[align=center]
العشق فلاحه سـرح مـن بـدري
فجر وهجيـر ونظرتـه مكسـوره
ماكنه اللي كـان يـزرع صـدري
ويسقيه من دمه ونبـض اشعـوره
مابين جبر اللي بقاء مـن كسـري
اوكسر قلبـي واستباحـت سـوره
يزرع على ساقـي بقايـا عمـري
عمره وجنه مـن ربيـع ازهـوره
ويقص غصن(ن) في حيا تي مبري
مكسور ومشـرد منـه عصفـوره
حطاب همي من غرس لي صبـري
وامطر عليه من دمـوع اسـروره
لو مغربـه يعنـي نهايـة فجـري
اموت مانسي وقفتـي المشهـوره
ادري وهو مثلـي بحالـي يـدري
كل الشـوارع والمـدن مهجـوره
من غير لانكلـم ويسمـع عـذري
يقول : ( تبشر غلطتك مغفـوره )
خطاك قطره وارمهـا فـي بحـري
ودمع الندم عن حجة (ن) مبـروره
من طهر قلبه يـا فخامـة قـدري
ما ضاع صوت ولااحترق لي صوره
لان عفـوه يانصـايـب قـبـري
..الشمس تعكس للخلايـق نـوره
والغدر ما هو ريشة (ن) في صقري
الغدر من طبـع البحـر واطيـوره
اكتب ومن واقـع حياتـي شعـري
الحرف دمعه والهجـوس ابحـوره
ولو القصايد عبرت عـن شكـري
ماقلت انا المبدع وانـا الاسطـوره
لان شعري واعرفه مـن صغـري
احساس صادق يحتـرم جمهـوره
وياعشق فلاحك سرح مـن بـدري
فجر وهجير ونظرته مكسـوره00
الله الله الله
الله الله الله
صح لسااااااانك
ياعبد الإله
استمتعت
وأُطربت
باالإبداع هنا
دمت بخير
وفي حفظ الرحمن ....
*********[/align]
|