ماذا يقول السبيعي ؟
وأنا أتصفح إحدى الجرائد هذا اليوم لفتت نظري هذه الأبيات البديعه ،
يقول شاعرها : أحسـن الله عزا الإسلام والمسلمين ===== وأحسن الله عزا آل سعود وأحسن عزاي وأحسن الله عزا الأيتام والمستحقين ======وأحسن الله عزا رايٍ يقديه راي وأحسن الله عزا النخوة وطول اليمين ==== وأحســـن الله عزا الأجيال رايح وجاي راح سلطان ابـن عبد العزيز الأمين ===== ارحمـــه يا ولي العرش واقبل دعاي صبـحوني صباحٍ يفجع الغافلين =======وعلمونـي بعلمٍ منه راغت شواي جيت أبا أنهض لكن راحت عظامي طحين ======= قلت علـم الندم لكن هاتوا عصاي آه وجدي عـلى تقبيلته فالجبين ====== قبل يدفـن واعود من عناي بعناي الشاعر الكبير : زامـل السبيعي هي مشاعر في غاية الصدق نحسبها كذلك :) وهي قصيده في غاية الجمال من وجهة نظري ولكن الجريده لم تبقي على صفو الجمال سليما ً فكما ترون في البيت الثاني من القصيده وفي آخره ( المستحقين ) هي ليست الكلمه لأصليه في البيت بكل تأكيد ، وقد حاولت أن أجد الكلمه الضائعه بحسب خبرتي <<< أمحق خبره خاصّةً أن القصيده من النوع السهل الممتنع والتي في الغالب يسهل إكمال وقفات الأبيات فيها قبل أ ينتهي الشاعر من عدّها ! أقول حاولت ولم تفلح محاولاتي :0012: فأريد منكم اخواني المرقابيين مساعدتي في العثور على الذاهبـه :icon32: لتكتمل روعة القصيده ولنعيد الحق إلى نصابه ! ولكم شكري مقدماً اخوكم |
ماشاء الله عليك ياعبدربه حتى الجرايد تقراها ونت عيونك ثنتين : )
عاد خبرتك وخبرة مشعان ولاجابة شي لاتنتظرون احد سلامي عليكم : ) |
اقتباس:
ههههههههههههههه |
ابن سبهان ...
أهم شئ قلت ماشاء الله ! <<- ذويلّ من النظل :icon32: تحياتي لك وحاول تراجع مسج مرقابي :woow55: .. |
هلا اخوي عبدربه
صح لسان الشاعر زامل السبيعي والله يرحم الامير سلطان ويغفرله ويرحم اموات المسلمين اللهم آمين محاوله بسيطه اعتقد ان الكلمه (المعوزين) او (المبتلين ) والف شكر لك |
واحسن الله عز الايتام و .....
كنت اضعها ضمن المحاولات بالاضافه إلى كلمه اخرى لعلها المعدمين أو البائسين ولكن سرعان ما أستبعدها لعدم توافقها وقوة القصيده كـكل في نظري طبعاً ما أدري هل أنا مُحِق ؟ أشكرك ياأختي الفجر لمشاركتك ورأيك تحياتي |
مرحبا ابو حوّا..
مع احترامي لرأيك و حماستك و كذلك احترامي لزامل السبيعي فالقصيده عاديه جداً لا يوجد بها تميز فارق حتى نتوقف عن ايجاد كلمه منابه تناسب القصيده كما تقول... أي كلمه طارفه تسد اللزوم التايهين المُبتلـَـين راح سلطان ابـن عبد العزيز الأمين ===== ارحمـــه يا ولي العرش واقبل دعاي صبـحوني صباحٍ يفجع الغافلين =======وعلمونـي بعلمٍ منه راغت شواي كيف حالك عساك طيّب ... وين الإبداع الشعري هنا يا ابو حوّا؟؟؟ ما تتركون اسلوب التمجيد و التلميع ؟؟ زامل له قصايد توزن صناديق الذهب و توزن ارصدة بنوك سويسرا لكن هالقصيده لا تستوجب ان نبحث عن ( ذاهبه ) .... حتى انك تستطيع اضافة كلمة ( القبلتين ) بجانب الأيتام ... عادي .. او تحط كلمة ( الأمتين ) .. ما فيه مشكله.. اللي لصمق البيتين اللي فوق يلصمق هذي.. تحياتي |
حي الله أبو مهنّا ..
ياخوي البيوت هذي جازت لي وسلامتك :) <<< يبا يقصرها مع شفق ذبحه بمناجده :icon29: وبعدين أنا قلت من وجهة نظري ، ووجهة نظري مانيب فارضها على الجميع :0012: أحيــت منّي ؟ يالله لاعاد تشوفك عيني هنيّاه خل القبلتين والأمتين اللي تقولها :icon_mrgreen: سلام’ عليكم :con200: |
ههههههه
ياحبك للمشاكل يابو حوا الكلمه ( المعسرين ) شرايك هههه سلام ياملا عبدربه :) |
هلا يابندر ..
أنا أعداني القيصـر (jar- تقول المعسرين ؟؟ مدري مدري ياخوك ، أنا أبا لي واحدٍ متأكد منها 100 % مثلاً سامعها من راعيها وألا قرأها قبل تطلع في الجريده .... تحياتي لك يانوخذه :icon31: |
و انا اول كلمه كتبتها هو احترامي لرأيك .. انا قدمت احترامي لرأيك احتراماً له ..
