الهنوف اللي سكن حبها وسط الضمير
الهنوف اللي سكن حبها وسط الضمير ما قدرت أنسى غلاها و لا أكسب ودها جادلٍ بوصوفها عن جميع الناس غير العسل بشفاتها والبدر في خدها عيطموسٍ في خفوقي لها قدر كبير وفي عيوني عسجدية ولا أحدن قدها فتنةٍ تخلف كيان المشيب والصغير وتجذب قلوب البشر يمها وتشدها في حلاها تاخذ من المها شين كثير فارعٍ مالله خلق فالصبايا ندها النحر مثل البدر والشعر مثل الحرير والنواظر تاسر الروح يوم تلدها ولا تمايل عودها مع نسانيس العصير تجرح قلوب الاوادم وتلعن جدها ولاتحاكت فاح من حكيها مسك وعبير ومن دلعها ما أعرف مزحها من جدها سحرتني سمحة الوجه وصرت إلها أسير وصار قلبي لعبةٍ بين أصابع يدها وكل شين تطلبه لو هو كايد يصير ولو أعرض روحي الموت بس ما أردها والنهاية سلت بوجهي السيف الشطير والجفا أقوى من طعون السيوف وحدها طعنتني في فوادي ولاعينت خير وآآآآه يامقوا جفاها ومقسى صدها غصت في بحر الهوى لجلها لو هو غزير وتركتني بين جزر البحور ومدها |
..
آلله آلله " قصيدة " جزله وابيات عذبه .. موفق يا " اخوي " .. تقديري لك ..:wardah: .. |
صح لسانك ياسلمان ,
وصح لسانك , ودمت بخير , |
هنا شعر بختصار كله جزاله
لاهنت لاهنت لاهنت صح السانك صح السانك صح السانك تحيتي لك |
الله الله الله
مبدع ونص رائع صح لسانك مدد تحياتي |
الله
قصيدة جزله ورائعه بعذوبتها صح لسانك أخوي سلمان لاهنت |
والنهاية سلت بوجهي السيف الشطير
والجفا أقوى من طعون السيوف وحدها طعنتني في فوادي ولاعينت خير وآآآآه يامقوا جفاها ومقسى صدها غصت في بحر الهوى لجلها لو هو غزير وتركتني بين جزر البحور ومدها هكذا الشعر <!-- / message --> |
| جميع الأوقات بتوقيت GMT +3. الساعة الآن 09:36 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية