بنت في مواقفها رجوله
 

[poem=font="Simplified Arabic,4,darkblue,bold,normal" bkcolor="skyblue" bkimage="" border="solid,3,darkblue" type=2 line=1 align=center use=ex num="0,black""]
يا بعد كل الرسايل هالرساله=توّها ما كمّلت عمر الطفوله
طفلةّ فيها العطر يا طول باله=ودّه يفوح.. ويبوح، وهي خجوله
مثل طبع اللي كتبها من دلاله=في مسافات الزمن واربع فصوله
دالهٍ لا جيت أشوفه.. شاف حاله!=ما تهيّا منه لو نظره عجوله
صار عندي راس مال.. وراس ماله=ضحكةٍ معها عقل.. بس مهبوله!
لا ضحك في مسمعي كنّي قباله=كنّي اقطف ورده وعقده ولوله
واحبس بعيني خيالٍ من جماله=وارفع لسمعي يدي كنّي ب اطوله
وارسم لزوله شكل يشبه خياله=في خيالي.. والاّ انا ما شفت زوله!
كلّما حرّمته.. ألقاني حلاله=وكلّما عنه أبتعد.. قرّبت أنوله
كنت أفكّر مرّه.. القى لي بداله=دام بعده صعب.. والأصعب وصوله
قلت: ياالله نفترق.. كلٍ وفاله=قال:ياالله.قلت لحظه!من يقوله؟!
أطري الفرقا وانا ما من صماله=وادري ان فرقاه ماهي بالسهوله
كم عذولٍ قد عذلني في وصاله=ومن عذلني قلت له نفس المقوله
ما يخلّي حالة الرجّال حاله=غير بنتٍ في مواقفها رجوله!.
[/poem]

الله الله



ابو دهام مبدع


لاهنت على هالايراد



لك فائق احترامي وتقديري..!!

كل ما يجي من رشيد الدهام ابداع


صح لسانه و لا هنت يا محمد

ابداع × ابداع

وختيار راقي يامحمد لاهنت

ودي وتقديري

أخوتي الكرام
بداح ؛ راكان ؛ شفق ؛ مخايل ؛ صالح .

لكم التحية والتقدير
:wardah: