(( متيّم للنخاع ))
السلام عليكم ورحمة الله وبركاته
مبطي عن الشعبي وقلت احط المتواضعه والعذر والسموحه [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] حطي على صدري هموم موادعك قبل الوداع=لعل قلبي يحتمل فرقاك في توقيتها كنتي ومازلتي معي بين الهدايه والضياع=وانا مااخون اللي تصون الحب لا حبيتها ولاني بعباد الوجيه ولا على وجهي قناع=رجال أميّز كلمتي وان قلتها وفيتها والله ماالومك لو جفيتيني بقدر المستطاع=عذرك معك لو دمعتي لأجل الغلا هليتها والله يعين قلوبنا ماهيب قد الالتياع=تنبض على فرقا الأحبه حيّها مع ميتها هذا كلامي قبل لا تقفين والدنيا متاع=ورحتي وانا باق القصيده فيك ماتميتها وحل الفراق وخاطري مكبوت وجروحي وساع=ومشاعري مااشعر بها وليا ضوت سريتها عقلي مشوش والحشا ولع ونون العين ماع=على دروب اطلالك اللي بالهوى عديتها تعبت اخايل ماضي التذكار وعيوني جياع=لمشاهدك واذني تراود ضحكتك واوحيتها احاول اردع لهفتي وافل للبعد الشراع=وارقى الشعور المرهفه عن ناظرك خبيتها لين امتلا صدري الم وانساق هجسي باندفاع=وقمت اتعزوى باللحون اللي معك غنيتها ماني محبك لا حشا الا متيّم للنخاغ=الحب اخف من الحتوف اللي معك حسيتها[/poem] وسلامتكم :wardah: |
يالله يالله :in_love:
نواف يانواف هذا وانت مبطل الغزل :woow55: تسجيل اعجاااااااب |
-عذرك معك-
..نص فاخر مُفعم بالعذوبة.يحتاج قرأة هادئة لإنه أعمق مما يتوقّع الكثير.. ..تحيّاتيّ.. |
الله الله الله
يا ويلي ويلاه حسبك الله يا نواف وبس :( |
نواف شف لك حل نبي منشد يشيلها في أقرب وقت هذي قصيدة تصلح عالقة في الذاكرة طويلا
شف لك حل وبس :( |
اقتباس:
اعجاب محل اعتزاز لاخيك المتيّم :11: لاهنت ومشكور :wardah: |
اقتباس:
الفاخر والله مرورك خل النص يقعد في الحزم :) لاعدمتك والله لا يهينك على تشريف متصفحي المتواضع :wardah: |
اقتباس:
الله كريم ياعبدالرحمن خلنا فالهوى سوى ههههههههههههههه وردك الثاني راح أعتبره فوحة صدر :11: لاهنت على كلامك وحضورك البهي |
الله الله يانواف
ابوك يالعشق نص رفيع المستوى كثيف الجزاله صح الله لسانك مدد تحياتي |
يانواف ياويلك من الله احتلت فالزوار والأعضاء بهالقصيده ..
كارثه انسانيه اين حقوق الأنسان . صح لسانك وصح بدنك ابداع بداع ابداع . |
نسامحك على البطا لاجبت مثل هالابداع جعلك تسلم
|
يا عيني يا عيني
. , الله الله صح لسانك مدد |
تعبت اخايل ماضي التذكار وعيونـي جيـاع لمشاهدك واذني تراود ضحكتـك واوحيتهـا وعيوننا نحن جياع لمشاهدة مثل هذا النص العذب الراقي صح لسانك يانواف تحياتي لك |
والله يعيـن قلوبنـا ماهيـب قـد الالتيـاع
تنبض على فرقا الأحبه حيّهـا مـع ميتهـا صح لسانك شاعرنا وتسلم على هـ الدره والأبدااع تقديري,’’ |
.
. الله الله الله الله الله الله الله الله عندما أرى نص شعري كـ هذه الشآآمخه استحقر اللي عندي والله : ( نواااف !! يالباااا قلبكـ والله على هـ القصيده اللي أقل مايقال عنها إنها جزززله .. صح كلكككككك :wardah: |
متيّم للنخاع
الله الله .. أجرمت فـ الشعر يا نواااف ما تغيب الا تجيب , صح كلك ولا عدمنا هـ الاحساس والتواصل العاطفي كل الودّ |
نواف .... صح السانك
الله يعطيك العافيه على هالنخاعيه ...... ابيات ماعليها كلام . عسى فكر نظمها مايجيه الزهايمر :wardah: |
الله الله
نواف نايف لغة راقية عذوبة طاغية ثوران متّقد يحيي المشاعر و يوقظ القلوب النائمة ويسمعنا تنهيدة كل عشق مر على الارض وانزوى قصيدة ممتعة من بحرها , لقافيتها , للونها والانصياع لها ومجاراتها يعد واجباً شعرياً مطلوبا نواف نايف صح لسانك ولا تكفي |
صح لسانك يا نواف ابيات راقيه بمستوى رقي شاعرها المتئلق دائماً في سما المرقاب لك مني اجمل واعذب ت ح ي:wardah: ه |
الله الله الله
صح الله لسسسسسسسسانك حتى ترضى مبدع يا نواف ولا فيك حيله قصيده تحمل الكثير من العذوووووبه لاهنت وبأنتظار القادم سجلنى من متابعينك اذا تسمح كل الوود والاحترام لك |
اقتباس:
لاهنت على كلامك ولا عليك زود والف شكر على مرورك |
اقتباس:
. على العموم والله ان كلامك يسعدني ويشرفني والله يحييك يادعمنا الفني وشاعرنا الخلوق |
| جميع الأوقات بتوقيت GMT +3. الساعة الآن 11:40 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية