مرثية في ولي العهد نايف بن عبدالعزيز
السلام عليكم ورحمه الله وبركاته مرثية في سيدي ولي العهد نايف بن عبدالعزيز الله يرحمه ونعزي الاسره الكريمه والشعب السعودي كله ان لله وانا اليه راجعون جانا خبر يحمــــل مقاديم الاحزان هــــــز العروبه والجزيره واهلها يقول نايف مـــــات والهـــم عنوان روح ٍ زكيّة حــــــان موعد اجلها الموت حق وصعب يرحم له انسان والعين من موته تزايـــــــد وبلهـا واهتز فكري والحزن داخلـــي بان احزان جتنــــا والصدر ما احتملها والقاف جمّع لـه حروف ٍعلى شان تكتب قوافي حِزنهـــــا في جملها فيها معاني كنهــــــــــا ثور بركان توصف هموم ٍ نبض قلبي حملها على امير ٍ عـاش رمــز ٍ للاوطان رمز الشجاعة والتواضــع شملها افعال طيبـــه كلها بر واحســـــان عاش الفخامة فــوق قمّـــة جبلها سقم العداء في كل موقـف وميدان قاطع لسان الشـر.. محـرق عللها يبكيـه كل الشعب بدو ٍ وحضران وتبكي جبال ٍ شامخــه مع سهلها ويبكيه مزن ٍ كل ماهـــــلّ هتـــان والدار تبكـي والقـــرى مع نخلهـا مرحوم يامير ٍ بقـــا عالي الشـــان حر ٍ كريم ٍ كـــــــــل عليا وصلها ياجعل روحه لابـِعث تسكن اجنـان في عالي الفردوس روحه نزلهــا محمد مرزوق السميري |
محمد..
ردة فعل.. بحجم الحدث رغم المده الزمنيه المحدوده إلا أنها لم تؤثر سلباً ..تحياتي.. |
رحم الله اباسعود
وصح السانك يالقرم |
صح لسانك
يامحمد والله يرحمه |
محمد السميري صح لسانك وبيض الله وجهك اسال الله ان يغفر له ويرحمه ويسكنه فسيح جناته أنا لله وانا اليه راجعون وعزائنا الى خادم الحرمين الشريفين حفظه الله والى الاسرة الحاكمة والى الشعب السعودي كافة .. |
اقتباس:
اقتباس:
صح بدنك يامطلق صحيح الحدث مؤثر علينا كلنا وكتبتها كما هيا مشكور على الرد العذب والحضور الرائع لاهنت |
اقتباس:
اقتباس:
صح بدنك مشكور على الرد والحضور الرائع لاهنت |
صح لسانك
يابومرزوق والله يرحم الفقيد ويسكنه فسيح جناته تحيتي وتقديري |
اقتباس:
اقتباس:
صح بدنك مشكور على الرد المرور الكريم لاهنت |
محمد
شاعرنا الجزل بيض الله وجهك لاهنت |
اقتباس:
صح بدنك مشكور على الرد والحضور الرائع لاهنت |
ياجعل روحه لابـِعث تسكن اجنـان
في عالي الفردوس روحه نزلهــا اللهم آمين ووالدينا وجميع موتى المسلمين وصح لسانك شاعرنا تقديري,’’ |
| جميع الأوقات بتوقيت GMT +3. الساعة الآن 12:30 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية