أنـا شاعـر و الشعـر مـا أضيـع طـروقـه
ليـا ضـيـع طـروقـه غشـيـم و قـصـادي
أصـون الكـلام اللـي لسانـي نطـق حـرفـه
و أداري علـى معنـاي مــن كــل نـقـادي
سلامي على أهل الملتقـى اللـي شهـر ذكـره
ســلام لعـكـفـان الأشـانـيـب يـنـقـادي
عدد مـن يقـول ( الله و أكبـر ) علـى الملـه
و عدد مـا يلـوح البـرق .. و يحـن رعـادي
على اللابـة اللـي تكسـب المجـد فـي حلـه
لـيـا رز للأمـجـاد .. سـاعـة و معـيـادي
هل المدح في الماضـي .. و عنوانـه الحاضـر
مقابيسـه اللـي مثـل نـور القـمـر بــادي
بنـي عمـي اللـي ذكرهـم مــا يخجلـنـي
يسيّدني .. و يفرق بـي .. فـجمـع الأسيـادي
زحـازيـح يــام محلّـلـة كــل معـقـوده
سلاطين سلـم .. و فـاللقـا رمـز الأمجـادي
أهـل سابـق مـا تلجـم فـسـاعـة الـشـدّه
و أهل خنجر تخضـب مـن نحـور الأضـدادي
و أهـل طعنـة فـالحـف .. تدمـي وقايعـهـا
و أهـل كـرّة تـربـك مـوازيـن الأنــدادي
مكمّـمـة الأفــواه المريـبـة .. بريبـتـهـا
و فـي يـوم بيـع الـروح مـا هـم بزهـادي
و أهـل مجلـس .. تبـرى فناجيـلـة دلالــه
و نـجـر يـرحـب بالمسايـيـر و يـنــادي
هلا مرحبا و اقلـط علـى الكيـف .. و الدلـة
و دثـر الشحـم فـوق الصوانـي بـالأعـدادي
و عـود يسـاق .. و غالـي بالثمـن سـوقـه
عبـق ريحـه يخـالـط مـراويـح الأنــوادي
بزين الجناب .. و ضحكـة حجـاج .. وليونـة
و هرج عليه مـن الأدب .. شـرع و إسنـادي
و أنا من رجال ( وعيل ) ( عبدانـي ) المنسـب
هـل الطايلـة مـن عهـد الآبـا و الأجــدادي
و ( غيدان ) أبي .. و اسمي على اسمه و تاريخه
زحول .. يهـون بعزمهـا .. كـل مـا كـادي
و حنـا بهـذا الوقـت .. فـي خيـر و نعمـه
عسـى الله يكافينـا .. حسـد كــل حـسـادي
نبي من رجال العلـم .. مـن يبنـي صروحـه
و نخـرج لنـا جيـل علـى العـلـم .. روادي
نساهـم برفـع المجتمـع .. و نخـدم جمـعـه
و لا هي تجي .. يا كون من صبـر و إجهـادي
تحـت ظـل حكـام الجزيـره هــل النـولـة
ذرانـا و رفعـة روسنـا .. جمـع و أفـرادي
ولانـا .. لهـم مـن ماضـي الوقـت للساعـه
و حنـا لهـم .. فيمـا بغـوا عـز و سـنـادي
و أنا شاعـر كويتـي .. ولائـي لأخـو مريـم
و إلا من دعانـي جيـت بالـروح .. متحـادي
أوقـف هنـا مـن دون أرضـي .. و حاكمهـا
بفكـري نهـار السلـم .. و الحـرب بعـتـادي
و تمـت و صلـى الله علـى الهـادي محـمـد
عـدد مـا يلـوح البـرق .. و يحـن رعـادي
كفو كفو يابن عبدان
وصح السانك ملياااااااااااار
|