الشرايد تزدحـم والفكـر صافـي
ما بقى لي غير ترويض الصعيبـه
والأدب وافي وانـا رجـال وافـي
يعتني بي كل ما قمت اعتنـي بـه
الهزل يظهـر وتسفيـه السوافـي
والجزل يبدا شبابـه مـن مشيبـه
تمشـي الايّـام وتبيـن الخوافـي
ما لأحد صدّه عن امواجه نصيبـه
لي زمان اغفى وانا مانيب غافـي
وابعـد الهقـوات وتعـوّد قريبـه
الصدور تشـاف والا مـا تشافـي
الحلـوق اترجـم النفـس المريبـه
ان وقفت أسرفت وان طحت امتعافي
ما حسبت حسـاب للذيـب وقنيبـه
الرجل لا صار يسمع كـل هافـي
راحت الدنيـا ولا عيّـن صحيبـه
والردا ثوبٍ لجسم الـلاش ضافـي
والمكارم للرجـل حشمـه وهيبـه
أحترمت اسمي قبل طرقي وقافـي
تربية من كل ربعـه تعتـزي بـه
الأكيد اني ما احب انظـر خلافـي
والغريب ان اغلب العالـم غريبـه
يالسنافي خـلّ صاحبـك السنافـي
لا ترد العلـم فيـه .. ولا تجيبـه
ذمّة الطيّب من الناقص .! عوافـي
وذمّة الطيّب من الطيّـب مصيبـه
الله اكبر الله اكبر الله اكبر الله اكبر
اقسم بالله انها فوق الوصف
للداهيه ناصر مناحي
|