صدر الحزين يطاوع الضيق .. و يضيق ..!!
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
صدر الحزين يطاوع الضيق .. و يضيق = من كل صوب .. و تصبح العين ديمـه
ينزل مطر .. و يلوح براق .. و تفيـق = كل الجروح .. المبطيـات .. القديمـه
و أنا .. على الدنيـا قليـل التوافيـق = ما غيـر أساوقهـا بـراي و عزيمـه
يا فـوح قلبـي مثـل فـوح الاباريـق = عليـك ياللـي لـك عروقـي محيمـه
أقبلت لي و الحب .. حـظ و توافيـق = و أقفيت عنـي .. و النتايـج وخيمـه
علقت نفسـك فـي زوايـا المعاليـق = و حطيت لك بين الحنايـا .. وسيمـه
و أصبحت عندي فوق كـل المخاليـق = تخطي و لا لك غيـر قـدر و حشيمـه
و انا و ربـي مـا نقضـت المواثيـق = لا زلت أشوفـك راس مـال و غنيمـه
دونك سحاب الدمع و مشـارق الريـق = و عقبك ضياع و جرح قلب و هزيمـه
فأن بعتني فالسـوق بيـع الصناديـق = عـز الله انـك بعتـنـي دون قيـمـه
ليتك تشـوف ابـواب قلبـي مغاليـق = ما هيـب لا و الله .. و عـادت حليمـه
ما همني و النـاس جمـع و تفاريـق = ما دمت منتـب فيـه روحـي يتيمـه
يا صاحبـي تبكـي عليـك الطواريـق = جزل البيوت .. الفـاردات .. العديمـه
أرحل .. و طيبك فوق روس الشواهيق = لا تلتفـت لـي يـا قـوي الشكيـمـه
و أنا علـى خبـرك وريـث المطاليـق = راعي مواجيـب و شجاعـه و شيمـه
مثل الجبل و أقرب مثل عندك .. طويق = شامخ .. لو ان الريح تنحـت صميمـه
يالله عسـى فالـك معـزه و توفـيـق = ياللي جعلت أهـداف عمـري عظيمـه
عقبك لي الله ثـم شمـس المشاريـق = و الشرقـي و هبّـة هـواه و نسيمـه
و الشوق و هموم الجـروح المفاتيـق = و البرد و الحـزن و شـوارع رحيمـه
يالغالـي اللـي كنـك بقلبـي اتويـق = جرحك كريـم .. و ذكرياتـك كريمـه
أنت و انا .. نشبه حضارات الأغريـق = القوم راحـوا .. و الحضـاره مقيمـه [/poem]

انت وانا نشبه حضارات الاغريق // القوم راحوا والحضارة مقيمة

الله الله

احمد خليفة الاسعدي

لا اعلم قائلهااا ولكني اعجبتني وخص البيت المدون اعلاه

الله
صح اللسان قائلها ، ولاعدمناك يالاسعدي
على نقلها ،


وأبشرك بحثت عنها ، وحصلتها
لـ الشاعر :
عبدالله ذويبان

اي الله هذا سلوب ابو فلاح
يعلم أن شعره يستهويني وأحفظ له الكثير .

و أنا علـى خبـرك وريـث المطاليـق
راعي مواجيـب و شجاعـه و شيمـه
مثل الجبل و أقرب مثل عندك .. طويق
شامخ .. لو ان الريح تنحـت صميمـه

شف كيف الفلسفه الشعريه ؟! القصيده كلها على بعضها أبداع .


أحمد الأسعدي , تعجبني ذائيقتك كثير .


سلمت ودمت يابو خليفه :)

ابو فلاح شاعر مميز وله بصمه في الساحة الشعرية

لا هنت يا أحمد

الله الله
الله

عزالله انك اخترت وصح الله السان شاعرها وشهد بالله انه مبدع

لاهنت


ودي وتقديري

أحمد بيض الله وجهك على القدوم بهذا النص
الله عليك وعلى المدبع الرائع عبدالله ذويبان

الرقيب عبدالله

لاهنت على المرور العذب.. وشكرا

تحيتي:wardah:

محمد مشوط

بيض الله وجهك .. ولاعدمناك يا سنايدي

صحّ لسان ابن ذويبان .. ولاهنت

أصدق التحايا:wardah: