الا يالله اني طالبك تغفر الاثام
وعبادك على تقواك يارب تهديها

وتقوى الله المعبود تشهد به الانام
ونفوس الاوادم كلها تحت واليها

ماندري وش اللي يقتفي تالي الايام
نساير لياليها ونجهل خوافيها

وهذي حياة الناس في معظم الاعوام
تعيش الحياه الفانيه مع لياليها

يدور الزمن بالناس وتذعذع الانسام
ومن عاش صابر ماتغره بلاويها

يامسلم على الطاعات خلك على الدوام
ترى طاعة المعبود من حظ راعيها

ونفسك عن اللذات تبغى رسن وخطام
من اول حياتك يافتى لين تاليها

ليا طاب فالك في زمانك وحظك قام
صلاتك نجاتك صلها لاتخليها

وخلك على السنه وماسنه الاسلام
ونفسك عن ادروب المتاهات ناهيها

مجرد نصيحه قلتها والسلام اختام
قصيده على ماقيل تشرح معانيها
محمد مرزوق السميري