|
برجك العاجي !!!
كل عام وانتم بخير ,, وايامكم سعيدة
ابيات للتواصل ,, اتمنى ان ترتقي لمستوى ذائقتكم
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
على الدرب الطويل ووحشة المسرا وثقل خطاي = قطعت الصمت في حد الكلام .. وصمتي سياجي
وقفت .. وطاح دمعي .. وانتثر حبري على شكواي = تذكرتك .. وانا مالي سواك وجرحك علاجي
حبيبي وان بدا ليل الجفا ماتنقطع رجواي = ولو علّيت نفسك في سماك وبرجك العاجي
تخيلتك نهاية رحلتي .. لو غربتي مرساي = وغرقت بموجك الهايج مثل ماغرقت امواجي
تساومني على عمري وتكسر فالعتب يمناي = وتشعل ما بقالي من شتات وتطفي سراجي
حبيبي لا تعاتبني على لحنً بكاه الناي = انا قلبي حزين ولو ضحك من شوفك حجاجي
وإذا الحلم انكسر من قسوة الواقع وضاع الراي = تذكر عنوتي يوم آتعنا وأرجع ادراجي
تذكر يوم اغني لك قصيدً شال من مغناي = بقايا فرحتي بك يوم كنت لوصلك الراجي
انا لو ضعت بك ماضاع بك يا غايتي معناي = تنهّدك القصيد .. و طار بك في ليل معراجي[/poem]
..
|