــد : يشـجـع [ برشلـونـه ] دايــم=و واحـد : يحـب .. [ ميونـخ الألمـانـي ] وحـنـا تـرانـا [ تسبـودنـا منـدبـلـه ]=مـن منتخبنـا .. ( سعـودي عريبـانـي ) إذا تـأهــل .. كـلـنـا نـفــرح لـــه=ومـن شـدة الاعصـاب .. صرنـا نعـانـي نهمـل دراستـنـا عـشـان .. نشـجـع !=المنـتـخـب .. و المنـتـخـب فـنّـانـي آخـر اسـم ( يُلحـق ) مـع أهـل الـدوره=وفــي دورتــه مــع اول البيـبـانـي ! وندري بـ.. إن هـذي [ خطـط مدروسـه ]=وكـل شـيء يتبعهـا كــذا .. مجـانـي ! [ كبوة مـدرب ] .. ولا .. [ كبـوة لاعـب ]=مدري ! .. ولكـن ماهـي مـن [ حصانـي ] وإن كانـت النشـره .. ماهـيـب النـشـره=لكن ( حسـن ) هـذا .. ( حسـن كرّانـي ) وهـذي .. النهايـه يـا ( طـلال و خالـد )=بـ.. أسـم أُخوكـم ../ متعـب الشيبـانـي [/poem] ( اللعبه المشهوره 4 ) لـ/ ش. س. [poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] بعد السوالف جـا لهـا دندانـي=نبغـا ندندنهـا مـع الجيرانـي لو كان ما اشقاني سوالف غيري=الا مَرادونـا مـا جـاه اشقانـي يا اللي حظوظك فالتأهـل صعبـه=ضاعت على الفيده مع الفيدانـي فريقنا اول مـن ضمـن بلوغـه=بعـد التأهـل للطريـق الثانـي افضـل مـدرّب ديقـو مارادونـا=غصب ٍ على الراضي مع الزعلاني معه الليوث الشِرس نخب العالـم=اليا اوقفت من ياصـل البيبانـي يا اهل التعادل و الخروج العـادل=هذا طموحك لا استوى الميزانـي و الا فريـق التانقـو المتمـيّـز=ما يقبـل الا الفـوز يـا حبانـي هذا الفريق اللـي عليـه الكلمـه=دام المعلـم مارادونـا البـانـي يبـا يعيـد امجـاده المخبـوره=بالفـن و التكتيـك و الإتقـانـي اسطـورة التدريـب للـي يفهـم=و الا الغشيـم يلاعـب القيفانـي يـا مدربيـن العالـم المقهـوره=اخـذوا دورس ٍ منـه بالمجانـي هـذا المـدرّب لا مـدرب غيـره=هذا الزعيـم مشتـت العدوانـي هـذا الخبيـر معلّـم الابداعـي=هذا الكبيـر مطنّـش الحَقرانـي لكـن منّـي جاهـزه و اخذوهـا=ماني على السعـودي ابطربانـي[/poem] |
.
والله إن كل حده تقول أنا أحلى . هذي المفروض لها قسم خاص (( أساسًا )) << مايفكها حبيّب :icon_mrgreen: . صحت السنتكم واحد ورا الثاني وبيض الله وجيهكم . لاهنتم لاهنتم . :wardah: |
اقتباس:
صح بدنك.. و الله مريت على القسم اتجول فيه و اعيد قراءة مواضيعه مره ثانيه الا و احصل هالمشاركات .. و قلت اجيبها لإعادة الحنين الى الماضي :icon_mrgreen: على فكره تمت الموافقه و لي الشرف يا فهد بن عبدالعزيز ;) |
الله أكبر يا شفق وش هالحمياء والدفاع عن مارادونا والله لو إنه من جهام عموما صحت ألسنتكم جميعاً وهاذي مثل ما قال اخوي حسن تبغى لها مرقاب مستقل لأنها ما صارت مساجلات بل مسلسلات تحياتي لكم |
ابك هذا شنو يا شفق كل ما اخلص من وحده تطلع غيرها :0012:
لي عودة علشان اختار احلى وحدة فيهن :icon29: |
وافـلـح ولــد سـعــدان واسـعــد ربـعــه
وحــنــا مــعــه بـالـجـانـب الـوجـدانــي صح لسانك يا طلال نيجيـريـا تـلـعـب ونـلـعـب مـعـهـا ووجـيـهــم بفـعـولـهـم بـيـضـآنـي لا هنت يا خالد آخـــر اســـم ( يُـلـحـق ) مـــع أهـــل الــــدوره وفـــــــي دورتـــــــه مـــــــع اول الـبـيــبــانــي ! :icon_mrgreen: صح لسانك يا متعب وصح لسانك ولا هنت يا شفق تقبل مروري |
ياسلام ياسلام ,
أبدآع من أول قصيده لأخر قصيده , وصحة السنتكم يامبدعين , ودمتو وسلمتو , ولاهنت ياشفق , |
هههههههههههههه
ابومهنا .. اعدتنا لـ ايام مضت .. ايام كان الولاء على حسب الرابطه .. بغينا صدق نهاجر كلن لـ دولة رابطته .. <- يتخيل نفسه في نيجيريا هو وخالد وابوحمد teeth: .. صح لسان طلال , ولسان خالد ., و لسانك ياابومهنا .. .. teeth: .. ؛ |
،
الله الله .. ما شاء الله عليك يابو مهنآ ،، التقاطه رايقه .. وابيات من الارشيف الجميل صح لسان ابو نافع وصح لساني :11: ولسان ابو ضيف الله ولسانك يا قيصر تقديري |
اقتباس:
هههههههههههههههه و الله لو انه من الجمش كله ماهوب بس من جهام.. هذا مارادونا و الرزق على الله .. صح بدنك يا ابو صالح و شكراً على تواصلك .. محبتي |
اقتباس:
السيده/ مخايل شكراً لحضورك و متابعتك صح بدنك تحياتي |
اقتباس:
الغالي عبدالعزيز الجش صح بدنك و انا اخوك و سلم راسك حضورك اضافه محبتي |
اقتباس:
يا مرحبا يا ابو ضيف الله صح بدنك يا غالي.. و اللي ميّز هذه القصائد انك احد اطرافها محبتي الدائمه |
اقتباس:
عريسنا الغالي ابو غازي صح بدنك حبيب ألبي كانت من أجمل ليالي و أيام المرقاب محبتي |
اقتباس:
اجمل ما في هذا المونديال هو تواجدك المستمر خلاله يا ابو محارب كانت قفشاتك و كان حضورك أساس الإبداع لهذا المونديال المرقابي صح بدنك.. و انا مع مارادونا و ليس مع الارجنتين.. على حسب محطة مارادونا سوف تحط رحالي :):):) و ميسي يا كرهي بسسسسس.. محبتي |
,
ابو مهنا هذي مكانها المواهب .. ماهوب محلها هنا :) لكن ذكرتنا المونديال والروابط هههههههههههه ,, |
4X4
ذكرتني يابو مهنا بمبارة النصر والهلال :) صح الله السنتكم نفر نفر ودي وتقديري |
..
موضوع " رايق " ما حضرنا المونديال معاكم .. لكن " صدى " الملاعب .. وصلنا .. في العام .. :) تقديري لك يا " ش . س " .. :wardah: .. |
| جميع الأوقات بتوقيت GMT +3. الساعة الآن 04:13 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية