الليلة في تمام الواحدة..شفق السريع يحصار مطر العضياني في لقاء مباشر
[ALIGN=CENTER]زوار واعضاء المرقاب الكرام
كل عام وانتم بخير[/ALIGN] هذه فقرة استحدثناها لنتعرف عن قرب عن اعضاء منتدانا في حوار مباشر بين اثنين من اعضاء المرقاب..يقوم احدهما بطرح 15 سؤال ..للعضو الاول حرية طرحها وللثاني حرية الاجابة عليها.. هي اسئلة متنوعة...ثقافية ..مشوقة..ترفيهية.. الغرض منها زيادة اواصر التقارب والاخوة وهي سمة تميز بها اعضاء منتدانا ولله الحمد.. وفي تمام الواحدة بعد منتصف الليل.. ان شاء الله سنكون مع الصحفي شفق السريع والذي سيحاصر بأسئلته الشاعر مطر العضياني في وقت لن يخلو من المتعة والاثارة... |
[ALIGN=CENTER]بسم الله الرحمن الرحيم
و به نستعين و لا عدوان الا على الظالمين و نصلي و نسلم على سيد المرسلين النبي الامين و سيد الغر المحجلين و كل عام و انتم بخير ^ ^ ^ ^ ^ ^ ^ شكله يبي يقلبها خطبة جمعه نحييكم في ليله رمضانيه مرقابيه عاميه <<< هذي الاخيره نسبةً الى المرقاب العام و نتمنى ان نقدم لكم حلقه جديده من برنامجكم المفضل ( مواجهه ) كذلك اتمنى ان يكون الاخ مطر العضياني في جاهزيته التامه.. و مستعداً لليل الاسود الليله... لانه ليلٍ ما فيه مسرى .. و هذا وجهي ان ما لعنها من طرقه حياكم الله يميع<<< بالكويتي و بالسعودي يسيح و اللي ما عنده خبر عن شروطي .. يروح للقاء اللي البارحه بين فارس العصيمي و نايف بن عيفان.. و يشوف شروطي هناك... حياك مطر [/ALIGN] |
ما تلاحظون اني على الوقت جاي..
الساعه وحده يعني الساعه وحده...... و الله ان شفق ساعه ما شاء الله عليه..... شوفو بدايتي في ردي اعلاه |
ماشالله عليك
المهم ابتدوااااا |
هذا انا لي ساعه مبتدي......
بس هو وينه يا الجافل....... و الله الظاهر انه جفل مرةٍ وحده |
الأستاذ / شفق
اللقاء البارح بين فارس وسعد الشيباني مهوب نايف عيفان وأثرك من البارح تطامر وتصايح وأنت ماتدري وش السالفة !!!!!! بعدين شروطك اللي البارح قلتها موجودة ياسعادة اللأستاذ 1- ممنوع الدخول من جميع الاعضاء .. و خاصه اللي يجي يتميلح... ترى ما عندي نكت و ضحك.... 2- الرجال اللي يبي يوافق اني اسوي معه لقاء.. يتحيزم من هالحين.. و لا يلوم معيض او ادارة المرقاب .... 3- ترى اسئلتي ثقافيه بحته و تاريخيه بحته يعني لا يفكر اني ابي اسئله عن المرقاب و اعضاءه.. يمش بووووووووزه.. يعني يا يطلع مثقف يا يطلع ميح قدام الاعضاء... 4- تنكيت مع العضو اللي اسوي معه اللقاء ماكو <<< خالد الذيابي ماهوب احسن مني.. حتى انا اعرف لغات....... و اعرف اتحجا جويتي.... خخخخخخخخخخخ تحياتي والله يعين مطر على مقابلتك |
اشكر الجميع ونتمنى ان نقدم مايطمح اليه الأخوه والأخوات في مرقاب
الجميع00 شفق السريع اهلآ بك وانا جاهز تفضل!! |
يا مرحبا يا ابو مقبل
كلامك صحيح كان مع الشيباني بس الظاهر ان الكبر شين يا اخوك على العموم حياك الله يا ابو مقبل تحياتي |
فارس
والجافل مرحبآ بكم وحضوركم يشجعني على مقابلة هالوحش>>>من هالحين خايف!! فارس خللك قريب تكفى يافارس |
صباح الخير ياابو مهنّا
وصباح الخير يامطر وصباح الخير للجميع وعساكم على القوه منتظرينكم |
السلام عليكم
احببت استقل هذه الفرصه لكى اعبر عن راى بكل صراحه ليله رماضانيه جميله مع اخوه لهم مكانتهم فى ربوع منتديات المرقاب الشامخ اتمنى لكم التوفيق |
شفق تبي تسأل والآ أسأل انا!!!!
