السلام عليكم

وكل عام وانتم بخير وسلامة ..

قصيده جديده اتمنى ان ترتقى لذائقتكم ..

::::::::::::::::::::::::::::
[poem=font="Arial,4,black,bold,normal" bkcolor="transparent" bkimage="" border="groove,4,gray" type=2 line=1 align=center use=ex num="0,black"]
يا هاجسي لا جيت يا مرحبا السـّاع = من خاطر ٍ يفرح ليا من لفيته

وأشلون ما افرح وأنت ملهم للابداع = ومثلك ينومسني ليا من دعيته

صوغ الدرر لا جيت يا سبع الاسباع = وترجم شعور القلب لامن قريته

القلب ممـّا شاف يا هجس ملتاع = والفكر متشتـّت من اللــّي رأيته

واقلبي اللــّي مل من كثر الأوضاع = واعيني اللــّي فالسـّهر مستميته

الطـّيب فالانذال لو ضاع .. ما ضاع = عند الرفيق اللي ليا من نصيته

ألقاه لامن ضقت من بعض الاوضاع = لا يا بعد من تجهل الناس بيته

الطــيــب مـاهــو سلعة ٍ عــند بيّاع = إلـيا بغيته من رصيدك شريته

الطيب زرع ٍ نابت ٍ بين الأضلاع = يموت في قلبك إذا ما سقيته

تسقيه بالمعروف والصاع بالصاع = يعطيك كثر اللي بوقتك عطيته

والطـّيب آخير امن الردى والمثل شاع = وحبّيت اجدّد له بقاف ٍ بنيته

والمرجله مهره ولاهي بتنصاع = الا لـمــن فــالــمــرجله ذاع صيته

على الردي ابعد من النجم للقاع = وللطيـّب اقرب من مخابي جكيته[/poem]
::::::::::::::::::::::::::

وسلامتكم

اخوكم / حسن بن علي الهاجري