منتديات المرقاب الأدبية

صوت الشاعر/ ناصر بن عبيد السيحاني الهواوي

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
اثـنـيـن يـاطــول انـتـظـاري للاثـنـيـن = ويـاطـول صـبـري بانـتـظـار الـثـلاثـة

دخلـت وإيـاكـم ورحـتـوا عـلـى ويــن = وانـــا صـحـيـح ومابـقـلـبـي خـبـاثــة

وسكت شهـر ٍ زل مـع درب شهريـن = مشـي المهـيـن الـلـي تحـثـه احثـاثـة

ان قلت شي اصبحت والناس زعليـن = والى التزمت الصمت حسبـت عباثـة

الـعـام ربــع ٍ لــي حـشــام ٍ مطيـعـيـن = واخـلاقـكـم حــلــوة وفـيـهــا دمــاثــة

واليوم وش جاكـم عسـى فالكـم زيـن = الـــى مشـيـنـا فـــي خـطـاكـم لـبـاثــة

كـم لـي وانــا رحــال وانـتـم مقيمـيـن = اهمـلـت شغـلـي والـدبـش والحـراثـة

ومـن القصيـد انتجـت عــدة دواويــن =وجــا بالقريـحـة يالصـريـح إنفـراثـة

إن كــان مالبـيـتـوا إنـــداي عجـلـيـن =انـــا فـصـيـح لـســان مـابــه لــواثــة

يصـحٌـي إيقـاعـه الــى شـيـل غافـيـن =بـســرد الـكــلام الـلــي بـلـيـا حـداثــة

وإن قيـل هـذا الـلـي زعمـتـم مربـيـن =قلتـوا قديـم اسـلـوب صـعـب انبعـاثـه

لولا ابن راجح شال عودي من الطين =يمكـن يصيـبـه مــن مطيـحـه خـراثـة

ذخــر الـرجــال الطيـبـيـن العريـبـيـن =منـهـم ورث حـلـو الشـمـايـل وراثـــة

وانـتـم هــل الـطـالات مانـتـم رديـيـن = لـكـن يحـصـل فـــي نـظـركـم طـمـاثـة[/poem]

صدى المرحوم بإذن الله

الشاعر/ عايض بن سرحي المقاطي (الصريح العتيبي)

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يازينها وان جت من الخشم للعين=تفوق وادان السحاب وهثاثه

من يقربك ياسيفنا يابو حدين=ماعاد يحسب للخطر واكتراثه

انا عليه دين ياصاحب الدين=والشعر من يفرق ذكوره واناثه

واليا كٌتب شعراّ بليا مضامين=يلزم من اصدور الرجال اجتثاثه

عرضّتها بلاقع جرد وسنين=تحتاج دعوات وصلاة استغاثه

اجيبها من وين من وين من وين=والبيت كملته وكملت اثاثه

حطيتني يابو هلا بين ناريين=حجزت كل ارقاق الارض وحثاثه

مير انفتحلي من ورى الباب بابين=وطلبت من عند الكريم الاغاثه

لو تزرع الزيتون في مشتل التين=كفاك عن راك الجنوب وكباثه

والبدو ياراعي البساتين صلفين=لو شفت ملبسهم عليه الرثاثه

وافين في كل الميادين وافين=ويميزون صقور نجد وبغاثه

وختامها يابن الخيار الكريمين=ردي يكفي عن ردود الثلاثه[/poem]

أطآل الله عمر الحي ..والله يرحمك يابو فايز ويسكنك فسيح جنّاته