مرثيه في خالي الله يرحمه
 

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
كلمة ٍ جتني تشيل المواجع والهموم=ماقويت لصدّها وابتدا صمت الشفاه
طاحت العبره ولاني من ابكاي امعصوم=واختلف فكري وقلبي تزايد في عناه
والخبر بالسمع يشدي صواعيق الغيوم=والصدر من غلقته سهم ضيقه ماقواه
قيل خالك مات والعمر يفنى مايدوم=والاوادم فانيه لو تطول ابنا الحياه
مات ابو فيحان راع المراجل والسلوم=طيبه اللي يرفع الراس مانلحق مداه
لونعدد فالمحاسن تطول ابنا العلوم=المكارم واضحه مثل نحت ٍ فالصفاه
الكرم من خصلته والبخل فيه امعدوم=مكرم الضيفان لاجوه يامكثر سخاه
مدته جزله لربعه من اخيار القسوم=مابحث في مدته لارياء ولا غناه
والفقير ان جاه في حاجته سد اللزوم=يعطي المحتاج من طيب يوم الله عطاه
والعلوم السامجه دايم ٍ عنها يشوم=مجلسه عامر بجوده ويسعد من نصاه
مسجده يشهد على قو دينه والعموم=سجدته بالصف الاول قبل وقت الصلاه
منزله روس المعالي وللعليا يروم=لابس ٍ بشت الوفا ماتخلا عن وفاه
ماعرف طبع النميمه ولـسراره كتوم=ولاهرج في رجل غايب ولا يطعن قفاه
عاش عمره بين ربعه معزّز ومحشوم=رفقته عند الجماعه على عز ونقاه
مع عياله طيّب الفعل له قلب ٍ رحوم=ريّف ٍ بالجار واللي يعزه واقرباه
فاقدينه لو يطول الزمان بكل يوم= كل من حبّه يعيش الليالي مانساه
الله انه يرحم الخال زيزوم القروم=ويسكنه بالخلد رب ٍ تعالى في علاه
[/poem]

عليكم السلام ورحمة الله

اللهم آمين
الله يرحمه و والدينا وموتى المسلمين
وصح لسانك يـ الشاعر
ولاهنت على هـ المرثيه المؤثرهـ

تقديري,’’