منتديات المرقاب الأدبية

مناسبة هذة القصيدة حفل زواج ابنا طلق ابن قشعان الغبيوي العتيبي
(مشاري__ وسالم)
وقبيلة الغبيات وعلى راسهم النجوم يستاهلون المدح والوفاء

[poem=font="Simplified Arabic,6,black,normal,normal" bkcolor="transparent" bkimage="" border="none,8,gray" type=0 line=1 align=center use=ex num="0,black""]
على مقام الوفاء هاجوس شعري حضر=وبحورالامثال صافيةٍمشاريبها
انحت صخر في بيوت الشعر واغرف بحر=واصوغ نادر معانيها وتركيبها
دعوتك جتني يابن قشعان قبل الشهر=والدعوة اللي تجي من مثلك اجيبها
غالي وقدرك رفيع ومنك مالي عذر=هل المواجيب نوفيهامواجيبها
اجي واهنيك ووافيك طيب وقدر=ووقف امام ضيفانك واهليبها
يامرحبا فاالمقام اللي يشوق النظر=ترحيبةٍ صادق الاحساس يبديبها
في حفل قومٍ شعام نارها من عصر= ربعٍ علوم الوفاء والطيب تحريبها
الاد غابي هل الفزعة حزام الظهر=يوم العرب للعرب ترسل مناديبها
يوم العصور القديمة والزمان الغبر=والناس تصبح على الفتنة وتمسي بها
مركاضهم عز قوم وغبن قوم وقهر= ودقلاتهم من سلم منها يهذريبها
في راي ابن نجم زيزوم النقاء والظفر=مخلي سروج الرمك لن جات بااللي بها
ناصر الليا كبرت القالة ورد الخبر=ومقرد الخلق شبت في مشاهيبها
الروس لمورد الهياب تخضع جبر= بمصقلاتٍ عطيباتٍ مضاريبها
ومن هيبته ترتع الوضحاء بدار الخطر=وترعى حمى الديرة اللي عاوين ذيبها
وشليل مرو الرماح اللي تفج النحر=ومحول اهل المناصب من مناصيبها
تفخر به عتيبة الهيلا شيوخ وجبر= لن دق طبل الخطر والعالم اغديبها
الليا لحق ردها وان قادها ماخسر= وله سيرتٍ عزوت عتيبة تماريبها
سيرت بطل كلها عز وشموخ وفخر=وملاحمٍ صادق التاريخ يحكيبها
وجاء بعدة اللي عساهم يسلمون وذخر= اشيوخٍ امجادها تدرك مطاليبها
انجوم لن غاب نجم النجم الاخر ظهر=متعليٍ في سما الامجاد يضويبها
بيتٍ قديم ورقوبه فوق سطح القمر=مادافعوها قريباتٍ محاضيبها
متوارثين الحمياء والوفاء والسطر=ندر حرارٍ عشاها من مخاليبها
هذا الكلام الصحيح الثابت المعتبر=والحجة اللي بلا برهان مااجيبها
وكل القبايل لها باالطيب ذكرٍ شهر=مايختفي مجد قومٍ بينٍ طيبها
واليوم في حكم ابو متعب بعييد النظر=الامن فاالدارمن خيرت مكاسيبها
على نظام السعد رفرف شعار النصر=واهل العلوم الردية ضاع ترتيبها
الحمد والشكر للي ييستحق الشكر=ماقامت اهل العبادة في محاريبها
ونعيد ونكرر الترحييب بااللي حضر=وضيوفنا كل ماوصلت نهلي بها
وصلات ربي على الهادي شفيع البشر=اعداد من طب في مكة يصليبها
[/poem]