المركز الاول ؛؛؛؛
 

السلام عليكم
ابيات متواضعه لعلها تشفع لي بعد الغياب الطويل

قلتها في الشيخ هاجد بن عيسى العضياني في إحتفاله الاخير بإم رقيبه


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هاجد ولد عيسى العضياني اللي = شرّف عتيبه شرّف الله مقامه
ماني عنه وقت اللزوم متخلّي =مواقفه تفرض عليّ إحترامه
إليا دعاني فالوعد جيت كلّي=و إليا تعزوى بي حذفت العمامه
الله يحييكم و هذا محلّي =على الكرامه عند راع الكرامه
ريف الضيوف اللي بضيفه يهلّي =عنوانه الترحيب و الإبتسامه
حظه مع حظوظ الرجال متعلّي=دايم فعوله يشهدنّ لكلامه
و المركز الاول عليه متولّي=بالطيب و علوم الوفاء و الشهامه
شارك بذوداً بالوصوف متجلّي=حمرٍ على شفّه و غاية مرامه
عمودها بأرقابها مستقلّي=لمدهّش العضيان وسم و علامه
اللي يشوفه عن سنعها يولّي =ما عاد يبغى غير درب السلامه
أذوادنا بأرض المخاطر تفلّي= في ضفّ اهل عمهوج و اهل الزعامه
من دونها رمحٍ و سيفٍ يسلّي=و شلفٍ يعزلنّ اللحم من عظامه
و اليوم كلاً خاطره مسفهلّي=تحت ذرى حكام قصر اليمامه
و أختم بذكر الله و أسلّم و أصلّي=على شفيع الخلق يوم القيامه
[/poem]

اللهم صلي وسلم على نبينا وحبيبنا محمد

صح لسانك وبيض الله وجهك يا علي


شاعر مبدع في النظم والمحاوره هالابيات جزله ويستاهل الممدوح



اعجاب وتحيه :)

صح لسانك وبيض الله وجهك

يستاهل الطيب المادح والممدوح

تقبل مروري وعجابي

تقديري

اللهم صلي وسلم على سيدنا محمد وعلى آله وصحبه اجمعين

صح لسانك ياعلي على هالجزاله الغير مستغربه منك وبيض الله وجهك

تحيتي لك ودمت بألف خير

اللهم صلي وسلم عليه


بيض الله وجهك



قصيده رائعه




تقديري




لك ولحرفك

الله الله يابو فلاح


مبدع نظما ومحاوره


ويستاهل الممدوح


صح لسانك حتى ترضى

ابو فلاح صح لسانك ملايين

ويستاهل راعي الحمر ايوالله انه يستاهل وكفو

الله الله
ياعلي


صح لسانك ولاهنت



ويستاهل ابوعبدالله

اللهم صل وسلم على محمد


مبدع ياعلي ، دائماً
وتستحق أنت المركز الاول في كل شي

كل التقدير لك