,,, هواجيس مسفر الجعيد ,,,
,,, رحلة الحياة ,,, [poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] بدينا وابتدينا والله الرزاق والمعبود=عظيم الشان رب الناس خالقها ومحصيها هو الدائم هوالجبار والرحمن والودود=عزيز ولا يحب الظلم والضلعان مرسيها قوي البطش سبحانه ذوي قوه واله جنود=رحيم ورحمته للخلق ناشرها ومعطيها هو المحيي هو الشافي وهو رزاق عمي الدود=رفع سبع ٍ بلا عمدان والافلاك مجريها تعالى الله سبحانه عليم ويعلم المقصود=حكيم ويمهل الخلقه ولو كثرت معاصيها له الحمد وله الفضل وتعالى ربنا ذا الجود= خلق جنه ونار وجنة الرحمن نرجيها وله تسعه وتسعين اسم للي للكتـاب يعـود=وفيه اسماء ما أعلمها ولاكن مؤمن فيها بعدها ياسلام الله كما طلع الزهر وورود=علي اللي يسمع الابيات ويحلل معانيها ثلاثه واربعه وثنين ياتي بعدها المولود=ويدرس ويتعلم فالسنين وفي لياليها يعيش بوقت ما يرحم ويبذل غاية المجهود=يحاول يملك الدنيا ونفسه صار مشقيها تولع وانقطع حيله وثر حبل الشقاء ممدود=ولو يفرح بها ساعه تجرع من مئاسيها بعد كل المأسي قال لا زال الامل موجود=وراح يصارع الدنيا ويطمع في امانيها يحب المال والشهره محبه ما وراها فود=كذلك حب ترفات الصبايا نار يوشيها وحب ٍ ما يوصل للزواج ملازم المقرود=ليا منه تذكر للسنين وطيش ماضيها أهو ما يدري ان الشوق ما يرحم شباب وعود=سوات الجمره اللي ولعت في صدر راعيها الا يا الله يا ربي تعينه والهموم اتزود=ليا وقف وجاه الموت والاهآت يشكيها وهذا واقع الدنيا وعادتها جفاء وصدود=الا يا حظ من يسلم ويكفى في بلاويها وصلى الله على محمد رسول الله بليا حدود=شفيع الخلق في ساعه تبين كل خافيها [/poem] |
,,, منبع الطيب ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] سلام بأسم الشيـخ واسـم القبيلـه = من شاعرٍ لا قال يطرب لـه البـال جينـا نبـارك بالبيـوت الجزيلـه = عن شيخنا مسيفر وللخيـل خيـال جده معيش وللحمـل يرتكـي لـه = والطيب ساسه منبع الجـد والخـال وقلنـا نشـارك والشعـر نعتنيلـه = ساسً لنا ماضي وحاضر وما زال والشعـر والشعـار نـار وفتيـلـه = والطيب لأهله من على مر الاجيال حنا هل الطـالات واهـل الجميلـه = وحنا هل الناموس في سلـم وقتـال امضفـري وقـت الليـال المهيلـه = يشهد لنا التاريـخ والحـق ينقـال يوم ان بعض الناس نفسـه ذليلـه = في ماضي الايام ما جالـه افعـال واليوم في وقت الرخاء عزتيلـه = ماله على فعل الرياجيـل مدخـال يقـول سوانـا وضايـع دليـلـه = وبافعال غيره دايم الدوم يختال من غير قاصر في رمـوز القبيلـه = الاسم يجمع له طحاطيـح وابطـال والسيف يُعرف من مواري صقيلـه = ولا كـل رجـالً يحاليـه رجـال وكم واحدن وقت السعـه وش حليلـه = وليا حدتك أظروف حدك على الجال وكم واحدن فالوقـت كفـه بخيلـه = لا سـد ميقافـه ولا جمّـل الحـال وكم واحدن دنفـوس فعلـه فشيلـه = نمـام ومنافـق وكـذاب محتـال ومثله ضعيفً مـا يزبـن دخيلـه = والجار ماله حق في سلـم الانـذال ياليـت للانـذال وســمٍ تشيـلـه = حتى نميزهم علـى كـل الاحـوال وصلاه ربي عـد وبـل المخيلـه = على رسول الحق في ختم الامثـال [/poem] |
