لاتغرك الدنيا على المدح ياعون
المدح للي يستحق المديحه

ناسن على مدح الرجاجيل يسعون
اهل النفوس المبغضه والشحيحه

ياللي تجيبون المدايح على الهون
المدح واضح للنفوس الفليحه

ناسن هل الطالات دايم يبدون
لو ضاقت الدنيا صدورن فسيحه

لوجيتهم في حلهم مايردون
اهل النفوس الطيبات السميحه

مجلاسهم دايم على الخير والعون
اهل الوفاء واهل العقول الصحيحه

هذولي اللي للمدايح يصونون
ناسن على عرش الكرم مستريحه

ماهوب ناسن للعطايا يمنون
اهل الردى واهل الوجيه القبيحه

دايم على مدح الرجاجيل يحكون
ضعيف ضاري بالنفوس الكحيحه

ان جيتهم بالصدق دايم يصدون
ماينفعه صده وعلم النصيحه

الشاعر: زايد صغيرالعتيبي

.
والله إنك شآعر وجزل بعد يآزآيد
.
صح كلك يالقرم
.
أتمنى من الادآرة تسجل لأن الموقع يستآهلك :)
.