احلم على الجاهل ترى الحلم مبروك....ابن شريم
السلام عليكم ورحمة الله وبركاته
[poet font="Simplified Arabic,5,darkblue,normal,normal" bkcolor="transparent" bkimage="backgrounds/67.gif" border="none,4,gray" type=0 line=200% align=center use=ex length=0 char="" num="0,black" filter=""] يا مل عين في محاجيرها شوك= والقلب به عن لذة النوم تكاك لادك في قلبي من الهم داكوك=جاوبت طربات الحمايم على الراك عزي لحالك ياعزيز وانا ابوك = كان الزمان اللي وطاني توطاك افهم وصاتي ياعزيز وانا ابوك= دامك صغير وغاية العلم يقراك تراه ماينفعك خالك ولاخوك= لاصار ماتقضي لزومك بيمناك وربعك الى بان الخلل فيك عافوك=اقرب قريب لك من الناس يشناك ان كثر مالك اصدقولك وطاعوك= وان قل مابيدك شانت حلاياك لو تطلب الما عندهم كان ما ا سقوك = ابعد مزارك عن وطنهم ومرباك وان طاب حظك اصدقولك وحبوك = وان بار بك كل مايبي غير فرقاك وهراجه المجلس الي جيت وروك = منازل تطرب نظريك بدنياك والي قضوا منك اللوازم وخلوك = تفرقوا وانت احتمل كل ماجاك كنك سراج البيت للنور شبوك =والي انقضي اللازم حدا الربع طفاك ولاكما ليمونه الحمض مصوك=والي قضي منها الطعم مزغو ذاك واللي يجي من رفقته ريب وشكوك =احذر عنه ليا ك تصحبه بمسراك والي جفوك اهل الوطن واستخفوك =قلع غريسك منه واهدم ركاياك تراك لو ترجع على الرجل صعلوك =احسن من اللي تلتجي به وياطاك وعطهم حقوقهم الي منهم جوك =واغلق ضميرك لاتعلم بقصاياك ان طبت ماحبوك وان عبت زلوك =تمضي حياتك ناقل داك برداك والي نفوك من الوظيفه وعافوك =خفت موازينك وكل تهقواك واصحي لخلان الرخا لو تغالوك =اعرف تري اطيبهم الي احتجت يجفاك كنك خوي امقيط دهووك واغووك =وحقك عطاك ارشاك واقفا وخلاك واحذر عن العيلة تري الحق مدروك =مثل العمل يدركك ما منه فكاك وان كان عدوانك علي الضيق حدوك =فاخصم طلابتهم بعجفاك وقداك وان كان هم لمشرف الحق ماشوك =ناظر مطاليع الفرج قبل مبداك وان طاوعوا شيطان الانفس وهانوك =فاصبر علي البلوي ودفنك رزاياك زرهم تراك الياتونيت زاروك=اما بديت لصاحب السو بيبداك مادامهم ماطاوعو لك وعرفوك =اضرب علي الكايد الي عمست ارياك لو هذبوك من المصاوب وضدوك =مايذبحونك قبل تدني مناياك واحلم علي الجاهل ترا الحلم مبروك =وقم للضعيف اللي من الظلم ينخاك وادمح خطا جيران بيتك ولو اوذوك =تري القصير وحرمه الجار بحماك عطهم رواتب حقهم لو تناسوك =في كل ما يصلح لدينك ودنياك وقم للضيوف اللي عنولك وضافوك =اغلا كرامتهم حجاجك وبشراك واعرف تري مالك من الضيف مشروك =لولاة يطلب حاجته منك ماجاك وقم للرجال ان رايعولك وحبوك =واحشم خويك واكرمه عند ملفاك ولاتبات بهم دنياك مضنوك =ماطاب لك مادام لك وافتهم ذاك لو يطلبون اخفايك الناس مااخفوك =الرجل مثل النجم في كل الافلاك وصلاة ربي عد الاوراق والشوك =او ماناض براق وماهل سفاك علي الذي مافيه ريب ولااشكوك =محمد مادك بالقلب دكاك الشاعر /سليمان بن شريم [/poet] |
تـراه ماينفعـك خـالـك iiولاخــوك.....................لاصـار ماتقضـي لزومـك بيمنـاك
الغالي ناصر صح لسان القايل وسلمت يد الناقل قصيده فيها من النصح ماالله به عليم منهج شكرا لك ولاختيارك |
ناصر الحماد
لا هنت وصح لسانك ولسان ابن شريم ادب ونصيحة وموروث اصيل تقبل تحياتي |
ابو زيد
مشكور على مرورك واطلاعك تحياتي |
الغالي/سعد البقمي
الله لا يهينك مشكور على مرورك واطلاعك تحياتي |
الغالي ناصر ...
اختيار موفق لـ قصيده مليئه بالحكم والنصايح .. الف شكر لك .. |
حكم
درر نصااايح قصيده ،، أرى ان حفظها مهم لكل انساااان مشكوووووووور عزيزي على إيرادها هنا ولك كل التقدير |
سلمت يانااصر
صح لساانك ولسان الشاعـر /سليـمـان بــن شـريـم تحيااتى وتقديري لك |
ناصر الحماد
صح يمناك ولسان بن شريم عز الله انها وافيه وشافيه لاهنت على النقل والاختيار تحياتي |
جميع الأوقات بتوقيت GMT +3. الساعة الآن 08:41 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية