ليت المنايا رجعت روح سلطان ..... لو طحت من كبر الخساره بنايف
.
يا سيدي للحزن طابع وعنوان .................عبره وتنهيده وصمت وحسايف احيان نقدر نكتمه لكن احيان ..............على ضفاف الصدر ساعي وطايف حجم الخساره ما تقدر باالاثمان ................ لو تمتلي منها الظلوع النحايف من شهر ذا القعده ليا قبل شعبان. .............وسيل الدموع لمحجر العين حايف وفينا على الشده من الصبر بلدان .............. لو لافنا من مجهم الوقت لايف ما نبكي اللي ممتلي صدره ايمان .................والمستقيم اللي ذنوبه خفايف نحزن علي اللي عاش ما كنه انسان .............. اللاهي اللي حزة الموت خايف ولو عم في شاسع سما نجد الاحزان ..............وامسى على كل الاقاليم ضايف نجبر عزانا في بقا راس سلمان ...................وعيال عود ٍ كلوبهم نوايف وحنا عرفنا كل روح ٍ لديان ........... وما احد ٍ يموت وعودت به ذرايف لو بالتمني قد رجع كل ما كان .................بقول واللي عالم الغيب شايف ليت المنايا رجعت روح سلطان ............. لو طحت من كبر الخساره بنايف |
الله يرحمه صح لسانك نص حزين ومعاني مؤثرة لاهنت |
يا سيدي للحزن طابع وعنوان
.................عبره وتنهيده وصمت وحسايف احيان نقدر نكتمه لكن احيان ..............على ضفاف الصدر ساعي وطايف الله يصح لسانك شاعرنا جزله من جزل والله يرحم الفقيد ويحفظ قادتنا ويجبر مصابهم لاهنت,’’ |
الله يرحم الأمير نايف ويسكنه فسيح جناته
الشاعر / محسن المقاطي صح لسانك وسلم بنانك على هالمرثية دمت بود تحياتي لك محمد |
صح لسانك
وعتلى شانك والله يرحم فقيد الامه تحيتي وتقديري |
الله يرحم نايف وسلطان
صح السانك |
الله الله
شاعرنا القدير / عبدالمحسن المقاطي نفتخر بشخصك وشاعريتك وصدق مشاعرك هنيئا لنا بما تكتب لنا من شعر تعبر فيه عمايدور في نفوسنا مبدع ورائع ياعبد المحسن تحيتي لك .. . |
الله
صح لسانك مدد |
اقتباس:
القدير محمد مرزوق .. صح قلبك وكل الشكر لحظورك .. |
اقتباس:
اعجز عن التعبير امام هذه الشامخه الذي تحمل ايات الحزن واسماء الدموع الصادقه اخي عبد المحسن صح الله لسانك لاعدمتك ورحم الله موتانا لك ارق التحايا |
| جميع الأوقات بتوقيت GMT +3. الساعة الآن 11:32 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية