من لا يقول الحق في وجه ظالم
السلام عليكم اعضاء الصرح النايف ومتواضعه ترجي القبول [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] من لا يقول الحق في وجه ظالم=ظلمت وجه الحق لا انعد رجّال واللي بِقول الحق تلقاه والم=رجّال لكن حق عن عشرة ارجال الحر سيف لشفرة الظلم ثالم=عونٍ مع العدل وعلى الظلم سلّال واللي يتاجر في هموم المظالم=برماح دعوات المظاليم ينطال ومن لا يجيب العلم من راس عالم=قهواه من دلّة هل الجهل فنجال لا يفتكر بانّه من الجهل سالم=ساحب ذيول الجهل من روس جهّال والغدر لقلوب المشاكيل كالم=والجرح كنّه غيم بالغبن همّال الشهْم ويّا الغدر ما ينتوالم= الا إذا أَمّ المصلّين تمثال لو ما انغدر بكليب ماثار سالم=ولا ينكتب بالدم لا اتصالح انذال واللي على العيلات دايم مسالم=داس السّطر وانداس باقدام عيّال يسامح بثنتين شيمه وإذا لم=يبين فضله فيهم ايثور ريبال والطيب طود اسمه فريد المعالم=بعيون هامات المراجل له اجلال واللي بدون افعال يرقاه حالم=لازم فعول اصدق من فعول زلزال فعايلٍ من كل عيبٍ سوالم=ما كنّها الا ديمه امطارها انفال منها الصحارا الجدْب تحيا عوالم=وارمالها تلبس من الخير سلسال حينه يكون الطيب شكْل السلالم=يرقى بفعله فوق راسه ويختال ورجلٍ بدون افعال للنفس ظالم=ولطمت وجه الحق لا قلت رجّال [/poem]بدر ناصر المورقي |
سجل حجز يا ابو ناصر
|
الله عليك يابدر
والله ابيات ماعليها كلام ........ صح السانك |
اقتباس:
الله .. الله .. الله إبداع ياابو ناصر الله لايضرك صح لسانك يالغالي مودتي وإعجابي :wardah: |
الله الله الله الله
مبدع يابدر , وصح لسانك مليون , ودمت بخير , |
ثقافة واسعة وتوظيف موفق للمفردات
صح قلبببببببببببببببك يا بدددددددددددر |
الله الله الله
صح كلك يا ابو ناصر يعلم الله انها كايفه وستبقى في الصدر محفوظة لله درك من مبدع تحيتي ,,,, |
الحر سيـف لشفـرة الظلـم ثالـم عونٍ مع العدل وعلى الظلم سـلّال واللي يتاجر فـي همـوم المظالـم برماح دعـوات المظاليـم ينطـال ومن لا يجيب العلم من راس عالم قهواه من دلّة هل الجهـل فنجـال صح لسانك يابدرناصر المورقي قصيده جزله من شاعر جزل وابياتك نحب ان نقراها لاهنت تحياتي |
ورجــلٍ بــدون افـعـال للنـفـس ظـالــم
ولطمـت وجـه الـحـق لا قـلـت رجّــال صح لسااانك ولا هنت |
الله الله
مبدع يا ابو ناصر صح الله لسسسسسانك حتى ترضى لاهنت وبانتظار القادم تشكرآآآآآآآآآآت |
الحق منصور وأهل الحق منصورين والباطل مخذول وأهله مخذولين وانت يابو ناصر تؤكد هذه المقوله بهذا النص المكتوب بطريقه الكبار من اهل المعرفة والتجربه صح لسانك ملايين وسلم فكرك تحياتي لك |
مشاء الله تبارك الله
كتبت وابدعت شامخه كشموخ شخصكـ ولايمكن التعليق .. سوى قول : [blink]صح لسانك [/blink]ودام ابداعكـ دمت بود |
المفلق سلطان العطاوي
وياهلا ومرحبا حجز محله القلب وفي انتظارك تحياتي |
واللي يتاجر في همـوم المظالـم برماح دعـوات المظاليـم ينطـال * والطيب طود اسمه فريـد المعالـم بعيون هامات المراجل له اجـلال بدر ناصر المورقي قصيدة اعجبتني جدا ..استمتعت بقرائتها و التغني بها سطور خالدة لن تموت .. ستبقى حية كلما قرأها قلب فـ بين السطور دروس و قيم .. ليتها تغير في نفوس البعض شيئا هنا قافية ملفتة ومفردة ممتعة وصور لا تمل كتبتها بحكمة صقلتها تجارب الأيام ورسمتها بـ إتقان و تمكن و فن بدر ناصر المورقي صح لسانك |
الجميل سنجار
يا هلا بك صح الله بدنك ولا عدمت حضورك تحياتي |
وعليكم السلام والرحمه .،
الله ينصر الحق ويبدد الظلم وأهله صح لسانك ملايين على هالرائعه يا بدر .. لله درّك .. ولا هنت |
الغالي عادل ضيف الله الاسعدي
ياهلا والله وغلا اعجابك وسام فخر يابن العم صح الله بدنك تحياتي* |
الغالي عبد العزيز الجش
ياهلا وغلا مرحبابك صح الله بدنك تحياتي |
الغالي محمد مسفر
حضورك اسعدني واطرائك اكرمني صح الله بدنك تحياتي |
بدر القصيده من اول بيت الى اخر بيت من اول حرف الى اخر حرف من اول حكمه الى اخر حكمه (((((((( ابداع منقطع النظير لله درك ))))))) |
الغالي محمد الايداء
حضورك بحد ذاته اطراء فما بالك باطرائك صح الله بدنك ولا عدمت تواجدك ومرورك تحياتي |
صح لسانك
بناءً على القصيدة ياكثرهم اللي ماهم رجال تقديري ومودتي |
| جميع الأوقات بتوقيت GMT +3. الساعة الآن 09:27 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية