طامع بريمه واشوف شداد ريمه * وذالسنه مامن شداد ولا مسامه
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يالهجوس اللي على قلبي مقيمه = أظهري والحمد لله ع السلامه
لك ثلاث سنين يا مال الهضيمه = ما بديتك خوف من حكي وملامه
لين من همك خفوقي زاد ضيمه = وصدري من اللي بدا هشّت عظامه
الفرج لك والمواري مستديمه = فالجفن شامه وفالخافق علامه
واوجودي وجد رجل(ن) فيه شيمه = يعشق الطيّب وقدره من مقامه
لا لفاه الضّيف نطّحه العزيمه = وكل ضيف(ن) له مواجيب وكرامه
وكان ضيفه ما جلس .. طلق حريمه = وكان ما تممه .. ما ثنّى كلامه
يوم دبّ الشيب خانته العزيمه = وضامته دنيا العنا والوقت ضامه
لاش منشود(ن) ولا له اي قيمه = عقب طيبه مآحد(ن) ساق اهتمامه
ما جداه الا المراسيم القديمه = وما جداه الا التوجّد في مرامه
وكل جاحد طيب جعله للحريمه = وان جلس مجلسه في ريع الندامه
ذا وجوده يالرياجيل الفهيمه = مثل وجدي يوم شفت ام اللثامه
بكرة(ن) منهو قناها .. له غنيمه = خف دم وزين وصف وطول قامه
كم فارس دونها ذاق الهزيمه = وكم هامه ارتخت من تحت هامه
ساقها الوالي بتقدير وحشيمه = عقب ما قلبي تلاعب به هيامه
والوصل من بيننا ربي مديمه = وقلبي المغرم عرف منهو غرامه
واقتنعت ان ما يعقب السيل ديمه = لين شفت انفتحت ابواب العسامه
وراح مع منهو غدا عقبي غريمه = وبالجفا والغدر تطعني سهامه
طامع بريمه واشوف شداد ريمه = وذالسنه مامن شداد ولا مسامه
وصرت ابا الدمام وآقف في رحيمه = ومن يسلّم ضيقتي تردع سلامه
وكل وادي قمت اهوجس به واهيمه = كن فكري غاشيه فرعه غمامه
وعقبها عاودت في طرقه قديمه = ( سهر ليل .. وضيقه .. وخالد سلامه )
[/poem]

.
صح لسانك يافيصل
.
نص جميل
.
:wardah:

صح السانك وعتلا شانك وعز الله جزلة من راس رجال جزل وافي

وحي ذا العين من شرطان خالد سلامة طاريه

ذكرتني بالفنان خالد سلامة
ووهجه ايام زمان
هذه النص جميل ومثير للدهشة
لافض فوك
ودي

وعليكم السلام والرحمه .،

هلا والله يا بن العم
صح لسانك ملايين والله يعينك على الثلاثه اللي في البيت الأخير : )

لك التقدير والتحيه ..

صح السانك يافيصل

مبدع


تحيتي

ابو مفلح

الشهاده مجروحه من ذو مبطي

لكن ما اقول غير صح لسانك حتى ترضى

والله لايضرك ويكون في عونك :)

..

صح بدنك يابو غازي

والله يسلمك يابن عمي :)

.