ضما الصيد
الأخوه والأخوات في المرقاب الخلاب السلام عليكم شبه قصيده بدون مقدمات اليكم [frame="9 80"] [poem=font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""] لا شادي الوادي مبطل تغاريد=ولا ليل قادر يوقفه عند حدّه ضميان لو حاول يجاري ضما الصيد=منتوق زهره لا تفرعن يسدّه لين الذي يرسم خضاب العناقيد=في الظل من بين البراعم يمدّه مثل القدر يعطي لناسه مواعيد=واحيان يلقى من يجيه ويردّه جيتك ضما تونس مضيضه مع البيد=شيخه على ريش الترف مستبدّه نسمة هوا تربك سياق التناهيد=ودمعة مسا تحرج بياض المخدّه فيني تعب يقلب كيان التجاعيد=وجنة طفل تحمل ملامح لجدّه صحت وسمعتك في حلوق الزغاريد=تهت ولقيتك عند وحده تكدّه ابطيت واقف بين همس المناقيد=سحبت كرسي واثر كرسي بسدّه كنتي تقولي والخرز ياكل الجيد=والله لتبطي وانت فاهي تعدّه نسمع سوالف خالة الحسد والكيد=وش جاب طارف خدّها عند خدّه أوحي مبارك واسمع بطاري سعيد=واجهت فوضى بين هاته و ودّه من وحي "هاته" صوت هات المباريد=خمّنت "ودّه" ودْ عوده وندّه ليلة فرح لولا حياها من العيد=قالت محرّم لا يحدد بمدّه فيها يلالي برطم العبد للسيد=لين الصدى ينشب لسانه بغدّه باسمك تغني قينة الحفل للغيد=تهتف لكل الغيد لا للمودّه ليلة ضرب زيد وجلس ساكت عبيد=حوباه لفنون الوجع مستعدّه راعي الهرب لي مات ما يدفن بعيد=كف المنيّه لارض حتفه تشدّه هزي جبل واخذي فتاته جلاميد=غيرك ولا زلزال قادر يهدّه [/poem] [/frame] |
اقتباس:
ربي يسعدك الله الله الله الله هذا ليس شعر..بل سمو شعري.. لايكتبه الا عظماء الشعر فهنيئا لنا بشاعريتك وهنيئا لنا بهذا النص الذي اعتبره مورد لمن يضماء شعر ويعطش للشعر فانه هداج الشعر ارتويت شعرا وساعود واعود واعود لهذا النص مرارا وتكرا .. . |
. والله إنك مجرم شعر ياعآمر . نسمة هوا تربك سياق التناهيد ودمعة مسا تحرج بياض المخدّه . صح لسآنك وبيض الله وجهك يالقرم . نص فآخر وزآخر بالمفردآت الـ TOP . لله درك على هالإبدآع . :wardah: |
كنتي تقولي والخرز ياكل الجيد
والله لتبطي وانت فاهي تعدّه التقاطه رائعه ياعامر |
الله الله الله
صح لسانك مليون ياعامر , ودمت بخير , |
ارحب ارحب يابن عمار
يالله حيّه و حيّ ما جاب :) صحّ لساااانك ملايين سلمت و لاعدمنا حضورك الرائع تحياتي |
جمال طاغي
وحرفنة شعرية مبتكره الله ماابدعك ودي |
مثل القدر يعطي لناسه مواعيد واحيان يلقى من يجيه ويردّه صح لسانك ابيات جزله من شاعر جزل لاهنت, تحياتي |
عمار ياعامر
لك منهج خاص قليل من يجيده غيمار |
كنتي تقولي والخرز ياكل الجيد
والله لتبطي وانت فاهي تعدّه شعرك ينومس يا غالي صح لسانك مدد |
يهده الله الله
صح لسانك يا عامر ولا هنت |
اقتباس:
شهاده اعتز بها يا ابن شلواح لي في ردك قدوه اشكر لك كل حرف سطرت بحقي وبحق هذه المتواضعه امام ذوقك دمت |
الله عليك يامتجدد ،،،
أنت والله الخلاب ! هذا النص فارق يابوعمرو يعني لو اني قاريه بدون اسم تسان ماجبت لك خبـر :icon29: مدري انت تشببت والا تثقفت والا تجيد أكثر من أسلووووب :woow55: المهم لافض فوووك مع تحفظي على بيت القدر ،،، وبالذات الشطر الثاني (( وأحيان يلقى من يجيه ويرده )) إن كان قصدك حديث : " لا يرد القضاء إلا الدعاء ، ويزيد في العمر إلا البر " رواه الترمذي والحاكم في المستدرك وحسنه الألباني فأنت قريب من الصواب ، وكان من المفترض أن تستخدم " ما " بدلاً عن " من " لأن " من " للعاقل ، والدعاء غير عاقل , وإن كان تقصد غير ذلك فما أدري ما قصدك وأنت أعرف مني في هذه الأمور ، عموماً اعتبرها من التطفلات المعتاده لصويحبك ! ووفقك الله لما يرضاه سلام’ عليكم |
اقتباس:
الفاخر هو ردك يالدجيما صح بدنك وشكرا لك على ما كتبت بحق هذه المتواضه سلمت يالذرب |
يا سلام يا عامر يا سلام عليك
خيال واسع وفكر وشعر .. لله درّك لله درّك لله درّك ونفس الكلام اللي قال الشيخ عبدربه جزاه الله خير أمّا عن القصيده فلا تعليق .. جمالها يجمّل السكوت ، والإكتفاء با الإستمتاع والفائده هو المطلب صح لسانك مليون × مليون يا عامر لك التحيه والتقدير |
اقتباس:
لا اروع من ردك يالفاضل شكرا لروعة ردك وحسن ذاتك وصح بدنك |
اقتباس:
صح بدنك ترليون يالجش سلمت ودمت |
اقتباس:
المهلي ما يولي يا مشعل صح بدنك والف شكر على اطراءك ممنون لحضورك وممنون لردك |
نسمة هوا تربك سياق التناهيد ودمعة مسا تحرج بياض المخدّه هكذا شعرك العامر بالابداع ياعامر..دمت متميزا بفكرك وتقبل صادق الود والتقدير. |
اقتباس:
المهلي ما يولي يا مشعل اسعدني مرورك واثلج صدري ردك صح بدنك يالغالي |
عامر عمار
نسمة هوا تربك سياق التناهيد ودمعة مسا تحرج بياض المخدّه لله درك ، لله درك،لله درك ياسلالالالالالالام عليك قصيده فيها حرفنة شاعر الله لا يضرك .. صح لسانك ملالالالالالاييين يامبدع .. لك فائق احترامي وتقديري ...!! |
تقول شبه قصيده !! ليت اللي نقوله اشباه قصيد اجل
خاف الله يامسلم .. ياكثر اشباه القصيد لكن ماوالله هذي بمنها .. عامر عمار ماتعرفني ولا اعرفك لكن ورب البيت اني اطرب لقصيدك ولاسلوبك المتفرد وانك من الاسماء اللي اذا ابطيت عن الشعر رجعت افتش عن قصيدهم فالمرقاب صح لسانك الى يوم يبعثون يابو عمرو |
| جميع الأوقات بتوقيت GMT +3. الساعة الآن 08:18 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية