ليش الجهاز يعلّق إذا صغّرت المتصفح وظهر سطح المكتب
 

السلام عليكم . . :)

كالعاده مشاكـلي مع الجهاز ماتنتهي والله يعين بعضنا على بعض ،

الحين المشكله واضحه من العنوان ، وأضيف :

إنه عندما أجي افتح أي برنامج وألا أي ملف يعلّق ( يهنّق ) على قولتنا يالحساويه :0012:

وتبدأ تشتغل جميع المرااااوح وشيشها يسمعه اللي ورى الباب تسنه وشيش الضب ليا لمسته بالعصا :icon29:

مدري وش السبب لأن هذه المشكله جات فجأه ، والجهاز كل شوي شايله فهد وضاربٍ به الرقه وأنا وأياه في مجاهد :icon32:


====
خاص لنواف نايف ..

خابرٍ برنامج الحمايه اللي ركبناه قبل فتره ( آفاست ) وضبط معنا وكل حاجه ؟ قل إيه ..

هاعانه كل شوي يطلع لي مربع أحمر يقول :
باقي مدري كم يوم وتنتهي صلاحية البرنامج ،
ويحطون عروض يقولون جدد الآن قبل فوات الأوان !

وش العلم ؟


سلام’ عليكم

جهازك راح للبر
والا حضري مثلي
teeth:



على وصفك إنه خرّف ، ويباله عرادزي على القلّه
وبذن الله مايقربه لا فهد ولا فهيد << هذا ولد من ؟؟ (jar-




عبدربه
ياخووك جهازك يباله جهاد
لكن يد النجر من قريب ، ولا يردك غير الأرض بعد ما تهشّم إضلوعه
ماعاد فيه طب


وليا قضيت منه
علاك باللاب توب
تراه حليل ، وخفيف نفس ، وضعيّف
أدنات ما هشمه
:0012:

جانا شفق الثاني

وش قصتكم مع النجر ويده ياهالبدو الرحّل :icon_mrgreen:

<- يعنّني متطور !


تدري يابن مشوط ابا اصبر لين الله يجيب مسلمٍ يزبّط الجهاز ، وأنت عسى يد النجر تودزّع في ساقك :icon29:


سلام’ عليكم

, الحين ياحضري , إلا تجيب طاري الضب في مشكلتك , :icon_mrgreen:

الجهاز هلك , ماعاد به قدرة ع مقاومة الفيروسات أو أنك محمله فوق طاقته ..

خل أفاست ينفعك ,

رح وده السمكري , يفرمته :icon29:

والله لو تباني احلف ان ماطبه ولافيروس فرستك بقعاء :icon32:


وش معنى ماتحدث المشكله هذي أثناء فتح الانتر والتنقل بين جنباته !

المشكله انك محسوب على التنكلوجيين :icon_mrgreen:


والشئ الثاني ، الذاكره 512 تلقى المشغول منها نسبه يسيره لا تتجاوز 13 ./.

وين فووووق طاقته ؟؟؟؟


ماقولك ؟


..

شوف ياعبد ربه بحكم اني احبك ولا ارضى علاك خلاف ( داري تبي تقول ايه خابرك ) ههههههههه

شوف ياطويل العمر ابشر بالسعد سو لي حجزيه على الدمام بكره الخميس وانشاء الله لاضبط لك الجهاز وياحبذا يكون الحجز الساعه 10 عشان اجيك في نحر الغداء ومره وحده اتقهوا واكل الطلي عندك .

انا ودي اني اريحك واسوي الحجز بنفسي بس مثلك خابر حنا في تالي الشهر والورقه الزرقاء لايذه اسمع بطاريها مع العرب :0012:

ابشر والله ياعبد ربه ماطلبت شي بس ارشق الهمام علي بالحجز .

<<<<<===== يازميل الهم يناه خساير وعثاير

جهازك لاب ولا محمول :icon_mrgreen:

قصدي مكتبي ولا محمول ؟

والله ياعبدربه علاك الدعاء له بظهر الغيب ان االله يشفيه


وانا واانا اخوك .. عندي جهازن كل ماشغلت قامت الشاشه تبرق وترعد لين اضربه بيمناي ثم يضبط

عقب ضربتي ..>> احلى ياقوي


لاكن ماتلاحظ انك كثير شكاوي ياعبدربه :)

برنامج المتصفح عندك من ماركة ابوريالين :SnipeR (69):


ماعليك اللاّ عمل مايلي -

تروش جهازك بالحاض قبل ماتورّد الأبل


وتشرّقه فوق ظهر الوايت من بعد صلاة الفجر لين القايله تنشّفه زين


ثم وده اقرب بنشري وانفخه بلي الهواء



ومبروك عليك جهازك يبا يعود جديد :in_love:














ايه كل عام وانت بخير عيدك مبارك

يالربع وش فيكم ؟؟؟

الموضوع ليس للفكاهه بارك الله فيكم ..

اللي عنده حل وألا لا يتعب نفسه بوضع رد بلا قيمه :(

<- تسنه يبا يعقـل


نواف ،
لاب توب لافقدتك ماغار ابن مشوط يهرج على كيسه (jar-

الغيم ،
الجهاز دوبه مفرمت ونظيف عني أنا مافيه الا الزين ،
وللمعلوميه المراوح ماتعلّق على طول ، تشتغل إذا صغّرت المتصفح
ووضعت المؤشر على سطح المكتب لفتح أي برنامج آخر ،
وعند الرجوع لمتصفح الانترنت تنطفئ المروحه ..


أتمنى تكون وضحت المشكله :con200:


سلام’ عليكم

وأنت بخير وبارك الله فيك :)
المتصفح ماله ذنب ياخي
وأحسن شئ جوجل كروم أسرع متصفح عرفه التاريخ النتي (hrt777-

هااا
وش عندك بعد كمااااااان ؟

..

سنجار ،
رح عني وراك ،
خل عنك الطليان ، ألا وش رايك أجيك على الدرب وأنا رايح لمكه
وإن تسانك صادزّ صلح الآيسر ولا أبا لك لا طلي ولا حتى باضه :icon_mrgreen:

تحياتي

هههههههههههه
تبرق وترعد وفي المنشأ (pst-

الا والله كثير الشكاوي ،
بس هذي طبيعة البشر يابعدي !
وأنا من لي غير ربي ثم اخواني الاعضاء الجأ إليهم في حل المشاكل التنكلوجيه ؟

تحياتي لك .

..

تسنك زعلت يابو عتيق

مير --


معاد نعودها مرتن ثانيه


اسمح لنا طال عمرك :wardah:

مازعلت ياماجد الله يخليك لي :)

= = =

ميّر ،
جرّبت الحــل الأول ولا نفع :(

ولا لي غير أوديه لهم زي ماقلتي لأن السيدي ناطله قبل ثلاث سنين مدري وشهوله ؟

تحياتي ،

ودوروا لي نواف يحل لي مشكلة الآفاست :icon32:

..

جهازك مسكون يامطوع .. وسكني ( حق مراوح ) .. :icon_mrgreen:

انحش يامال الشحم

هو المتوقّع إن المشكلة من تعريف كرت الشاشة لذ1 تودّيه يعرّفونه أفضل حلّ ولاّ بيقعد
ع ذ1 الحَالْ ,

موفّق :$

جيتك لا عدمتك

اللاب اخذ له مرواح تبريد من اقرب محل لأن بعض التعليق من الحرارة وانشدني أنا :)

عندك مثل ماقالت ميّر كرت الشاشه يمكن فيه شي من تعريفه ولكن دوك البرنامج ذا

http://www.piriform.com/ccleaner

حمله وشغل المكنسه حقته :icon_mrgreen:

ذرع ياعبدربه واكنس للمغرب هههههههههههههه


اذا ضبطت المشكله تمام واذا ماضبطت

دوك الرابط ذا وتبي تحصل فيه تعريف كرت الشاشه

http://www.touslesdrivers.com/index.php?v_page=29

واذا فتح الرابط اضغط على اسفل شي تلقى اوزيرق بها الكلمة

Lancer la détection

اضغط على الكلمة واصبر لين يطلع لك خط اصفر في المتصفح

( يطلب منك الموافقة ) لتشغيل اداة تحكم وافق ياعبدربه

وانتظر شوي ويطلع نوع جهازك وموديله وعلومه كلها :icon_mrgreen:


تحصل التعريفات اللي ناقصه جهازك كلها :in_love:

بخط ازرق دور كرت الشاشه فيه

واللي خطها اسود معناتها موجوده عندك ولا فيها خلاف



00000000000000000


وبرنامجك الحامي احذفه بالمكنسه اللي قلتها لك ونصبه من جديد :)

وآمل أن تكون هذه الطرق مفيده لك


مع اجمل تحيه

مطـر العازمي
نعوذ بالله من الجن والسكون :)

انحشت طيب عندك شئ غير ؟
تبا تعطيني جهاز والا ماغار تمصخرون بي على شان بدوي ضعيّف ما أعرف شئ في الاجهزه :0012:

الله يهديكم بس

الله يوفقنا وإياتس يامير لما يحب ويرضى :)

سلام’ عليكم

ياطيب عينك يانواف ،
حتى المكنسه جايبها معك ، كان عندي قبل الفرمته ثلاث مكانس مدري اربع (jar-

وتنظف الجهاز على كيفك ، مير حذفها راعي المحل ولاعاد دورتها هههههههه

الوكـاد لا هنت وجاري عمل الخطوات المذكوره ،

وتراني أبا أغدي ثم أعود علاك ابلشك بالنشد خلك قريّب وازّم :SnipeR (69):

توحياتي