تعال يا ابو مهنا
مساكم الله بالخير
انا غبت يومين و جيت و لقيت فيه شئ لاحس مخي من جد........ اشوف عكاشه يقول في احد ردوده ( يا ابو مهنا ) و اشوف سنجار في بعض ردوده يقول (يا ابو مهنا ) مع اني ما شاركت في الموضوعين كلهن سواء اللي رد عليه عكوش او سنيجير. قلت ابي اشيك الاسماء لقيت نفس الاسماء اللي انا خابرها قبل اغيب.... وش جاب طاري ابو مهنا؟؟؟؟؟ فيه احد اسمه ابو مهنا هنا.. غيري؟؟؟؟؟؟ هذا الاسم محتكر عليّ انا بس...... و معروف به في جميع المنتديات..... و لا عمري لقيت احد اسمه ابو مهنا الا انا..... و الناس تعرفني به....... اللي اسمه ابو مهنا ...... يجيني هنا عشان اتعرف عليه...... يا اما ان احد منا يتنازل به عن الثاني و الا تقاسمناه بالنصيفه بيننا. مع تحيات قيادة الرئاسه الاشتراكيه |
ابو مهنا محمد الصفياني وكبر عياله الله يخليه اله
انا اشوف انكم تقاسمونه ........... واذا مره مره ضاقت عليكم غيرو اساميك انت ياشفق تصير ابو حمزه والصفياني يصير ابو فؤاد ......... |
ماني خابره احد
يقاله ابو مهنا غيرك!!!! وتبي الصراحه ماتلبق الا عليك00اما احد ثاني بهالاسم مدري والله ياشفق00 وليه مستغرب00هالايام حتى الاسماء000000تؤخذ اذا صح التعبير تخيل اسمي00فيه وحد ه مسميه عمرها مثلي بس تصغير وشتقول في هذي؟؟؟!!!! |
ابو مهنا والله انا ماني خابر ابومهنا غيرك
ولكن وش قصد العيال <----------- يبى يعقد الشوش :) |
اهليييييييين ابو عبدالله
اقول قسمك و الله المنشار ....... يا الله قسمة خير....... طيب بالله قل له انا عندي عرض...... اذا يبي يستخدم اسم ابو مهنا في المنتديات فانا مستعد اتنازل عن الاسم له..... بس قل له كم يدفع..... و اذا يبيني اغير اسم ولدي ..... فكم يدفع و للمعلوميه في تغيير الاسم الدفع اكثر ...... و هو و كرمه......... |
الجافل
الله يفتح لك باب نور على هذه الشهاده......... صراحه انك شهدتي بالحق عسى ما يضيع لك حق....... في احد المنتديات تصدقين واحد سجل فيه باسم (ابو مهنا) كذا حاف..... و بعدها انهلت الاتصالات والرسائل و كلهم يقولون انت داخل باسمين يا شفق....... و راسلت الاخ اللي داخل باسم (ابو مهنا) و آخرتها نفخ عليّ و قال الاسماء ما هي حكر لاحد..... قلت يا اخي ادخل باسم ثاني الناس يحسبونك انا.... قال اقول فارق...... قلت طيب وش رايك تاخذ اسمي انا بعد...... و خلني ارتاح عن المنتديات تراك مسوي خير....... عالم مدري وشلون تفكر....... يا اخي قل ابشر .. جامل .... قل اي كلمه حلوه..... و الاسم ماهو حكر لي و الا لغيري..... بس الاسماء الفريده او النادره او الغريبه...... الناس تلتفت لصاحبه الاول اكثر....... و انتي صراحه اللي سرق اسمك اكيد انها صغيره,,,,,, و الا كان ما صغرت اسمها.....خخخخخخخخخخخخخ تحياتي لك |
مرحبااااااااااا سعد
اما تعقيد الشوش,,,,, فحدث و لا حرج........ عز الله انك راعي سوابق...... خخخخخخخخخخخخ لكن انا كنت بس ابي اعرف من هو ابو مهنا الجديد خخخخخخخخخخخخخخخ و عشان تحترّ انا موافق ان الصفياني ينادونه ابو مهنا........ يا لله مووووت قهر يا معقد الشوش خخخخخخخخخخخخخخخخخخخ كل الحب لك |
شفق
طيب وش ذنبي انا يسمونني ابو موسى وانا والله ماعرف حد بالاسم ذا انا ابو يحيى :mad: (m- |
هلا ناصر
ياخوي خذهن كلهن لك...... اهم شئ لا احد يشاركك في حلالك........... سجلهن باسمك في الغرفه التجاريه ...... قدام لا احد يسبق عليهن..... ثم و الله يا موسى انه ليلحق يحيى...... و بعدين وش متحسف عليه انت و خشتك..... من زين يحيى عشان تبكي من موسى ........ اقول امسك الارض بس , و قرّ في الحزم.. خخخخخخخخخخخخخخخخخخخخخ و بعدين يا حضرة السنير (+11) اذا نقلت قريب عندنا ترى بيتي في بقيق..... اكرم عساك تحيا <<<< على قولة فهد الوايلي |
شفق
ياليتنا من حجنا سالمينا%%%كان الذنوب اللي علينا خفيفه وبالنسبه للنقل فهو قريب لكن كلم لنا ابو عايش وابشر باللي تبي واكرم ياهلنا :rolleyes: |
شفق00000 رئيس الحزب الاشتراكي
كبفك0000وانا شخصيأ0000اناديك ايها الرئيس علم000علم |
بسم الله والحمد لله والصلاة والسلام على من لا نبي بعد
اما بعد فقد خمدة لنوم قرير العين متعباً <<< ماتركب مشي ليلة السبت الموافق اخر ايام الشهر الثالث من العام الهجري اربعةٌ وعشرون بعد الالف ومائة عام من الهجرة النبوية الكريمة . وإستيقضة مبكراً , وقمت لا مارس دوري في الحياة وأتهجول لإيصال ابناء المدارس وتم ما اردت بفضلٍ من الله . ومن ثم ذهبت إلى العمل ومارستهُ مراساً شديدا فالسبت معلومٍ معثتهُ مسبقاً لدي الجميع وعدت غير متعباً بطبع , وتنا وشت الجهاز<<< نشاز عن السابق من الحديث . دعوني اكمل ووجدت نداً لمن يدعي بابو مهنا ودلفت بدخول فوجدتهُ قدر حرر من قبل الاستاذ قائد الحزب المبجل شفق عبد الرحمن السـّريع . تضمن خطاب سعادتهُ الكثير فهوا كان غائب لمدة قصيرة الحمد لله على السلامة وعاد ليجد ان هناك من يدعى ابو مهنا غيره , مع علمه المسبق بأنهُ لا يوجد على مستوى النت من يمتلك حق النشر بهذا الاسم سواه . واردف قائلاً : ويحكم ياقوم على من تطلقون اسمي جزافا لم اكن موجود اين من اقتحم الحمى ومن هوا ذالك المقتحم . واورد عدة حلول وكلها ممكنه لشفافية الرجل وحنكته , الغريب في الامر انني انا محدثكم اراد الله ان اسمي ابني مهنا . لا سبابٍ كثيرة قد اوجزتها في قصيدة انزلتها كاشتراك اول لي هنا في المرقاب وشرفني بالحضور لها قائد الحزب الاشتراكي ابو مهنا شفق السريع عسى ان اهتني بعد ان كللت جهداً لا كن هيهات ايها الشقي فقد طلع لك فيه من يقول حقوق الاخرين محفوظة ...... قف تأمل تراجع .... عد عن هذا الاسم ..... من سمح لك بذلك ..... الا تتابع ..... الا تتورع ....... الا يوجد لديك قليلاً من مراجعة حساباتك .... وبهذا وكوني عرفت أن صاحب الموضوع رجلٍ كريم سبلا ومن عزوةٍ اعتز بها وقد فاض كرمه مذبح البل ولكون غريزتي جبلت على حب الكرم والكرما فقد قررت أن اتنازل عن الاسم المذكور بطوعي وإختياري وانا بكامل قواي العقلية لا مكره ولا مجبر هنا في هذا المنتدى . فعلا الاخوة الاعضاء تنفيذ قرارنا هذا كلٍ فيما يخصة , والانتقال مباشرة إلى دعوتي باسم الابن الثاني وهو ( تركي ) <<على الله مايكون اسم ابنه الثاني تركي تيريرم وبهذا يسدل الستار على ما حار ودار نحو الاسم المذكور اما ما ارتبط بالاسم من قصائد فهي سابقة لتاريخ قرارنا هذا ولا يسري عليها القرار عملاً بالمادة رقم (56) فقرة(جـ) من نظام مصلحة التقاعد والوقف وحقوق الاخرين ................ انتهى النص محمد الصفياني ابو تركي الثاني في ورعاني ........ حيلتنا لله نعرج الان على ردود المشتركين :- سنجار بعدي على حسن حلولك .... حمزة تراه احسن من اسم مهنا فهو اسم عم النبي صلى الله عليه وسلم بس ما عندك احد بدو مسفحه اما فؤاد ... لا والله مهنا ولا فؤاد عساك ماتفيد انت ووجهك ـــــــــــــــــــــــــــــــــــــ الجافل :- يا حيف بالله هذه كلام مشرفة ((( وتبي الصراحه ماتلبق الا عليك00اما احد ثاني بهالاسم مدري والله ياشفق00)) عيب إنتقاص الاخرين ..... ماتدرين ........ هبي لها شحمة كبيرة منك والله كبيرة يا الجافل لا وبعد حطيتيني سروق على وزن اللي سرقت اسمك الله يسامحك يالجافل ــــــــــــــــــــــــــــــــــــــــــــــ سعد والله ان اللي في النت اكثر من اربع سنوات بها الاسم بس اللي يرضي شفق حاضرين له .................. يالحروش ــــــــــــــــــــــــــــــــــــــــــــــ شفق جاز الك رد الجافل طيب خذ ها الرابط وشف كلامي اللي ما رديت عليه يابو مهنا وانت عين في راس http://64.177.216.244/vb/showthread....&threadid=7430 ــــــــــــــــــــــــــــــــــــ ناصر الله يسعدك يابو موسى ـــــــــــــــــــــــــــــــ سحابة نادي نادي مثل ماودك ــــــــــــــــــــــــــــــ مقتطفات على هامش الموضوع _ لم يسبق لي التسجل في المنتديات باسم غير ابومهنا سوى في المرقاب وبطلب مني لخالد الذيابي ....... لعلمي بوجود السريع هنا لا كن ما في فكة من ها الاسم وشدة المعارضة عليه _ لا اعلم ما داعي المعارضة من اخي شفق ولكنني اعلم انه كريم والكريم يستاهل ما يرضيه _ في عطلة المدارس سوف اقوم بارسال مهنا إلى مهنا الاخر لاخذ السماوة منه وإن بغوه براسه ياخذونه _ تم التعميم على من قامة بسرقة اسم الجافل وبلغ الانتر بول ولا يزال البحث جاري اما انا فثبتت برائتي لاختلاف الموضوع _ هطلة امطار غزيرة على لبنان شملت اقليم التفاح وسهل البقاع وا حلا لاها يا الدراهم _ تمت ترقية سحابه إلى مع الخيل ياشقرا وبها المناسبة مع الخيل ياشقراء _ استغرقت كتابة الموضوع تلو الساعتين <<<<عمرها ماجت تلو هذي جديدة _ على الخير نلتقي وعلى والود نجتمع وعلى المحبة نفترق ونعود ونلتقي والسلام |
محمد الصفياني
هههههههههههههههههه اثره انت اللي ذابحني هناك ههههههههههههههه اقول ما دام اننا تهاوشنا مرتين اجل ما راح تكون اكرم مني...... ترى الاسم بيننا مشروك و كل مشروك مبروك ههههههههه ابد انت ابو مهنا و انا ابو مهنا...... ترى الدعوه مزوح تجي و تروح و انا اخوك.......... و انا يوم كتبت الموضوع هذا قسم بالله اني داري انه انت...... لكن اللي في ذاك المنتدى و الله ما كنت ادري انه انت.. و بيني و بينك و الله يا في ذاك المنتدى ان فيه ناس قامت تحفر من تحت بين ابو مهنا و شفق و انت ما تدري لكن ابشرك اخوك ذيب..... عرف يتفاهم معهم بطريقتهم الخاصه....... تحياتي لك بس تبي الصراحه و الله ان ردك كان رائع بشكل كبير...... و على فكره هذا اسلوب من اساليب الادب التهكمي....... مره اخرى تحياتي لك |
شفق
ياخوك العامل الي فوق الي معه الدرل خوذته تبي تطيح ثم تكسب اثمه اما عط الرجال حسابه ولا لاتكرفه فالقايله على غير سنع |
وش اسوي يا ابو محمد
حنا قاعدين نسوي ناطحة سحاب..... و آخرتها الظاهر ان التوقيع يبي يصير فوووووش خمس شركات الله يجيرك كلها تشتغل و لا ندري وش آخرتها... لكن عسى الله يتممها على خير...... |
هلا يابو مهنا
