قصايد البدايات
اتمنى ان تتقبلوها
واحد
1
ياقلمي تجرح ورقك ولاتبالي=لين تملا فالزراق البيض مره
حبركـ.. اشبه للبحر يابن الحلالي=كم عشقته عشق لو منّه مضره
والسمــا لونك وهي لعبة خيالي=ودي ابحر وسطها لآخر مجره
شفت قدرك مكبره في وسط بالي!=يوم غيري ماحسب لك ربع ذره
وازبنك لامن جرحني شخص غالي=بيني وبينك اعاتب وآتشره
ليت لي صدرٍ على ضيقه شمالي=عن كلام الناس لامن ضاق أزره
وليت لي بالٍ عن الهوجاس سالي=كان مالي بالشعرخيره وشره
لكن الدنيا نزولٍ وارتحالي=كل حزنٍ مابعده الا المسره
ياسلاح الوقت مافيها مجالي=كل سطرٍ فالورق لازم تمره
طالبٍ خوتك في عتم الليالي=تقطع الفرجه معي والليل سرّه
اكرب حزامك مدام الصرف غالي=تب تجي وايامنا كره وفره