لفيف من شعراء المرقاب
اجتمع في ليلة خميس هذا الأسبوع لفيف من شعراء المرقاب بالمنطقه الشرقيه ودولة الكويت الشقيقه بمنزل محدثكم بمدينة الخبر في لقاء ضم كلٍ من الشاعر فارس العصيمي والشاعر سداح والشاعر محمد الدهيمي والشاعر الأستاذ شالح العجمي والشاعر ضاوي العصيمي والعديد من متذوقي الشعر ومتابعي منتدى المرقاب. اللقاء كان مناسبه اصر الجميع على انتهازها للألتقاء والتعارف وتبادل الآراء ووجهات النظر . وبسبب ان هذا اللقاء قد اتفق عليه في عجاله فأنه لم يتسنى لنا الأتصال بكلٍ من شفق السريع وناصر الحماد وعبد اللطيف الغامدي والكثيرين رغم الكثير من محاولات الأتصال. الا ان ذلك لم يثني كلٍ من الشاعرين عبد اللطيف الغامدي وناصر الحماد عن الأتصال اثناء هذا اللقاء وأبداء دعمهم المعنوي لكل ما يجمع بين اعضاء ومرتادي هذا المنتدى الشامخ.
من ضمن ما نوه به في هذا اللقاء هو ان هذه اللقاءات ضروريه بين الأعضاء خصوصاً ان معضم هؤلاء الشعراء لم يروا بعضم البعض من ذي قبل. وأن الحاله السائده ان الكثير من الأعضاء تربطهم علاقات حميمه ووطيده من خلال الشبكه ولا ينقص هذه الصداقات الا ان تتوج باللقاء والعناق. كما تطرق الحضور الى هوية المنتديات الشعبيه وبدا ان الجميع متفقون على ان هذه المنتديات لا تخص فئه معينه من الناس عن غيرهم ولا يجب ان تنحصر مهمة المنتدى الشعبي على الدفاع عن شخص معين او قبيله معينه وانه من مهام الشاعر الأولى ان يبتعد عن الشلليه لكى يوفي هذا الموروث حقه بعيدا عن الأمور الشخصيه. اللقاء تخللته امسيه مصغره اثراها الشعراء الحاضرون بأروع ما كتبوه في النظم بألقاهم انفسهم وبدت عليهم علامات الغبطه والأعجاب لما سمعوه من اقرانهم. التقطت العديد من الصور النفيسه لهذا اللقاء من خلال كاميرا الجهاز المحمول الا انه تبين انها لم تحفظ بطريقه مناسبه وكانت خساره حقيقيه لم يكتشفها المصور الا بعد فوات الأوان. نأمل ان يتكرر هذا اللقاء وان يجمع الكثيرين من الذين نقرأ لهم ونتمنى ان نراهم والله من وراء القصد. اخوكم عامر عمار |
حي هالوجيه
الله يجمعنا وياكم على العز والطاعه جمعتكم كلٍ يتمناها بيض الله وجيهكم تقبل تحياتي ياعامر |
كفو والله يبو عمرو
اجل فاتتنا الامسيه ونعم بالجميع لكن لازم نسجل لهم موعد فى دفتر الزيارات تحيااتى للجميع |
الاخ عامر
عز الله ان الفرصه فاتتني انا شخصياً لعدة امور اولاً لقرب المسافه بيني و بينك ثانياً هناك اسماء كنت احتاج ان اراها و اتجاذب معها الحديث لكن العوض في المقبلات الله يجمعكم على الطاعه انشاء الله اخوكم |
على العز
دوووووووووووم اسماء مميزه اجتمااااعها ولقاءها مكسب لك يابو عمرووو كل التقدير وعساك على القوووه |
اسماء مميزة
واجتماع على العز ان شاء الله في محل كفو وان فتنا ذا ما فتنا غيره بامر الله تحياتي |
ابو عمار
عز الله انك ما قصرت يالنشمي , وان القصور من الاتصالات الله يتقاضالي منهم ... والله اني نكدت على خويي يقول حداق قلت الله يجعل بقعا تحدق بك فوتنا بحور وتقول حداق....teeth:teeth: لا شك اني فقدت الكثير بعدم تمكني من الحضور والله يجمعنا على الطيب ويعوضونا الاخوان بزياره ثانيه تحياتي للجميع |
إجتمااع مميّز ..
