بلسم الجــرح .. ! ( المشاركة الثالثه )
بسم الله الرحمن الرحيم السلام عليكم ورحمة الله وبركاته المشاركة في مسابقة ( شاعر الملك ) المرحله النهائيه [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""] استأنف الشعر في هيبة حضور الكلام = والشعر شيخ الكلام وفي شموخه سمه اذا عطى ينحر البيدا بطهر الغمام = خد الثرى بالفعول الصادقه يوسمه ينقش معالم ثرى التاريخ وأهل المقام = عبر الزمن للزمن واهله ما ضاق نسمه وانا امتطيت الشعر شايل بكفي حسام = يطبع على خد ديوان الشرف مبسمه صدره حواه الوفاء ثم احتوى للوسام = اغلى وسامٍ يمد من القصيد اوسمه اسم الزعيم اللي أفعاله وهبها احترام = من وبل ابو متعب ارض العُرب متبسمه اللي حمل شعبه بقلبه بكل اهتمام = وكفه ربيعٍ على طول السنه موسمه كم شاربٍ من ( غضب ) كفه غشاه العسام = وكم شاربٍ من ( رضى ) كفه يسيل دسمه يمد من قلبه الطاهر طيور السلام = ووقته ما بين الشعوب المسلمه يقسمه شمر خواله وأبوه اللي ذخره الامام = عرقين فيها الشرف والصيت يا مجسمه تطبخ برأسه اذا ضج الفضا بازدحام = افكار حاقد غشت جو العرب بعسمه ياقف على حيله وشعبه بضهره حزام = ويقول مستقبل الامه عزمت ارسمه قول وفعل يا العديم اللي عداك الملام = مافيه خطبٌ يجي الامه ولا تحسمه ( تسن ) من فكرك الراجح للامه نضام = و ( تسن ) سيفٍ ضماد الجرح من بلسمه علمتنا شيمة العفو وخصال الكرام = عفيت عن من غرق فالطيش والطلسمه اخذتنا للصباح وزحت عنا الظلام = ما مرنا صبح غير وربنا نقسمه انا على بيعة ال سعود نبقى مدام = من شجرة العز يمنحنا الشموخ اوسمه ومدام نقش الشعر يحفظ جهود العضام = تركت صف الكلام لهاجس المرسمه ونقشت شيخ الكلام اللي عليه الكلام = مدام ابو متعب اسمه في قصيدي سمه [/poem] *** |
1111111111
حجز ملكي .. !! |
الله الله الله
الله عليك يابن مصوّي مبدع عسسى الوالى مايضرك صح الله لسسسسسسسسسسانك حتى ترضى وفالك التوفيق انت وزملائنا المشاركين بالمسابقه :wardah::wardah: كل الوود |
اذا عطى ينحر البيدا بطهر الغمام خد الثرى بالفعول الصادقه يوسمه صح لسانك يامحمد بن مصوّي قصيده جزله ومعاني رائعه من شاعر جزل الله يوفقك لاهنت |
اقتباس:
ابن مصوي صح لساااااااانك وبالتوفيق فالمراحل المقبله تقبل فائق الاحترام |
شفتها مباشر من المسرح يا ابو طيف
بيض الله وجهك وبس |
أخذتنا للصباح وزحت عنا الظلام
صح لسانك ابو طيف والله يوفقك يامبدع |
كايفه وافيه يامحمد
مغنا ومعنا وقافيه وبحر بيض وجهك وصح اللساانك احترامي |
ابوطيف وقصيده من أجمل قصائد المسابقه
استحقت المقدمه وبـ إذن الله سوف تظل في المقدمه بـ التوفيق وإن شاء الله المركز الأول ودمت بـ خير وبـ وووود * |
قصيده تحكي عن نفسهـا ، وتتوّج نفسها بـ تاج الإبداع
صح لســانك عدد من كتب قصيــد ، وبالتوفيق إن شاء الله لـ اتقهوى عندك فـ الفله (pst- أخوووك .. |
هذا شيخ الكلام اللي عليه الكلام
ابداع وشهادتي فيك مجروحة يبو طيف دعواتنا لك بالتوفيق |
ابو طيف
شفتها مباشره ,, الله يبيّض وجهك و يوفقك :) صحّ لسانك ملايين لاعدمناك |
ابو طيف والشهاده مسبقه
لحرفك جمال يعانق الغمام ويرسم للابداع صوره تبقى راسخه في الاذهان الى مالانهايه اجدت .. واستحقيت التاهل بجداره ...فالك المركز الاول وانت تستاهله صح الفكر والبيان .. ودمت لمن تحب بخير تحياتي وتقديري |
| جميع الأوقات بتوقيت GMT +3. الساعة الآن 04:45 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية