شجرة الرأك
 

[poem=font=",5,darkblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
تدري وش اللي ضرني يوم فرقاك = ما ضرني همّ الفراق وسنينه
اللي ذبحني يوم كفّيت يمناك = عن واحدٍ لرضاك قدّم يمينه
وأكبر مصيبه يوم عجزت شفياك =عن كلمةٍ كنت أنتظر تنطقينه
لو قلت سامحني على اكبر خطاياك=اللي ورا حدب المحاني دفينه
في ذمتي لا حطّها تحت ما طاك =لوّ كانت اكبر من قصور المدينه
وأدمح خطاك وكل ماصار لرضاك =وأصبر لون الموج غطا السفينه
هذا الغلا لولاه ما والله أنخاك =لا حلّ بالرجّال بيّح كنينه
إما تعال ورد روحي بلاماك =مدّ الوفا وإقطع إحبال الغبينه
وألا أرحلي وأنا ترا من فداياك =وإن هلّ دمع البعد لا تمسحينه
عجز النظر مع طول الأيام يرواك =تكفين حبل الوصل لا تقطعينه
الذنب ذنبي يوم حوّلت بحماك =واللي دخل بحماك لا تذبحينه
وأنا على ما قيل لوّ جيت أبنساك =بحط قلبي في يدينك رهينه
طير السعد خلاّاك يا شجرة الراك= يكفيه عشر إسنين يا ساجنينه
وإن مت ما قلت السبب همّ فرقاك =علمٍ تراكم كلكم خابرينه
النفس طيرٍ والمقادير الأفلاك =والموت للمخلوق في حاجبينه
وشخصٍ يسوي بالمحبه سواياك = مبلي على بلواه ربي يعينه [/poem]





فهد الغنام الشمري

فهد الغنام

شاعر تستحق التواجد ،
لك كل التقدير : )

صح السانك

شاعر مافيها كلام

شاعر مبدع يافهد ,

وصح لسانك مليون في مليون ,

ودمت بخير ,

.
صح لسانك يالغنام
.
مبدع إلى النخاع لاعدمتك
.
:wardah:

ابداع لايستغرب

يابوراشد

صح لسانك مدد

تحيتي وتقديري

عجز النظـر مـع طـول الأيـام يـرواك
تكـفـيـن حــبــل الــوصــل لا تقطـعـيـنـه
الـذنــب ذنـبــي يـــوم حـوّلــت بـحـمـاك
والــلــي دخــــل بـحــمــاك لا تـذبـحـيـنـه



ابو راشد


لله درك

صح لسانك يابو راشد مدد مدد

والمرقاب يفخر بوجود أمثالك.