منتديات المرقاب الأدبية

السلام عليكم ورحمة الله وبركاته اقدم لكم هذه القصيده الذي جاراها الشاعر القدير / عايض مبارك الهاجري واتمنـــى ان تحوز على رضــــاكم

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ناح الحمام وزود القلب بخلاج=ودموع عيني فوق خدي مداريج
من هاجس ٍ يضرب مثل ضرب الامواج=بين الضماير موقعه والمساهيج
اليا طرى من شوفته نور وابهاج=الجادل الغطروف سيد العماهيج
اللي عليه من المها عين واحجاج=والخد براق ٍ سراله تواهيج
بأطراف غر ٍ بسماله تلعاج=تمطر مقاديمه وتلعج تلاعيج
ابو ثمان ٍ صف ما فيهن افلاج=مثل البرد من نو مزن ٍٍ مراهيج
خشف ٍ عليه القلب جا فيـه دولاج=واحييت ليلي بالسهر والسواهيج
عندي وكنه من ورا ساحل العاج=حدوني اللي فعلهم بان بالهيج
دونه حدود و طوق الحد بسياج=ما تاصله رجلي ولا من مناهيج
يقطعك يا حب ٍ ورا طرده احراج=هذا مثل منت خطات الهباليج
لا واهني الطير بالريش لا راج=مع الفضا ما مر نقطه وتخريج
حر ٍ ليا اونس ضيم والا اونس ازعاج=مد الجناح ولا يجامل بتهريج
يهوي مع اللجه تقل وصف ميراج=وعندك خبر في سرعة الطير والميج[/poem]

ورد اخي آلشآعر / عآيض مبآرك الهاجري العضو المرقآبي (الرد الوافي)

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
حي القصيد اللي لبس فوقه التاج=متوج ٍ ماهوب يحتاج تتويج
فيه البيوت اللي لها فخر واخراج=مخرجه من يد شاعر وخريج
يا مبارك العبسي عسا ما به احراج=احرجتني في نظم بعض المناهيج
وداويت جرح ٍ ما بعد عين اعلاج=وبنجتني من بدة الناس تبنييج
وذكرت من غطت على كل الافواج=ام العيون الناعسات المداليج
اللي لها الشريان مدخل ومخراج=ام الخصر وام العيون المداعييج
غنيت حتى انه كنين الحشا لاج=وكثرو علي اللوم وبعض التهاريج
يا زوع قلبي زوعة الطير لا ماج=ويا حر قلبي حر رمل المتاهيج
من حط لي في قلبه اسود من الصاج=سلمت له لفح الهوا والعجاعيج
ويا راكب اللي كل طبلونها عاج=اللون الابيض لكن الداخلي بيج
تمشي على حسب الدوافع والابراج=اسرع من الكدلك ومن سرعة الميج
تاصل لدار اللي لها النفس بهاج=ويكفيه عن كثر الحكي والتهاريج
بيت ٍ مثل وادي حنيفه وهداج=مكتوبة ٍ برسالة ٍ خطها سيج
واسف على اطالة قصيدي والازعاج=وان ما حصل مطلبك ذب المنافيج[/poem]

وسلامتكم :)