منتديات المرقاب الأدبية

السلام عليكم ورحمة الله وبركاته

المصافحه الثانيه ارجو ان تحوز على رضاكم

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
فوق السحاب اللي جلى تالي عصير=يم الغروب اللي يزبن دخيله

اشتالت المزنه من القلب تعبير=يكفي لشرح الماضي اللي تخيله

عين الغضي يوم الليالي معاسير= وغيابه ادمى الجرح وادمى خليله

تعبير فيه الصدق واقع وتصوير=وفيه المراره كنها الحنظليله

واقع غيابك يجرح الصمت ويثير=ياللي ملكت القلب مافيك حيله

عليك من كل النسايم مداوير=وعليك من كل الاحاسيس ميله

وقتٍ مضى يوم الركايب مدابير=عرفت وش خانة غلاك وحصيله

اقفيت عني ماتركت اي تعبير=يجبر عزاي ومن شقاي اشتكي له

وشفت بسماي الطير ماغرد الطير=وعادته يصدح باللحون الجميله

والدلو قلبي مالقا اليوم له بير=يروي بماه ضلوع صدرٍ نحيله

واقفت ضلوعي من شقاها مصادير=تروى شقا من عقب روي المخيله

وجفت على البيداء جميع المخاضير=والصمت ساد الدوله اقصد دويله

عمرتها من طوب الامال تعمير=واخفيتها لاجلك سنينٍ طويله

سكنت واسكنت الطيوف المسايير=والحكم حكمك والشريعه جليله

لا غبت يالحاكم ترى الوضع بيصير=ك/غياب عبدالله عن الدار ليله

يسود حزن الدار حتى العصافير=ويفقد جميع الشعب صوته وحيله

مايقدر العاشق سهوم المقادير=يمكن عن الارض البسيطه تزيله[/poem]