السلام عليكم ورحمة الله وبركاته


بويتاتن طرت وجرت في وفاة جدتي رحمها الله ..



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سبحانك اللهم واستغفرك يالرب الجليل = ياعالم بدعوى الخلايق سرها وإعلانها

تقدست أسماءك ولا لك شبيه ولا مثيل = رب السموات السبع والارض يارحمانها

تقضي قضاك ولا لنا عن ماقضى امرك محيل =والنفس لولا رحمتك مايستكن إجنانها

اجود من جودك وانا ماملك كثير ولا قليل = الا الهجوس اللي بصدري تشتعل نيرانها

لو الكلام اضحى من البارح على لساني قتيل = ماكني اللي يطرق بيوت الشعر واوزانها

هذي هي الدنيا ولا عقب المقام الا الرحيل = ياكم وكم من ديرةٍ اضحت خليّ سكانها

الموت يمضي فالرقاب اسرع من السيف الصقيل = الله يعين اهل النفوس الصابره بإيمانها

يارب الهم عبدك السلوان والصبر الجميل = فقيدته بين الضلوع الحانيه مسكانها

أخذت ثمان ليال ماتقدر تحط ولا تشيل = على كبر فالسن قد هد المرض أركانها

تغيب مع زود المرض وتفيق يالليل الطويل = ولا تهذي الا بالصلاه الواجبه واذانها

كنها تقول الادمي في دنيته عابر سبيل = من واقع اللي شفت لو ماقالته بلسانها

تعبت ووافاها الاجل مابين يوم وبين ليل = يالله تغمد روحها الجنه وتعلي شانها

عنها انقطع شوفي ورى نصايب القبر المهيل = ياشيب عيني والمئاسي شرعت بيبانها

ماهي فقط ( جدة عرب ) الا ( أم ) والحايل يحيل = بالخير عند عيالها مذكوره وجيرانها

ماعاد معنا الا دعاء اللي على خلقه وكيل = ولاخير في ناسٍ ماهي إتبر في شيبانها

الادمي لامات ماعنده حصيلٍ من حصيل = الا الثلاث اللي ورد عن النبي بيانها

علم وولد صالح وثالثها مايبغاله دليل = اللي إصدقاته جاريه ماينتقص ميزانها

وختامها ندعيك يالله كل صبح وكل ليل = إنك تغمد روحها الجنه وتعلي شانها[/poem]



وسلمتو,,