مذكرة تفاهم قديمه بيني وبين فهد بن مطر الغنامي ... للتوثيق والتعميم !

قلت له فيها :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لأرض من تحت رجلي والسما فوقي = والرعد راعدي والبرق براقي
أحترم منطقي وآصون منطوقي = وأحتمي موقفي وآقف على ساقي
وآتنقـّى الكلام اللي على ذوقي = لأجل أخاطب به أهل المستوى الراقي
ياسلامي على بو مازن الروقي = وياسلامي على مضموني الباقي
مقصدي يافهد في بطن طاروقي = والطواريق ماتكشف لك أعماقي
آه ياسلعتي وآهين ياسوقي = وأف يابضاعتي وأفين ياأسواقي
يادمي سر وسلم لي على عروقي = وقلها الضرب حامي والله الواقي
يافهد شبة الضو زادت حروقي = ويش أسوي مادام الطيب حراقي
ياعذابي من الدنيا وياعوقي = شانت وشينت يالروقي أخلاقي
تبرم إيدي عبث وتتل معلوقي = والدبل منفصل والقير علاقي
من يوخر الاسد ويقدم اللوقي = عن ردى أعراقه الله يكرم أعراقي
وأنت يابو مطر موقك كما موقي = نظرتك نظرتي وأذواقك أذواقي
بآتنشدك دامك تحفظ حقوقي = وأنت ماتجهل النازل من الراقي
البتارين لو نفرض خذو نوقي = إتهقا فعلهم يرضي ذوي ناقي !؟
حلها يافهد دام السما فوقي = مانبي تكشف أوراقك ولا أوراقي[/poem]

فكان رده رعاه الله وفي روايه أباده الله :


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
فالسماء بان مزن وسطه بروقي = وآنا من مدة للبرق مشتاقي
بعد طول مغيبه يشرق شروقي = حيه اطلال طل وحيه اشراقي
ناصر الأحمري ماهو بمسبوقي = دايم وميزته للطيب سباقي
حي طاروقه ويبقي الله طروقي = والسوالف تروق إن رقت وإن راقي
يابو يحيى لاصار الراس محلوقي = نعرف إن السبب هو موس حلاقي
راع الأطماع قام يحوقها حوقي = باع بيضه ولاباعه لسلاقي
طيب مدري ضعف مافيهن فروقي = لكن ان النتيجه بوق بواقي
أكثر الناس ياسارق يامسروقي = وانته اختار منهم هقوة الهاقي
فيه فالناس عاقل فيه مطفوقي = وفيه ناس ترا ماهي بتنطاقي
لحم مامن لحم والعظم مدقوقي =وقلبً اسود ظلام وجلدً رقاقي
راعي الذود ذوده صار مبيوقي = ليش يشره على البواق لاباقي
لو نشر ذوده بمحمية الطوقي =خير من وجهته لسهول ْلعراقي
وإن نهب يبشر إن الدم مسيوقي = ماله الا العذر والمال ينساقي
مار حذرى ترا للهدنة خروقي = والفضاء يارفيق الدرب ماضاقي[/poem]

من الذكـاء متابعة طاش ما طاش
........ وأكبر غباء إنـك تتابع خـواطـر !