سمؤ النوايا
 

بسم الله الرحمن الرحيم
تغيب عنكم ولاكنكم في القلب
جديد ما كتبت

ياليت شعري وأنا مالي بشعري شبيه
إلا سمو النوايا والقدر وش نوى
ربيع قلبي تنحى والتعب مقتفيه
وحساب الأيام ذيبٍ في ضميري عوى
سرحت همي غبا وأنا احسبني نبيه
أنا أحسبنه آليامنه سرح ماضوى
أصمل وابيعه وأعود واجتهد واشتريه
واستغفر الله دوا الولهان واكبر دوا
سكرت باب الهوى من شان كلمة سفيه
واللي يحاول يغير وجهتي ما قوى
مايوم فكرت اعبد اقلوب وإلا وجيه
قلبي على المنهج الصافي ورد وارتوى
ورثت حسن السجايا غرّ من غير تيه
لو إني من الحنان العذب ميت طوى
العام ذودي مجاهيمٍ حماها احتميه
واليوم نصفه مغاتيرٍ تبارا سوى
وإن شفت ما عفت مدري ليه من غير ليه
اذكر بيوت الزجاج اللي على مستوى
وابعد عن السكه اللي ما مشاها نزيه
عربونها مرحباء واشحن بطاقة سوا
واليوم بعد أربعين الصقر ما يشتويه
إلا الذي ما يعرفه مير ماله لوا
ياللي تراسل رسولك راح لا ترتجيه
كانه رسول الهوى ماني بويا الهوى
يالمترف اللي يسيل الحسن من وجنتيه
قلبي من الهم وأحداث الزمان انكوى
حتى لو إن الجمال اليوسفي محتويه
حبلي عن العد من وقتٍ طويل انطوى
تراك منته محصل شفك اللي تبيه
يامدور التمر عند اللي يمص النوى

عبدالله القثامي

العام ذودي مجاهيمٍ حماها احتميه
واليوم نصفه مغاتيرٍ تبارا سوى

مشعل هلابك ملايين

الله عليك يبو سلمان هذا النص جمع الحكمة والتصوير الرائع والغزل العذري والتقوى بشكل عجيب لا يستطيع فعله الا شاعر متمكن

الله ..

إبداع سلس وعذب ومتأصل :)

سلم لي علاك وسجل اعجابي من جديد !

ولا عاد تبطي عنا :)

تحياتي

تراك منته محصل شفك اللي تبيه
يامدور التمر عند اللي يمص النوى

الله

الله


صح لسانك يابو سلمان

ابداع لايستغرب من شاعر بقامة عبدالله القثامي

العام ذودي مجاهيمٍ حماها احتميه
واليوم نصفه مغاتيرٍ تبارا سوى

هههههههههههههههههههههه


الله عليك ياعبدالله أجل شيّبت :icon_mrgreen:


صح لسانك ياالعذب الجزل في كل شي

الفاضل احمد قاضل
هلالالالالالالالالالالالالالالابك