يقول من عدا على راس عالي.....محمدالأحمدالسديري يرحمه الله
 

[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يقول من عدا على راس عالي = رجم طويل يدهله كل قرناس

في راس مرجوم عسير المنالي = تلعب به الارياح مع كل نسناس

في مهمة قفر من الناس خالي = يشتاق له من حس بالقلب هوجاس

قعدت في راسه وحيد لحالي = براس الطويل ملابقه تقل حراس

متذكر في مرقبي وش غدالي = وضعقت بالكفين ياس على ياس

اخذت اعد ايامها والليالي = دنيا تقلب ما عرفنا لها قياس

كم فرقت ما بين غالي وغالي = لوشفت منها ربح ترجع للافلاس

يقطعك دنيا ما لها اول وتالي = لو اضحكت للغبن تقرع بالاجراس

المستريح اللي من العقل خالي = ما هو بلجات الهواجيس عطاس

ماهوب مثلي مشكلاته جلالي = ازريت اسجلهن بحبر وقرطاس

حملي ثقيل وشايلة باحتمالي = واصبر على مر الليالي والاتعاس

وارسي كما ترسي رواس الجبالي = ولا يشتكي ضلع عليه القدم داس

يابجاد شب النار وادن الدلالي = واحمس لنا يابجاد ما يقعد الراس

ودقه بنجر ياظريف العيالي = يجذب لنا ربع على اكوار جلاس

وزله الى منه رقد كل سالي = وخله يفوح وقنن الهيل بقياس

وصبه ومده ياكريم السبالي = يبعد همومي يوم اشمه بالانفاس

فنجال يغدي ما تصور ببالي = وروابع تضرب بها اخماس واسداس

لاخاب ظني بالرفيق الموالي = مالي مشاريه على نايد الناس

لعل قصر ما يجيله ظلالي = ينهد من عال مبانيه للساس

لاصار ما هو مدهل للرجالي = وملجا لمن هو يشكي الضيم والباس

بحسناك يامنشي حقوق الخيالي = ياخالق اجناس ويامغني اجناس

تجعل مقره دارس العهد بالي = صحصاح دوِّ دارس مابه اوناس

البوم في تالي هدامه يلالي = جزاك ياقصر الخنا وكر الادناس

متى تربع دارنا والمغالي = وتخضر فياض عقب ما هيب يباس

نشوف فيها الديدحان متوالي = مثل الرعاف بخصر مدقوق الالعاس

ونثير على البيدا سوات الزوالي = يشرق ****ه شرقة الصبغ بالكاس

وتكبر دفوف معبسات الشمارلي = ويبني عليهن الشحم مثل الاطعاس[/POEM]



محمدالأحمدالسديري يرحمه الله

[ALIGN=CENTER]



السلام عليكم ورحمة الله وبركاته


أخي الفاضل معيض

شكرا لنقلك هذه التحفة الادبيه النادرة

لاعدمنا نورك

تحياتي

ســـــــراب



[/ALIGN]

اللهم ارحمه واسكنه فسيح الجنات


ابو نوره


الله يعطيك العافيه


بيض الله وجهك ياذيبان


مشكوووووور ..............لا عدمتك



تقبل تحياتي

لاهنت يبو نوره


تقبل تحيااتى

بيض الله وجهك يابو نوره


ولاهنت

معيض العتيبي


شكـرا جزيلا ,, على نقل هذا الدرة الشعـريّة




تحيـاتي

معيض العتيبي


شكـرا جزيلا ,, على نقل هذا الدرة الشعـريّة




تحيـاتي

..

اختيار موفق لقصيدة تعتبر من اجمل ماقيل التراث ..

مودتي ..

..

ابو نوره


الف شكر على نقل هالقصيدة الرائعه من اجمل قصائد السديري على الاطلاق ..



مره اخرى شكراً على ايرادها


ورحم الله السديري..


لك فائق احترامي وتقديري ...!!