..: يا عميل الخير وش ينفعك هجراني ؟!! :..
 

السلام عليكم آل المرقاب وزوّاره الكرام ، ورحمة الله وبركاته:
كلّ عامٍ وانتم بخير وسلامةٍ وامن

قالوا أنّ (الذّكرى ناقوسٌ يدقّ في عالم النّسيان) وصدق من قال هذه المقولة
كنت في أحد البساتين في صيف العام الماضي ، وكان الجوّ مشجٍ إلى درجة أن هاضت القريحة بهذه الأبيات على هبّة أنسام الذّكريات ، فارجو أن تنال استحسانكم
[poem=font="Simplified Arabic,6,orangered,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هبّ نسناس الهوى والنسيم اشجاني=وقامت اشواقي معا هبّته تلعب بي
يا عميل الخير وش ينفعك هجراني ؟!=والحسايف شيبها فيك ما ينغبّي
دون باب الوصل قفلٍ على البيباني=لا صدى جاوب ولا للزّهوم ملبّي
النّداْء ما يسمع ان قفّوا االصّماني=والحَجَل يتبع رشوح النّدى والحَبِّي
أدري ان الطّرد في الفايتة نقصاني=مير قلبي كلّ ما غرّبوا غرب بي
كل ما دق الوتر هاجسٍ بكّاني=لعنبوها ذكريات الوداد الصبّي
أحسب انّي قد نسيت الهوى الصبّاني=واثر عشبه فوق حدب الصدر متربّي
مات حبي في شرايينها برداني=وحبّها يرزق بقلبٍ براه الحبّي
عفت ليلي والكرى زاد في حرماني=ضاع صبري في حرى زاجلٍ ومنبّي
لا نسيت ولا تذكّرني السّلياني=ولا درَى عن جمرةٍ في الحشى تشتبّي
بيّح المكنون هبّة هوا الودياني=ليه تحرجني كذا يا نسيم الهبّي .!؟[/poem]


وسلامتكم