محمد الدهيمي سحايب صيف هلا وغلا تحياتي لكم |
الظاهر ماأعد الاسئله00لاحول
اقول مطر ماعليه00اصبر اشوي |
يا مرحبا يا مطر العضياني
و استلم الاسئله بالتدريج س1 - اين تعمل ؟ و ماهي طبيعة عملك الاصليه؟ س2 - ماهي شهادتك العلميه..؟ و ماهو تخصصك اذا كنت جامعي؟ س3- ماهي هوايتك المفضله؟ و هل انت من الذين يجيدون لعبة البلوت؟ س4- ماهو النادي المفضل لديك؟ و هل سبق و ان حضرت مباراه لمنتخب السعوديه في الاستاد الرياضي؟ س5- ماهي سيارتك ؟ و ما موديلها؟ و ما لونها؟ و منذ متى اشتريتها؟ يا الله جاوب على المجموعه الاولى.. و الله يعينك على اللي بعدها يا ابو صالح هذي مقبلات فقط.. حتى تفتح نفسيتك للقاء .. اما الاسئله اللي اسمها اسئله ما بعد جاتك...... حياك ابوي |
يالجافل جيبيله ماء
تكفين!! نشب لسانه في حلقه<<<<ههههههه |
السلام عليكم
ابو مهنا مطر كل عام وانتم بخير الله يعينك يا مطر ........اعتبره تحقيق وليس لقاء مير اعترف بكل شي .........ترى شفق اقشر ويبي ينشبك مع خلق الله اكرر الله يعينك يا مطر يبيها تشتعل حرايق .............ناوي قشر تحياتي |
مرحبا يا ابو عبدالله
هلا وغلا يا ناصر ابشرك ما يحتاج تشبها شابةٍ حرايقها من البارح |
لاحول
ترى المطافي قريبه 0000 مطر00وينك طولت |
س1 - اين تعمل ؟ و ماهي طبيعة عملك الاصليه؟
_____________________ ج1_مرافق مع احد افراد الأسره السعوديه الحاكمه اعزّهم الله //محاسب مالي برئاسة الحرس الوطني شئون الأفواج س2 - ماهي شهادتك العلميه..؟ و ماهو تخصصك اذا كنت جامعي؟ ________________ ج2_شهادتي العلميه خريج جامعة الملك سعود بالرياض//ادارة اعمال س3- ماهي هوايتك المفضله؟ و هل انت من الذين يجيدون لعبة البلوت؟ _________________ ج3_هوايتي المقناص//نعم اجيد لعبة البلوت س4- ماهو النادي المفضل لديك؟ و هل سبق و ان حضرت مباراه لمنتخب السعوديه في الاستاد الرياضي؟ _______________ ج4_ومن غيره الأزرق(الهلاااااااااااال)//اي استاذ رياضي هذا سؤال ناقص؟؟ س5- ماهي سيارتك ؟ و ما موديلها؟ و ما لونها؟ و منذ متى اشتريتها؟ _______________________ ج5_ جيب تويوتا00موديل2000م00ابيض00منذوا ثلاثة اشهر تقريبآ استلم ياشفق الله لايهينك<<<<< وترفق علي تراني صديقك!! |
هلا بناصر الحماد وغلا
الجافل حددي موقفك!! انتي معي والآ مع شفق!! وراااااااااك شبيتي علي تحياتي |
لاحول
انا معك00بس ماابيك اطول00عشان شفق مايعلق اكتب بسرعه |
زانت علومك يا مطر
سؤال ناقص هاه؟؟؟؟؟؟؟؟؟ يعني لازم احدد اسم استاد رياضي يا محمد البكر؟ اي استاد رياضي ياخي.. المهم انك حضرت له في الملعب,, لعبو براسك ولد هاص....... ما علينا المجموعه الثانيه من الاسئله: س6- ماهي الغزوه التي خاضها النبي عليه الصلاة و السلام و كانت في شهر رمضان؟ س7 - في عهد من عهد الخلفاء الراشدين تم فتح الشام؟ س8- من الذين قتلوا الخليفه الراشدي عثمان بن عفان رضي الله عنه؟ هل هم اهل مصر ام اهل العراق؟ س9- معركة الجمل ( معركه تاريخيه ) كانت بين من و من ؟ و لماذا سميت بمعركة الجمل؟ س10- موضوعك ( شاعر من المرقاب ) ماهي الفكره الاساسيه منه؟ السؤال العاشر شكله خاش غلط ..... لاني خايف ما تجاوب على اللي قبلها ,, و شينه ما تجاوب على مجموعه كامله من الاسئله.... خخخخخخخخخخخخخخخخخخخخخخخخخخخخخ هذا لانك قلت نشب لسانه في فمه....... يالله جاوب:mad: |
| جميع الأوقات بتوقيت GMT +3. الساعة الآن 12:29 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية