منتديات المرقاب الأدبية

السلام عليكم ورحمة الله

اطلب انضمامي للمرقاب الادبيه ولكم فائق التقدير

اخوكم ناصر الحمادين

روضة خريم:

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
روضة خريم جيتك وجل مرتاب=ودي انسى وودي بالسكينه
هارب من الرياض وحرق الاعصاب=ودي انسى الرياض وساكنينه
ياوجودي الى شفت القمر غاب=وجد منهو توفوا والدينه!!
اتوجد وانا بي عدة اسباب=كلبوها تودي للغبينه
انتشار الجهل وسياسة الغاب=في قلوبٍ تملت بالضغينه
ياعرب عودوا خلوكم اعراب=انتم اغراب في وسط المدينه
لو تفاخرتم بتاريخ الانساب=ذي حواديت للنفس الحزينه
كم من اسماً تلحف بشت الالقاب=!!مير هالبشت قاصرتاً يدينه
وكم من اسماً لبس له بدله وكاب=مير لاقال له كلمه ثمينه
وياقصيدي الى فتحت الابواب=لاتجرم لك احد ولاتدينه
اصرخ اصرخ بصوتك جاكم الداب=صرختك تسمع قلوب فطينه
حط لك في سنام المجد مرقاب=وارق يم الجدي صافح يمينه
لإنك اصلاً تسمى سحر الالباب=سلوة القلب خافيه وكنينه
فيك ذابت قلوب وغرقت اهداب=وفيك قسوة زمان وفيك لينه
كان غيرك يمارس فكر الارهاب؟=لجل يكسر مجاديف السفينه!
كل مالذ فيك وكل ماطاب=انت علمهم ان العمر زينه[/poem]

المشاركه الثانيه

القناعه:

[poem=font="simplified arabic,5,gray,normal,normal" bkcolor="transparent" bkimage="" border="none,5,gray" type=2 line=0 align=center use=ex num="0,black""]
استكنْ الحزن في قلبي وسني توه=واكبر ويكبر معي همي وضيقة بالي
كل ماظنيت ظن وقمت اخايل نوه=زفته هوج الرياح وراح ماله والي
آآآه ياوجه الزمان اللي مافيك مروه=وآآآه ياحظً يوردني سراب اللالي
وآآآه يادنياً تضوحك للردي والعوه=في زمانً صار مقياس الرجال المالي
ضاعت الشيمه وضاعت فى الرجال الخوه=واصبحت غربة رجوله فى الزمان التالي
الحقائق واهيه والصدق صار مشوه=واضعف الايمان ضحكة سن ياعذالي
ما اتسمع في كلام اللي يقالب ضوه=ويتشدق بالهروج ويضرب الامثالي
يحسب اني جاهلً حلو الزمان وسوه=مادرى اني قد شربت المّر قبل الحالي
الحسايف ماتعوض وآآه ليت ولوه=والقناعه ماملت بطن الفقير الخالي
يالله المعبود يارحمن قوه قوه=عبدك اللي منك خاف ودمع عينه سالي
صايراً طيراًيحوم بجو ماهو جوه=مايوسع خاطره ياكود قفراً خالي[/poem]

الثالثه:

شاعر مفتري:

[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
للغالي اللي لاحقه مني ملام=ملحقه شرهه وهو منها بري
عليه مني كل ماهبت سلام=سلام ومن العذر ماضنه صري
ابعتذر والعذر من طبع الكرام=مايقدره ياكود رجال جري
وانا حصل مني خطا (والله حرام)=اخطي على اللي فاريً قلبي فري
انا بدوي وفى اتيكيتي عدام=وهو لطيف وناعم وقلبه طري
انعم من النسمه ومن ريش النعام=وعلى القساوه والجلافه ماضري
من رقته يتعبه كثر الكلام=وآآآبري حالي كل ماسلهم بري
لاغضى وسلهم بالعيون ام السهام=كنه موردها علي (شلفا جري)
احاول اركز واقول اني تمام=وبلا شعور آضيع ويروح نظري
يقراء تفاصيل يغطيها اللثام=والموت في صدراً من النعمه ثري
اقول خذني بين كفينك بناااام=ويقول كيف آمن لشاعر مفتري؟!!

[/poem]

nus098@hotmail.com