,,, يوم العيد ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] كلا ٍ نهار العيد بالعيد فرحان=شخص وكشخ بالثياب الجميله قلبه سليم ولا عرف هم واحزان=ولا كل خلق الله لحاله مثيله عايد حبيبه ثم ضمه بالاحضان=لا وهنيه يوم يقدر يجيله ماهوب مثلي قلبه ايشب نيران=على وليف ٍ شوفته مستحيله من دونه الحراس ذربين الايمان=ون رحت اله ماعاد فيه عقيله لكن ابا اصبر دام فالجو دخان=وليا صفا واجب علي اعتني له والعشق راس الهم من مر الازمان=والله يعين اللي يفارق خليله [/poem] |
,,, يا وجودي ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] يا وجودي وجد من ضاقت الدنيا علاه =ضاقت الدنيا وقلبه من الدنيا حزين ماتو اعياله ثلاثه ورابعهم جفاه=وانجرح قلبه من الوقت ياربي تعين ماتحّمل للخبر يوم فالغبشه لفاه=طاح مغشي بينهم يامعين الصابرين ذاك حالي في غيابك وشوفك لي مناه=ذاك وجّدي يا حياتي على مر السنين ضاق صدري يا حبيبي وطرفي هل ماه=كل يوم يزيد همي وانا طرفي رهين ذاب قلبي يالغلا مار قلبك وش بلاه =صار قاسي والمواصل منات العاشقين راح عمري والصبر باح يا مال الغناه =والمفارق يدمي القلب ويزيد الحنين اتوجد في غيابك وقلبي في عناه=والليالي تكشف السر والخافي يبين يجّبر الله قلب مسفر بعد حبك حداه=والسلام ختام والعاقبه للمتقين [/poem] |
,,, يازين الديره ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] يحداني الشوق يم البر والديره=ولا البلد عيشته منيب راغبها صجه ولجه وشره زاد عن خيره=والناس في زحمته ضاعت مذاهبها الجار ما نعرفه يا الله فالخيره=وشيابنا فالبلد زادت متاعبها وشبابنا فالبلد كثرت مشاويره=والارصفه تشتكي من حال مرّ ابها شمه ودخان ومعسل وقصديره=أشكال يا شينها وأبليس راكبها ولا حريم البلد ما عندهن غيّره=القلب ميت وعين ٍ ما تشوف إبها ماهمها البيت والورعان والسيره=وقصورالافراح والدجه تناسبها هذي حياة البلد ما عاد به جيره =جات الحضاره وزادت في مصاعبها والناس يدرون عن شره وتدميره=والنفس طابت وحال الوقت غاصبها [/poem] |
,,, يا بنت ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] يا بنت ياللي تلبسين الفرنسي=خافي من الله في قلوب النشاما يوم العبايه مست الجسم مسي=بانت تفاصيل الجسد بالتماما طلعت وصوفك ما وراها مدسي=بانت خفايا بهتزازك تواما ان شفت زولك زاد همي وهجسي=بدون الشرف يابنت مالك مقاما الدين عز البنت وشلون تنسي= النار مثوى من مشت فالحراما تكفين حسي بالرياجيل حسي=ارمي بها يابنت جوف القماما اخذي بدلها لبس ظافي يكسي=لا تبلشين الناس يا ام الزماما ون كان ما راق لك هرجي فطسي=الله يعطيك المرض والهياما [/poem] |
,,, موشر غلا ,,,
[align=center]
[poem= font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"] في ماضي الوقت هاوي واعشق الفله=اموري اميسره ما شفت مايلها مار الطمع شين والايام مختله = والنفس تجمح ولا تخشى هوايلها أغرتني الفاتنه والقلب تحتله=من يوم جتني وفكت لي جدايلها صدقتها واثرها واحد من الشله=لا عاد يوم ٍ رماني في حبايلها اعطيتها كل ماعندي وبسم الله =جاك المؤشر مدحدر من طوايلها عندك ودونك وصار القاع منزل له=جاب الخساير على التمثال شايلها ابغى الغنايم وراح احليلي كله=لعبه حقيره ويا ما اكثر محايلها والجادل اللي نهبني بان به خله=نفسه رخيصه وانا ادري عن عمايلها ارشيف ماضي حياته من تمعن له=كله حيّل والحيّل سوت فعايلها ياليت ياليت بعض الناس تفطن له= عشان تفهم رموزي في رسايلها [/poem] [/align] |