و لأنه رأي يخصك و لا يمكن فرضه على البقيه... و انا و من الزاويه الأخرى عرضت رأيي بكل تفاصيله .. ليس هناك مجال للمناجده معك :) هذه تصادمات في الرأي تحدث في أكبر العائلات (pst- و بعدين انت تحاول تعديل كسر بيت بإسلوب منعّم و خفيف ظل.. البيت مكسور و يحتاج الى إعادة بناء من بدايته... وش تبينا نحط جنب الأيتام؟؟ ما لها الا مثل ما قالت الفجر البعيد ( المعوزين ) و ( المبتلين ) و ما جاء على شاكلتها من الكلمات التي سردتها انت بعدها... مع الأخذ في الإعتبار أن الشطر الأول نفسه لا يتوافق مع الشطر الثاني في نفس البيت لكن مشيناها من باب اللصمقه :icon_mrgreen: انت امام امرين إما انك تشيل كلمة الأيتام ليتسع لك المجال لبناء فكره جديده كلياً او انك لا تبتعد عن الأيتام و مفهومها و ضع المعدمين او المبتلين او ما شابه.. و هناك خيار ثالث و هو ان تضع بجانب الأيتام كلمة القبلتين او الأمتين.. صدقني القافله راح تسير :icon_mrgreen: ابتعد عن التشنج اصلح الله أمرك سره و علانيته.. اخوك ثم اخوك ثم اخوك ابو مهنا.. الا على فكره ما شفت تصريح الأمير نايف بن عبدالعزيز بعد وفاة الأمير سلطان؟؟ يقول رحم الله سلطان و قدّس روحه... سؤالي هل هي جائزه ام غير جائزه شرعاً؟؟؟ دام كل موضوع بتحطون فيه (شرعاً) .. حتى فاطمه في مرقاب الثقافه ما سلمت منك ... :icon_mrgreen: |
هلا ياسيادة القيصر ..
رايك على العين والراس وانت على العين والراس ايضا وأنا وش قاهرني غير الكسر هذاه :( يعني أنت تظن أن هذا شكل البيت من يوم طلع من فم راعيه ؟؟؟ من عندي أنا لو تباني أحلف ما هذا بـ بيت زامل :icon32: عنمّا قول " قدّس الله روحه " للميت فالله أعلم ، سمعت مدري قرأت غير مره للإمام ابن القيم يدعو بها لشيخه شيخ الاسلام ابن تيميه رحمهما الله أما ماضوع فاطمه :icon_mrgreen: ههههههههههههههههههه الحين انت صدز حاضرٍ الموقف ، والا ماغار سيناريوهات من الخيال :in_love: .. |
:)
يا حيك يا عبد ربه يمكن البيت ما كان كذا بالمره .. ويمكن واللي جاء معي واحسن الله عزاء الايتام فالعالمين مجرد مرور اول وعلى عجله بلحق الصلاه :) |
اقتباس:
اجل قدس سرّه ما فيها شي للحي :icon_mrgreen: اما فاطمه فـ/ علي الملازيم انها ما هيب من الخيال و بس .. الا كيبورديه على الطاير حرام بالله :icon_mrgreen: انت خابر ٍ اللي يقول ما يتذكرها ؟؟ .. ها هذاه انا فالقصه هذي .. اكتب على الكيبورد و اسوي سالفه و ابتسي و اكتب :icon_mrgreen: مع ازكى تحياتي اخوك ش. س. قدس سرّه و دام ظله :icon29: |
عبدربه
بما ان خربتي اقل منكم كلكم اقول وفوا وكفو الشعار ولاهانو |
اقتباس:
وعوّد يمّنا بالعلم الوتسيد ! مدري عن العالمين بس مشائزه شوي ! لأن كلمة العالمين تشمل كل شئ في الكون :icon32: ولا أدري لو إنك صادز البيت كله مرهّم مدري ملصمق مثل ماقال شفق :icon_mrgreen: تحياتي ياراعي عشاره ! .. |
اقتباس:
امنعنا من الفتاوي ياخوووك :con200: وهيّن ياراعي الخيال ، والله اني اجودي صدز هناك ماغار دميعاتي تعادا وقليبي يرجف (hrt777- وأثرك تحاول تسوي مثل علاقة ابن عبيـّان :icon_mrgreen: كلكم ماتذكّرونها مدري ماتلهّمونها (jar- لاعاد شف ، هذا إن دل على شئ فإنما يدل على تمكنك من أدواتك وتصويرك الدقيق للموقف واستيفاء جميع جوانب الاسلوب القصصي ! وهذا هو الإبداااااع بعينه وعلمه كما يقولون :) تحياتي الكثيرات |
اقتباس:
ودنا إنك أدليت بدلوك ، ولكن يكفينا تواجد اسمك في الموضوع .. تحياتي |
أولــ/شئ
مساك الله بالخير ثانيـ/شئ الكلمة((المستحين)) ثالثـ/شئ إلاّأبومهنّا! تحيّاتي..مدد |
عبدربه
مسيك بالخير 00 ياظنّتي أن الجريده مزودتن حرف القاف واقربلالها انها المستحين ونبي ننتظر مع المنتظرين |
اقتباس:
مساك الله بالرضى والعافيه ثاني شئ اتوقع انك جبتها بنسبة كبيره :) ثالث شئ على شانك عفونا عنه ! أنت حكيم يامطلق وذو عقل مكتمل :) والدليل قلة كلامك ! خل البربور شفق (jar- << عانه عود في كلامه تحياتي لك يابعدي |
اقتباس:
ومسيك بالنور :) واقول لك كما قلت لمطلق ، لكن أسأل نفسي ماعلاقة اليتم بالحياء ؟ لاهنت ياماجد :) |
| جميع الأوقات بتوقيت GMT +3. الساعة الآن 09:44 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية