والله ان الدين للمديون ضيم =كان دار الحول دينه ماوفاه
 

بسم الله الرحمن الرحيم
السلام عليكم ورحمة الله وبركاته

[poem=font="Simplified Arabic,6,black,normal,normal" bkcolor="transparent" bkimage="" border="double,3,gray" type=2 line=0 align=center use=ex num="0,black""]
والله ان الدين للمديون ضيم = كان دار الحول دينه ما وفاه
لاترجا عيال من ظهر العقيم = ولاترجا توبة(ن) بعد الوفاه
العن العثرات وأبليس الرجيم = واحسب ايام العمر وأدرك خطاه
ماذكر بالكون يالغالي مقيم = غير رب البيت مايبقى سواه
كم ابو طفل(ن) مع العالم يتيم = ارتسم دمعه على صفحة شقاه
وكم اسير(ن) اكتو بجمر الجحيم = ماشكينا الي تسبب في بلاه
وكم بنتن غرها ضحكت وسيم = ماسألت البنت وش غيّر نباه
وين راعى البيت والرجل الحكيم = مايشوف الذيب لا يطا حماه
لغزنا مدفون حله يانديم = مايحله كل من شاف و قراه
ويش عودا خاين(ن) لو هو فهيم = مظهرن خيره وشره في خفاه
سارق(ن) للوقت والعقل السليم= حطه الي غر شره من عماه
جاكم المكتوب واشهد ياعظيم = الحذر مطلوب عن وجه الرماه
الدليل يضيع بالجو العتيم = والعماء لومه على موضع عصاه
لايغرك نو سيلن عقب ديم =كم ابو سيلا جرف بيت ومحاه
ولا يغرك عيشة كله نعيم = احمد اللي اكرم النفس وعطاه
الحيا والطيب من رب(ن)رحيم = ماعطانا أقنع الروح وكفاه[/poem]

خزنه الشمري

شاعرة كان تواجدها جميل في مسابقة شاعر الملك ، رغم انّها قادره على كتابة الأجمل في كل وقت

سعدت بقراءة هذا القصيده ، ولك كل التقدير

الله الله


ابداااااااااااااااااااااااااااع

وصح لسانتسس والله

حضور جميل ..

قصيدة تصنف من القصائد الجزله .

صح لسانك

والله مالي في الالغاز

لكن شدني كمية الابداع في القصيدة

وحبيت اسجل تواجد

تحيتي ومودتي اختي الفاضلة

الله الله
صج لسانتس :)
:
:
مبدعه وانا احوتس واصلي واصلي

الشاعرة خزنة الشمري

صح لسانك مدد بلااااعدد


مبدعة بكل نصوصك اللتي سمعتها وبماقرأت هنا


ماعمري رمعت لغز وصبت الحل (pst-


لكن على الله يكون اول لغز احله (pst-



الحل هو


(( الإنتر نت ))

وشلون صرتي تلفتين انتباهـي
واسمك على ضم "العهود" ايتباها
وقلبي من اول عن تباهيك ساهي
وفكري معك له حاجةٍ مالقاهـا
وشلون رديتي جروحي كماهـي
بلحظه وانا ياما تعبـت لّدواهـا



عز الله شاعره


صح لسانك يا خزنه..