,,, مطوع و ارهابي ما تجي ,, دورو غيرها ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] بسم الذي كل المخاليق ترجوه=أبدا قصيده والضماير عطيبه شعري رسايل و اكثر الناس فهموه=معنى ومغنى للعقول اللبيبه احمل رساله قافيتها على اوه=تحمل معانات القلوب الحبيبه الوقت غر الناس والدين نسيوه= ومن طبق السنه زمانه حريبه والعز للاسلام والناس كبوه= يا كبرها يا كبرها من مصيبه ولا صار شرٍ يم الاسلام ردوه=جمع النصارى والوجيه الغضيبه ومن شذ بين الناس خلوه خلوه=المخطي محاسب وربي حسيبه ليه الغلط دام الغلط شي مكروه=في وقت مايرحم ودنيا غريبه ليه المطوع صار رجال مشبوه=واسمه مع الارهاب ما خذ نصيبه ما كل من ربا الدقن شخص معتوه= والقنبله يشتالها وسط جيبه [/poem] |
,,, فتاة الغلاف ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] يا رسول الشوق قله ثم قله=السموحه فالبدايه والنهايه سيف ابو زيد الهلالي لا يسله=لا يسله لين يقرا للروايه الهنوف اللي على غلاف المجله=مملكتها بس حطوها دعايه كيف رضيت بالمهانه والمذله=كيف رضيتها وسارت فالغوايه لبسوها تاج والفستان سله=ما سترها مار يا الله فالحمايه وصوروها واسمها نجمه مطله=والحيا موضه قديمه والعبايه واصبحت سلعه رخيصه مستغله=في مجلات الشعر مليون غايه شف حليمه يوم تطلع مسفهله=تجذب اللي ما يحبون القرايه [/poem] |
,,, علوم الرياجيل ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] لا والله إلا ضاع سلم الرياجيل=وراحت مجالسهم سوات الحراجي لا سالفه تدرج مع البن والهيل=والشعر ماله في طرفهم مزاجي راحت سوالفهم على القال والقيل=وتقفي الاجواد فالوقت راجي والكل منهم مع خويه سري ليل=والمستمع يحتار كلأ يجاجي ون جاب شايب سالفه فاول الجيل=بعض الشباب اتقول مثل الدجاجي لا يحترم مجلس ولا يوفي الكيل=والعقل يا أهل العرف فيه أرتجاجي واقع اشوفه في زمان التهاويل=وسوالف أهل العرف فيها علاجي ولايضيع العادات غير المهابيل=وياالله ياربي عليك الخراجي [/poem] |
,,, خلاص وبس يكفينا مذله ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] سلام الله بدايه بالتحيه=سلام ٍ مثل مزنه مستهله على رجال ويقدر خويه=من اهل الطيب والجن اشهدن له بيوت الشعر تفزع له حميه=وعلم ٍ صار لابده فطن له يضيق الصدر والدنيا دنيه=خلاص وبس يكفينا مذله اشوف الذل والعله قويه=واشوف الظلم بادي له اهله ونور الحق ومضاته خفيه=متى يسطع ويبري كل عله على درب الشقاء حسنه وسيه=وشي ما يفيد الناس خله وصلك العلم لاتشره عليه=ديار الناس صارت مستحله تجمّل كان عندك مقدريه=وحاول فيه يمكن نك تحله ترا مافيه حل ٍ للقضيه=يكود السيف ومشبب يسله [/poem] |
,,, على كيفك ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] حقيقه ما كتبت الشعر لاجل ارضي جميع الناس=ولا يطري على بالي زعلهم من معانيه حقيقه قلتها من صادق الاعماق والاحساس=يصدقها الحكيم اللي تأمل في قوافيه وزنت البيت بالميزان والمعنى قوي الساس=وصار البيت اله معني وجال الشعر قافيه سوات اللي يغوص بحرها يجمع درر والماس=جمعها من ضميره للعرب ماهيب عاريه هلا باللي يذكرني جروحي والعنا والباس=هلا باللي غيابه طال عن دار السعوديه ثلاث