(اثره انت اللي ذابحني هناك ههههههههههههههه) ايه انا المقلوع اياه <<< مخلوطة على مصري ((اقول ما دام اننا تهاوشنا مرتين اجل ما راح تكون اكرم مني...... ترى الاسم بيننا مشروك و كل مشروك مبروك ههههههههه )) مابك قصور يابن روق .... والله ماينلحق لك كرم ... بس اركد ... خل اسم ها الورع اللي تلويت في ساقتي على دروبه هههههههههههه (((و انا يوم كتبت الموضوع هذا قسم بالله اني داري انه انت...... لكن اللي في ذاك المنتدى و الله ما كنت ادري انه انت.. و بيني و بينك و الله يا في ذاك المنتدى ان فيه ناس قامت تحفر من تحت بين ابو مهنا و شفق و انت ما تدري لكن ابشرك اخوك ذيب..... عرف يتفاهم معهم بطريقتهم الخاصه....... تحياتي لك)))) انا ادري انك تدري ..... وجايزٍ لي لين تأخذ علومي من راسي يابو مهنا واما هناك .... لا اعلم مادار ... لكن اعلم انك من الذين يثرون الحوار ... ويجيدون المداخلات الادبية .... وإن حدث مالا اعرفه فموقفك .... لي لا خلا ولا عدم (((بس تبي الصراحه و الله ان ردك كان رائع بشكل كبير...... و على فكره هذا اسلوب من اساليب الادب التهكمي.......)))) هههههههههههه المهم إنه من انواع الادب لا عدمتك ابو مهنا ماتشوف سنجاروه داخل غلط الله يرفع عن المسلمين مضاره تقبل تحياتي اخوك ابو تركي ههههههههههههههه |
ابو مهنا وابو مهنا
كلكم في غلا الاخوان الله يحفظكم عندي لكم شور تروكم تامرون على اسم حزام السعد ان الحين عندي اسم اطول من مذكرات تقرير اسلحة الدمار الشامل وانتم عاد سوو القرعه وعلمونا حزام لمن والسعد لمن جعل السعد ما يخطيكم دايم وانا والله ما دريت ان بينكم علوم الا الحين عموما تشاورو وافيدونا بانتيجه عساكم ان شالله العافيه |
ابو مهنا
طبعا الي احبه فيكم من يكون .........؟ لا مو انت ياشفووووووووووق.......انت شي اكثر ..... انت يامحمد كيف حالك ..يابعدي وين النااااااس.ياخه <<______________يبي يحتك ... الا على طاري الاحتكاك وش صار في العويمري خابره يحتك له سنه طلع الخيشه من ظهره ولا لا هههههههههههههههههههههههههههههههههههههههههه تراه صاحب سن داااااااااااب ذكرني بمره يقول انه رايح لنيل .....تدري ليه ياشفق الرجال يتروش وطلعو من ظهره وايت تراب ههههههههههههههههههههههههههههههههههههه لا وبعد يقولون تجينا السنه الجايه اتوقع باقي الاسمنت ....... حشا ماصار ادمي ..................مكتب مقاولات .........هو وخشته ...الي كنها جبهة سنيجير وهو في المهد ..... الا على طاري سنجار تصدق يابو مهنا ...............شعره مايرجع ورى مدري ليه اضنه حج كثير الرجال ...........هههههههههههههههههههههههههههه وطيبين يالله بالريااااااااااافه |
نايف تراني عقلت وبو مهنا وبو مهنا اثنين كلهم شرحي سرا ........... لاتخليني التفت لك ثم تصير حرب شعواء مثل الي انت خابرها وشفق خابرها ......... وش طرا عليك العويمري ياصاحب القلادي انت المشرف....... وشفق النائب ......... امحق نائب هههههههههههههههههههههههههههههههههههههههههههههههههه ههههههههههههههههههههههههه بعد يومين الا شفق ( باند )
اوكي لاتخليني التفت لك الأمور تغيرت .......ردك الي سويته لموضوع سحابه حق الي طلق حرمته عشان عنز عانه في المشرفين روح شوفه وعقل |
(m-
|
| جميع الأوقات بتوقيت GMT +3. الساعة الآن 05:51 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية