منتديات المرقاب الأدبية - عرض مشاركة واحدة

06-12-2008, 04:42 PM

ياللي علينا تشكي الهـم ، وتهيـم
في وادي هموم الزمـان العظيمـه
إضحك لو انك تونس الغبن والظيم
كم فالحياه من انفـس ٍ مستظيمـه
الوقت يمضي وانت مع همك مقيـم
مستسلم ٍ مامعك صبـر وعزيمـه
الـرازق الله والعطايـا مقاسـيـم
ولا تقتنع غير العقـول الحكيمـه
الضحك برق وخافي همومنا غيـم
وكم ضحكة ٍ شالت عن القلب غيمه
ومن يشتكي جور السنين المعاتيم
يلقى الامل طب النفوس السقيمـه
لولا الأمل بقلـوب نـاس ٍمظاليـم
ماتوا قهر من حـر نـار الظليمـه
ولولا الأمل مابيع شي ٍ ولا سيـم
ولولا الأمل ماكـان للعمـر قيمـه
جوّد أملك ، وحطّم الياس تحطيـم
واحسن عملك ، وسد باب الهزيمه
ولله ربـك سلـم الامـر تسلـيـم
تسلم وتحيـا فـي حيـاة سليمـه

عز الله إبداع يا ضيف الله
صح لسانك مليون × مليون × مليون
و كما ذكرت لولا الأمل ما كان للعمر قيمه

أخوك/محمـــد ال عبـــدان