سنين مرت من حياتي ما عرفت الياس=ثلاث ٍ كلها هم وكدر واسرار مخفيه شربت المر والعلقم وتسقيني وهم بالكاس=ولو تكشف على قلبي تبا اتحصل اماريه جروح الحب ما تبرا كما حبر ٍ على قرطاس=ولو كابرت بعنادي احس بنارها الحيه تعبت ولا شكيت الهم للشمات والبلاس=واعز الناس مايدري وعاش احلام ورديه احبه واعشقه والحب ماله فالزمن مقياس=ونار الشوق تحرقني مع الروحات والجيه وحال الوقت ما يرحم وكنه في يدينه فاس=يقص العود الاخضر ماش في طبعه موديه صحيح الناس معدنها ذهب فضه وبعض نحاس=وكل الناس نعرف صنفها في واهج الضيه على كيفك تخير واختر الطيب من الاجناس=ولا تختار من لا ينفعك فالشمس والفيه حقيقه قلتها من صادق الاعماق والاحساس=يصدقها الحكيم اللي تأمل في قوافيه حقيقه ما كتبت الشعر لاجل ارضي جميع الناس=ولا يطري على بالي زعلهم من معانيه [/poem] |
,,, الظلم واضح ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] يا الله يارب العرب والخواجات=ياحامي الكعبه ويا حافظ الدين يافزعت المظلوم في كل الاوقات=يا ناصر الاسلام ضد المعادين البارحه نومي من الهم غفوات=من شي شفته في ديار المساكين شفت الحروب اللي هدفها ابادات=ومنهو سمع ماهو كمن شاف بالعين ومن شاف بعيونه تجي له قناعات=الظلم واضح والمجازر براهين بوش ايتحدانا وكل الديانات=والمسلمين ارقود يا ربي اتعين وشارون في غزه يهد البنايات=والارض محتله وملك الملاعين وبغداد تدعينا ويا كثر الاموات=مشهد يعبر عن جميع العناوين وما بين علاوي وياسر عرفات=ضاع العراق وضاعت اخته فلسطين وما بين هذا وذاك راحت ولا جات=وطبع العرب للغرب دايم حليفين مال العرب في نصرة الجار وقفات=والله يعز اللي رفع راية الدين [/poem] |
,,, دنيا العنا ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] اكثر حياة الناس هم ٍ على هم =والوقت يجري والمخاليق تذهب انعيش فالدنيا ومنها انتعلم= ومن لا تعلم في زمانه تعذب نفرح بها ساعه وساعات ننّغم=حزن ومأسي والليالي تقلب دنيا غريبه والروابط تحطم =حتى القرابه شرهم صار يقرب بعض العرب صاحي وفالرفق يحلم=والنار في قلبه من الهم تشتب وبعض العرب ديّن وفالدين مغنم=والرابح اللي غايته طاعة الرب وبعض العرب من حالة الوقت مهتم=ولازم مع الايام يشقى ويتعب وبعض العرب مقرود ما يفهم العلم =مثل البهيمه بس ياكل ويشرب [/poem] |
,,, المرثيه ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] يا الله قابل صلاة المصلين=ياواحد ٍ كل البشر تستعينه البارحه ما لجلج النوم بالعين=والموت حق وكلنا ذايقينه والدائم الله دوم والناس فانين=رحله حياه وكلنا لا حقينه لو طالت الايام للشهور وسنين=تالي مداها فالقبر دافنينه غاب القمر يالله عسى فالنا زين=واليوم حنا كلنا فاقدينه مرحوم ياللي مات في ليل الاثنين =قفا وكل الناس بعده حزينه القلب يحزن والبكاء يعشق العين=ودموع عيني للمحاجر رهينه يارب تلطف به وحنا مقفين=وتثبته عند امتحان الثنينه يارب تجعل قبر ابويه بساتين=وتكتب له الجنه ويلقا ضنينه يارب ثبتنا على منهج الدين= وتعين عبدك بالصبر يامعينه يالله صبرنا وحنا منيبين=ما قدر الله كلنا راضيينه واحسن عزانا وانت يا ربنا معين=واجبر عزانا بالاجر والسكينه واكتب ثواب اللي لفونا مواسين=ولكل من عزاء عسى الله يعينه وصلوا على محمد خير النبيين=ادى الامانه وعلم الناس دينه [/poem] |
,,, دخيلك لا تعذبني ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] دخيلك لا تعذبني ترى قلبي ورق فلّين=وكلمه منك تشعل نار ما واحد يطفيها تحملت الخطاء لجل العيون وبارق الخدين=وتقبلت أعتذارك لأول الزله وتاليها وفي لحظه تُحملني خطاك وترفع اليّدين=تقول اني انا المذنب ونارك دوم توشيها تمادى فالخطاء ومحصلتها للفراق الشين=ومن يتبع سراب القيض يهلك في مضاميها تذكر ياحياتي وستعيد الذاكره يا زين=ترى من باعها هالحين بكره صعب يشريها وزود الحب لا يغرك بديسمبر ولا تشرين=نصحتك والنصيحه صعب تفهم وش معانيها انا من سابق الايام لا ظالم ولا مسكين=عزيز النفس مكرمها ولا عشق ٍ يوطيها [/poem] |
,,, راح العمر ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] ضيعت عمري في عمل ماله فيود=وكم واحد ٍ مثلي فعل ما طرا له راح العمر ياخوي في صد وجحود=بين المعاصي والهوى والجهاله افلام ومسلسل وكوره بلا حدود=وبلوت والدخان شر ٍ لحاله والعمر يجري والشقاء حبل ممدود=والموت يقرب ما تأخر رحاله نسيت نار ٍ تحرق الورع والعود=وقدامها يوم ٍ كثيره هواله وللنار والجنه مصادير وورود=ومن قدم المعروف يازين فاله ما ينفع الانسان والد ومولود=ولا ينفع الانسان صيته وماله ما ينفعه يا كود ياكود ياكود=زين العمل لن كان ربي عطى له واليوم انا تايب وللحق مردود=ورب السماء يفرح بعبد ٍ لجاله ويا رب ترحمني ليا صرت ملحود=بعفوك ولطفك يا عظيم الجلاله [/poem] |
,,, سر يا قلم ,,,
[align=center]
[poem= font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"] يا الله يا رحمن يادافع الباس=يا مفرج لعبدك ليا حل يأسه سر ياقلم واكتب على طيب الساس=والبيت ما يبنى على غير ساسه قلته وانا اللي ما دخل قلبي الياس=لو ضاقت الدنيا وزادت عكاسه البارحه فكري من الهم محتاس=ون جاء بيصفاء واقع الناس حاسه شفت العجايب مالها عد وقياس=في مجتمع مسلم وفيه انتكاسه يهوي المعازف والنواعس مع الكاس=ومن تابع الموضه حياته تعاسه الغرب يغزينا بلا جيش وأفراس=با أفكار تضعف ديننا والحماسه جوال باندا والهمر يتعب الراس=والثالث الدمعه ويآل الخساسه بالصوت والصوره عواري بلا اللباس=والخبل يعرضها على كل ناسه والحب اله اعياد وافراح واعراس=واللون الاحمر صار رمز الوناسه وعيد الكرسمس للأول العام نبراس=رقص وغنا ما بين خبث ونجاسه والمال يخدم ناس ويهين له ناس=وهذي رساله تستحق الدراسه ليش الشباب يقلد افعال الانجاس=ويرضى على نفسه بنقص ودناسه وصلاة ربي عد ماهب نسناس=على رسولاً بان فالحرب باسه [/poem] [/align] |
,,, الله يجازيك ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] البارحه ضاق صدري واتحرى لك=وانته مع الناس ما تدري عن احوالي تضحك وتمزح وانا ماني على بالك=ما تراعي احساس من حبك ولا تبالي الله يجازيك وش خلاني اهوى لك=ضيعت مستقبلي والبيت وعيالي تنغر ساعه وساعه تترك خبالك=الي متى با اتحمل ياهوى بالي لاكن خذها نصيحه عدل احوالك=لايغرك أبليس وتقوم وتحدى لي ان كان معجبك هرجي روح في حالك=بعض التصاريف ما ظنيت تحلا لي ون كانك اتحبني لا تكرر افعالك=لا تعترض للعرب رجلي وخيالي [/poem] |
,,, حكم الله اقوى ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] ضاق الفضا يالله عليك التساهيل =والامر لله والسنين محسوبه ذاع الخبر واطفى شموع القناديل=وحرك هجوس الشعر بعد اعلنو به ليل الشقا جتني خيوله زرافيل=والهم زاد ولبّس القلب ثوبه والدمع فوق الخد وبله هماليل =والقلب وسطه نار زادت شبوبه حكم الله اقوى والليالي تهاويل =والصبر مفتاح الفرج والمثوبه في ساعة ٍ هزت قلوب الرياجيل=والموت سنه والخلايق رضو به مرحوم يا شيخ ٍ رفيع المنازيل= صويلح اللي بالفعول افخرو به الله يجبر كسركم يالحلاحيل =والله يعوضكم و يغفر ذنوبه قفى وعقب له سيوف ٍ مصاقيل=اسيوف في كل العلوم اقتدو به احلالهم لاهل المراجل مداهيل=والضيف لا منه لفا رحبو به للرفق والرفقه نجوم ٍ مشاعيل =بنو جدار العز طوبه وطوبه بقيادة مسيفر بعيد المناويل=شيخ ٍ ليا جات اللزوم اعتزو به خيره على ربعه مزونه مخاييل=وفعله ينومسنا وحنا جنوبه قد قالو الاجواد بعض التماثيل=وانا بضمن قولهم لو حكو به ما مات من عقب رجالاً مشاكيل=ما منهم اللي يندرق عن وجوبه [/poem] |
,,, سوال مهم ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] سلام من راس الجعيد=اللي بدع لامثالها عاشق وهاوي للقصيد=ينقى حروف اجزالها يبحث عن الشي الجديد=والنايفه يرقى لها يفيد وايضاً يستفيد=اليا ابتداء موالها الارض غطاها الجليد=والهم غطاء جبالها فكره ومغزاها بعيد=ليت العرب تصحى لها سيد ويحكم له عبيد=متقاربه فشكالها حاكم وحكمه مايبيد=فقفايها واقبالها فارس وسيفه من حديد=في سلمها وقتالها امير يعمل مايريد=والحمل فوق جمالها عنيد في رأيه عنيد=ويكيلها بمكيالها مايقبل المد الزهيد=لو اعتذر جمّالها شره مع العالم يزيد=مار العرب وش حالها العلم ما فاد البليد=والوافيه ما نالها عرفتو المعنى اكيد=هاتو جواب سوالها يصيد ولا مايصيد=طير السعد في جالها [/poem] |
,,, تخيلو بنت مزيونه وسياره ,,,
[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] تخيلو بنت مزيونه وسياره =بنشر علاه الكفر وسبير مفريه في خط نجران ولا من وراء ستاره=وارسال مافيه والجوال ما زيه في يوم ٍ اقشر وجوه قايم اغباره=تشر على الخط ولا اتهل عبريه ان اشرت روحت وابليس بشواره =ايزين افكار والافكار وحشيه وليا بكت وانتهت بتكون محتاره =من يوُصل العلم ويجيها بدوريه من قسم الانقاذ والاعصاب منهاره=واتجي لها الثانيه باللبس شرطيه اتسوق نجده وفالخليان فراره=ودوامها زفت فالروحات والجيه وابليس يبراء لها ويدق مزمـاره=الاسـره امشتتـه والنـاس مبليـه البيت كله مشاكل شاعت اسراره=والاب مشغول والماما اندنوسيه هذي بدايه وراسي زادت افكاره=واهل الفتن نارهم في وقتنا حيه ساس البلاء راعي التحرير وانصاره = للبنت سوو قضيه فالسعوديه افكار واحد مهبلا بان مصداره =وشلة مهبل تقول افكار عصريه اعقول مستأجره وازوال غراره=واهدافهم واضحه ماهيب مخفيه يبغونها تنبلش وتلاعب الطاره=وتقضيي مشاويرها وتعيش حريه واتصير وسط الشوارع كنها الشاره= وتمر مزنه ومريم كل عصريه وتطلع على كيفها وتلف فالحاره= وتكشف عن الزين والعادات ملغيه لكن يخسون والايام دواره=والدين ما يندثر حكمه الآهيه وبلادنا عز للاسلام وانواره=والله يسلط على حزب الشيوعيه [/poem] |
| جميع الأوقات بتوقيت GMT +3. الساعة الآن 12:52 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية