ياماحلا عقب المطر شبّت النار ..
 

من القديم ..
اتمنى ان تروق لكم والله يجيب المطر .
http://www.subae3-vip.com/vb/imgcach...564alsh3er.jpg
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياماحلا عقب المطر شبّت النار = في خبة ٍ ماداج فيها شواوي
ربيعها ضاف ٍ على ساير الدار= فيها النفل والقحويان متساوي
أرض ٍ خلا يطرب لها كل زوّار = يطرب لها اللي للتمشي هواوي
فيها الحيا والعشب طالع له أزهار= وفيها الخباري لون ماها سماوي
والصيد فيها له معدل ومقدار = صيد ٍ عن ضعوف العزيمه خلاوي
فيهالحباري والارانب لها كار =منوة ٍ رجال ٍ يكرمون النداوي
وإن صار معك من الطحاطيح الاخيار= ثلاثة ٍ ما يخلفون الهقاوي
وعزبتـْك مكتمله على كل معيار = في وسط صندوق ٍ للاغراض حاوي
به دلتين ٍ صفر مع بنّ وبهار = ومحماس ٍ مخصص لحمس القهاوي
يعجبك ليامن صار للجمر مسعار =والنجر دنّ ومعك تمر ٍ حساوي
وشاهي وسكر مع فناجيل ٍ كبار = ماهي فناجيل الضعيف الدناوي
وموترك جيب ٍ من تصاميم فكسار= للهقوه الزينه شريك ورهاوي
سبيرين مكرة سحب من غال الاسعار= منوة شجاع ٍ للمطاريش ناوي
ماهمه الرمله ولا همه القار = يقطع بك الفرجه ويرد الحراوي
إن جيت في روض ٍ خضر فيه نوّار = ممطور ٍ البارح من الناس خاوي
لاهوب لا قاره ولا غابة أشجار =ياطيب ريح النبت كانك هواوي
وشبيت نارك سمر ٍ يسر الانظار= ماهيب نار اللي من الضعف هاوي
وصلحت لك دله بعد هيلها فار = ينعشك ريح الهيل والخير ضاوي
وعلى خوياك الكيف برفوق يندار = ماهوب كيف أهل الشيش والقهاوي
هذا منا قلبي ليا قلت أبا اختار = ابعد عن اهل البلبله والدعاوي
اللي لهم في ساحة الذل مبعار= ناس ٍ صداقتهم تجيب البلاوي
ناس ٍ صداقتهم على اهل الوفا عار = يجيك واحدهم عما قلب .. واوي
طراد حكي .. بهيم .. هذار .. مكار = ياضنوة ٍ قشرى يا هاك الضناوي
فرقاهم احسن لي والاوادم أحرار = وانا عن الزله حريص ٍ حياوي
أبعد جنابي عن هل البوق الاشرار = والطيب عندي من كبار المناوي
[/poem]

صح لسااااااانك ياعبدالعزيز


شوقتنا للربيع والعلوم الطيبه


تحاتي

أرض ٍ خلا يطرب لهـا كـل زوّار
يطرب لها اللـي للتمشـي هـواوي
فيها الحيا والعشب طالع لـه أزهـار
وفيها الخباري لـون ماهـا سمـاوي

الله يصح لسانك يـ المرشدي
ولاهنت على هـ الشامخه والأبدااع
والتصوير الممتع

تقديري لك,’’

مبدع كعادتك ياسمي



صـــح لسانك على هذه الرائعه




تقبّل مروري واحترامي

ابو خليل ..
اشكر مرورك الجميل وصح بدنك
لك ودي وتقديري

صح لسانك واعتلا شانك ,,يا عبدالعزيز ,,
وإن صار معك من الطحاطيح الاخيار
ثـــــلاثــــــة ٍ مـــــــــــا يــخـــلـــفـــون الــــهــــقــــاوي
هذا الكلام ,,

فهد


,

القديرة / شاعرة نجد ..

حضورك تشريف لهذه المتواضعه ..

صح بدنك ..


كل التقدير .

صح لسانك ياعبدالعزيز المرشدي

ولاهنت قصيده طيبه من طيب

والله يجيب المطر

تحيتي لك