[poem=font=",6,tomato,bold,normal" bkcolor="transparent" bkimage="" border="groove,4,silver" type=2 line=1 align=center use=ex num="0,black""]



الحقيقه غير يا قلبي وانا=خاف لا اصحيك والواقع مرير

نام نام ارجوك في صدري هنا=بين ضلعاني ترى قدرك كبير

وآه ياقلبي وش احساسك جنا=غير حزن انسان في صدري كسير

يشرب الضيقه وإذا ليله دنا= مجّها في داخلي وامسى سهير

طيبتك ياقلب هي سر الغنا=لاتظن باسبابها تصبح فقير

اتباع الناس بالباطل عنا =وانخداعك بالبشر مافيه خير

البشر أنواع والدّنيا فنا=والشهيق يعاكسه صوت الزفير

كم تهدّم برج بالعالي بنا=وكم بنا له مجد بالزور الحقير

وكم تبعنا طبع خالف طبعنا=والتزمنا الصمت والموقف خطير

كل شي صرنا نشوفه ضدنا=وافتقدنا الصدق والسيف الشطير

ياخسارة مامضى من مجدنا=تكثر الطعنات لا طاح البعير

وش يفيدك كان أو قولة لنا=في القديم انسان تاريخه مثير

انتهى ماعاد له رجعه هنا=يادماغ اعمى وتفكيره ضرير

بي عطش للما يبلل ريقنا=وافتقدت النبع واسمع له خرير

في زمن ماعاد نعرف رشدنا=الأسد غايب و تسمع له زئير

وآه من قلبي ويا همي أنا=للحزن مابين ضلعاني هدير

كم وكم ياما وياما ودّنا=نفتح الأفواه ونقول الكثير

نام..نام ارجوك يا قلبي هنا=وسط صدري ياعسى بالنوم خير

[/poem]