( أنتي وأنا ) .. مصافحة أخرى !
 

بسم الله

مصافحة أخرى .. يا آل مرقاب عل وعسى أن تجد لها مكانا في قلوبكم ، فـ دعونا نكتبها بأبها صورة !

.
.
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنتي كتبتي لي وأنا بكتب لك = وأصدق من إحساسي ، كلام أشعاري
أقرب من الأنفاس يوم أقرب لك = قلبٍ على ذكراك .. ليله ساري !
أبني لك خيام الغلا وأنصب لك = بين الحنايا ، في مُحيط أسواري
عهدٍ علي من الغلا لآنشب لك = حتى نحط من العتاب أوزاري
وأنتي وأنا والليل وش يقرب لك ؟ = يوم أسهره ما عنك جاب الطاري
لكن ملامح نظرته :- ترقب لك = وتقول من يكمْل معي مشواري !
لين إنكسر قلبه ، وقفّى وبلك = وأقفت ركايبنا وضاع الساري
عشتي معه ، والناس عاشوا قبلك = يعني على ( هم الخلايق ) ضاري !
ما جيت أبشكي لك ولا بقلب لك = فيما مضى جرح الغرام الجاري
ما بين قربي والفراق ، أكتب لك = وأخيّرك وأنا معك ، وإختاري ![/poem]

تحيتي لكل من كان هنا

نص غاية في الجمال والعذوبه والإحساس

رائع ، رائع
يا أحمد

وأتمنى أن أراك قريباً عضواً هنا .

تحياتي لك

احساسك قرأته مع كل حرف من ابياتك

سجلني من معجبيك من الان :)


ما بين قربي والفراق ، أكتـب لـك
وأخيّرك وأنا معـك ، وإختـاري !




تقديري

أبني لك خيام الغـلا وأنصـب لـك
بين الحنايا ، في مُحيـط أسـواري
عهدٍ علي من الغـلا لآنشـب لـك
حتـى نحـط مـن العتـاب أوزاري
وأنتي وأنا والليل وش يقرب لـك ؟
يوم أسهره ما عنك جـاب الطـاري


صح لسانك يـ الشاعر


عذبه وراائعه وأبدااع غني عن الشهادهـ

بالتوفيق,’’

مرحبا يا أحمد

وأتمنى مراسلة الإداره ، لإكمال بيانات التسجيل

تحياتي لك