لرجالٍ مميّزين .. في محل رجلٍ مميّز ... إذاً كل شئٍ متميّز ، عاداتك يابو عمرو ، دائماً ما تتوق للعلوم الغانمة ، لكن والله ما حسّفني غار التخيتير يوم إنه جاء عند إذني هنيا ولا واجهته ، بدون قصور في جميع الأخوة الحضور ..........؟ حزام السعــــــد : وش معنى الكلمة الحمراء لو سمحت . لأنني غبي لآخر درجة ياخوك.؟. 7 7 7 7 7 7 7 7 والله اني نكدت على خويي يقول حداق قلت الله يجعل بقعا تحدق بك فوتنا بحور وتقول حداق |
مجتمعين على الخير دايما
تحياتي للجميع |
اقتباس:
عشير الغانمين.................ماتعرف الحداق ؟ الحداق ...........بس ماتقولي ملقوف ................ايه هو........القنص في البحر ..........يعني صيد السمك فهمت والا اعيد ................سوى فيها فضل تحياتي |
ابو عمروا
سعيد بسماع اخبارك وعلى الطيب انشاءالله دائما ياعامر المرقاب (ros- |
اقتباس:
جعلني ما أبكيك يا بعد تسبدي ، |
[ALIGN=CENTER]السلام عليكم
اجتماع رائع لشعراء رائعين وعاداتك يا ابو عمرو تجمع اللحوات الغانمه وعساه محلٍ على اسم راعيه ولا يخلى بس الله ينتصف لي من كاميرا الجهاز المحمووول .. اجل هي السبب؟ اهااا يارجال يوم انا في المجمعه ما ابتلشت مفزعٍ لك رجال ومزنده ام خمس اللي عليها الشايب .. تقول تجيني هالحين بكاميرا وفلم .. وفي الخبر يعني ماقدرت تصرف؟؟ الا وش غير هالعذر يا ابو عمرو <--- نشب لعامر:) عموما لاهنتوا وبيض الله وجيهكم على حرصكم الغير مستغرب منكم .. انتهى,, ======== خاص بـ شفق السريع وشلونك يا ابو مهنا؟ اجل ودك انك حضرت الاجتماع ؟؟ يارجال لعن ابو خبري بس .. كن عيني تشوف بتجلس تناقشهم ومحططططط بالخيزرانه على الفرشه لين يا اما تشرقهم بغبرتك او تقطع الفرشه بتمسيط الخيزرانه ... بندر بن منصور الله يذكره بالخير النقاش اللي دار بمجلسه ذيك المره ماجاء عليه بخير .. اللي اخذه من نقاشك انه غير فرشة المجلس وجاب جديده بعد مالعبت بالقديمه بالخيزرانه .. تعميم للعموم اذا احد سيّر عليه شفق وهو ماسكٍ في يده خيزرانه ومسوي انه شاعر محاورات ... لا احد يسمح له بالدخول تراه دمااااار هو وخيزرانته انتهى ,,,, ================= عشير الغانمين وشلونه يا ابو كاسه؟:) عساك بخير ؟ ماعليك من ناصر الحداق هذي اكله صوماليه وتعتبر هي الطبق الشعبي في موريتانيا (sha872- (cry- انتهى ,,,,,,,,,,, =========== اعذروني مبطيٍ من الديوانيه وقطيت مع عامر بموضوعه بامان الله go:[/ALIGN] |
اقتباس:
:rolleyes: من طيب هالذمّة ؟ ألاّ هالحين أنت ماتعلّمني ، وش تبا بموضوع الرجّال ؟ قاطٍّ معه! يامال والله المشعاب اللي يقطّك مع جلعود الرقبة! خلاص مبطي عن الديوانية ، حط لك موضوع جديد ولا تضيّق على المسلمين teeth::mad: |
هههههههههههههههههههههههه
هههههههههههههههههههههههه ما عليك يا عكاشه ما دام خيزرانتي من الفرش و جاي هواين... و تراها خيزرانة رخمه خبطها مغار من الفــِــرش و جاي ما تروح بعيد... الله من واحدٍ تلها من يدي و وسدها ضهري... الله يجيرك و بعدين يوم انك مرتحلٍ مواضيع المسلمين و كل ما لقيت لك موضوع قطيت فيه وش امر الله علاك.؟؟ عسى و الله يقطك المشعاب على وسق الفطحه ههههههههههههههههههههههه |
الله من واحدٍ تلها من يدي
و وسدها ضهري... الله يجيرك ههههههههه شفق : وسّدها ؟ وألاّ وسّقها؟ المهم المعنى واحد .. مار أنت يمكن تستاهل المصط! ههههههههه قل آمين قله. الله يصلّط على عكاشة:) |
اهلا عشير
لا طال عمرك الا وسدها ظهري يعني خلا ظهري وسادةٍ الها طال عمرك... اما اللغه الكشـبـــيــّــه ( وسّقها ) انا ما اعرفها.... <<<<<<< يبي يتملــّــص من اللغه الكشبيـّـه |
اقتباس:
حنا يالجهاميـين teeth: نقول وسدها .. عاد انتم يا اهل كشب قولوا اللي يعجبكم مالنا شغل فيكم بس مسألة انكم تتدخلون في لغتنا يا اهل جهام وتبون تورونا انكم افهم منا.. وتبون تتحكمون فينا معصي وقطعةٍ من لا <<<< قط مع شفق بجهام:p ما عادهيب الدعوى قطية موضوع .. الدعوى وصلت لمراحل الاستبداد وحب التسلط :) الحذف وصل المعقل .. واحس ان فيه تهديد للقوميه الجهاميه .. لكن نحن لها اما النصر او الشهاده .. والظاهر انهن ماهن بـ حاصلاتن كلهن (m- اذا احتجتني ياشفق عندك يدك تراني قررريب؟ لعن ابو خبررري ياشفق والله ان كني اشوف.. تبي تحووص واثرني اقلب راسي الحالي في مواجهة الشنب ابو كاسه(m- |
| جميع الأوقات بتوقيت GMT +3. الساعة الآن 01:34 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية