منتديات المرقاب الأدبية - ولاء من الشعب السعودي

[align=center]السلام عليكم ورحمة الله وبركاته

للتواصل معكم بعد طول غياب

اليكم قصيدة الولاء والوفاء من الشعب السعودي لهذا الوطن الكريم بقيادته الرشيده [/align]

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]

حنا الوفاء واهل الوفاء صدق واثبات=وثلاث نسمعها ونتبع خطاها
الدين مع حب الوطن والموالات=لارض السعودية مع من حماها
كنا قبائل في حروب وصراعات=وتسوقنا النخوة ونمشي وراها
تاخذ بنا العزة مع رفع الاصوات=وقوينا ينهب ضحى ويتباها
لين انقضت في حمد رب السموات=بكتاب شرع الله وسيفه قضاها
عبدالعزيز اللي حكم بالصقيلات=صقر الجزيرة كلمته ماثناها
قضى علي اهل الجهل واهل الخرافات=ودمر دعاة الشرك فيما دعاها
تخضع له بحد السيوف الرهيفات=وتجدد الطاعه وتعلن ولاها
وحّد بلاد المملكه باسياسات=قوى ركايزها واسس بناها
ثم واصلو بالحكم اهل المهمات=املوكنا اللي كلنا في ذراها
املوكنا اللي ترتكي للثقيلات=اخوان نوره يرتعد من عداها
حكامنا من دونهم بالملاقات=نرخص لهم اروحنا ونحماها
اهل الحميه صانعين القرارات=قد قالها قبل الفهد وانتقاها
حنا هل العوجا ولابه مراوات=قصيدة ِ ماملها من قراها
لكم من الشعب السعودي ولاءات=ومن ماضي الازمان ثابت ولاها
الشعب واحد مادخله انقسامات=يسطّر التاريخ موقف وفاها
وقفة شعب وافي بصدق العبارات=بقلوبهم المملكه من غلاها
ولائنا منذ العصور القديمات=على العهد نبقى ونوفي معاها
ماهمنا حزب وتظاهر وثورات=لاثور الدخان حنا فداها
على الخطر دسنا وخضنا الصعيبات=ونقدم علي صد العدا لانواها
كم من عدوِ جاه منا معانات=وكم ضربة ِ من وقعنا مانساها
اليا بطشنا نقهر الضد بذات=وليا تحالفنا سمعتوا صداها
تشهد لنا دك الجبال المنيفات=يوم اعلن الحوثي لحرب بداها
توالت الهجمات في شن غارات=من طائرات صقورنا في سماها
لين انهزم منا وذاق الخسارات=وتعجز تحقق العدا مبتغاها
واليوم في نعمه وخير ومسارات=امن وامان بفضل ربي عطاها
الحمد لله البلد بزدهارات=في ظل ابومتعب نعيش برخاها
مليكنا اللي صانع المستحيلات=خادم بيوت الله وحامي حمّاها
فزاع حازم جازم لكل ماجات=بين الدول من مشكلات احتواها
ادعو معي جعله بخير وسلامات=بنهي القصيدة واسمعوا منتهاها
الله يديم الامن من صادق ذات=والله يديم ملوكنا ويحماها
[/poem]